ދިމާވި ޓެކްނިކަލް މައްސަލައަކާ ގުޅިގެން ހުޅުމާލެ ފުރަތަމަ ފިޔަވަހީގެ ބައެއް ސަރަހައްދުތަކުން މިއަދު ކަރަންޓުގެ ޚިދުމަތް މެދުކެނޑިއްޖެއެވެ.

މިކަމާ ގުޅިގެން ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނީ، ހުޅުމާލެ ފުރަތަމަ ފިޔަވަހީގެ ބައެއް އަވަށްތަކުން ކަރަންޓު ކެނޑެން މެދުވެރިވީ ދިމާވި ޓެކްނިކަލް މައްސަލައެއްގެ ސަބަބުން ކަމަށެވެ.

އަދި މި މައްސަލަ ދެނެގަނެ، ވީ އެންމެ އަވަހަކަށް ކަރަންޓުގެ ޚިދުމަތް އިއާދަކުރުމަށްޓަކައި އެ ކުންފުނީގެ ޓީމުތަކުން މިހާރު ދަނީ ހައްލުކުރުމުގެ މަސައްކަތް ކުރަމުންނެވެ.

https://x.com/STELCOMALDIVES/status/2104547566344118643?s=20

ކަރަންޓުގެ ޚިދުމަތް މެދުކެނޑުމާ ގުޅިގެން ކަސްޓަމަރުންނަށް ދިމާވެދާނެ ދަތިތަކަށްޓަކައި ސްޓެލްކޯއިން ވަނީ މައާފަށް އެދިފައެވެ.

މިދިޔަ ބުރާސްފަތި ދުވަހު ވެސް ހުޅުމާލެ ފުރަތަމަ ފިޔަވަހީގެ ބައެއް ސަރަހައްދުތަކުން މިފަދަ ގޮތަކަށް ކަރަންޓުގެ ޚިދުމަތް މެދުކެނޑިފައިވެއެވެ. އެ ދުވަހު ވެސް ސްޓެލްކޯއިން ވަނީ މައްސަލަ ހައްލުކޮށް ޚިދުމަތް އަލުން ފޯރުކޮށްދީފައެވެ.