ގދ. ތިނަދޫގައި ސަރުކާރުން ތަރައްޤީކުރަމުން އަންނަ ޒަމާނީ ފެންވަރުގެ ކޯލްޑް ސްޓޯރޭޖް އަދި އެއާ ގުޅުންހުރި އެހެނިހެން ޢިމާރާތްތަކުގެ މަސައްކަތްތައް ހަލުވި ދުވެއްޔެއްގައި ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.
މިއީ ސަޢޫދީ ފަންޑް ފޯ ޑިވެލޮޕްމަންޓް (އެސްއެފްޑީ) ގެ ދީލަތި އެހީއާއެކު، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އާ ގުޅިގެން ރާއްޖޭގެ މަސްވެރިކަމުގެ ދާއިރާ އިތުރަށް ހަރުދަނާކުރުމަށްޓަކައި ހިންގާ ނުހަނު މުހިންމު މަޝްރޫޢެކެވެ.
އެމްޓީސީސީން ހާމަކުރި އެންމެ ފަހުގެ މަޢުލޫމާތުތަކަށް ބަލާއިރު، މި މަޝްރޫޢުގެ މުޅި ސިވިލް މަސައްކަތްތަކުގެ 53.14 އިންސައްތަ މިހާރު ވަނީ ކާމިޔާބުކަމާއެކު ނިންމާލެވިފައެވެ. އެގޮތުން މުޅި މަޝްރޫޢުގެ މައިގަނޑު ބައި ކަމުގައިވާ ކޯލްޑް ސްޓޯރޭޖް ފެސިލިޓީ ޢިމާރާތްކުރުމުގެ 80 އިންސައްތަ މަސައްކަތް މިހާރު ފުރިހަމަކޮށްފައިވާއިރު، ކެމިކަލް ސްޓޯރާއި ލޮނު ރައްކާކުރުމަށް ޚާއްޞަކުރެވިފައިވާ ސްޓޯރުގެ 56 އިންސައްތަ މަސައްކަތް ވަނީ ނިމިފައެވެ. މީގެއިތުރުން، އިދާރީ ކަންކަމަށް ޚާއްޞަ އެޑްމިން ބިލްޑިންގުގެ 48 އިންސައްތަ މަސައްކަތް ވެސް މިހާރު ވަނީ އެއްކޮށް ނިމުމަކާ ގާތްވެފައެވެ.
ތިނަދޫގައި ޤާއިމުކުރެވޭ މި ފެސިލިޓީއަކީ އެއްފަހަރާ 1،000 މެޓްރިކް ޓަނުގެ މަސް ރައްކާކުރެވޭނެ ބޮޑު ކޯލްޑް ސްޓޯރޭޖަކާއި، ދުވާލަކު 120 މެޓްރިކް ޓަނުގެ މަސް ގަނޑުކުރުމުގެ ޤާބިލުކަން ލިބިފައިވާ ބްރައިން ފްރީޒިންގ ނިޒާމެއް ހިމެނޭހެން ތަރައްޤީކުރެވޭ ތަނެކެވެ. މީގެ އިތުރުން 4،790 އަކަފޫޓުގެ އެއްބުރީގެ އެޑްމިނިސްޓްރޭޓިވް އޮފީހަކާއި، ކެމިކަލް އަދި ލޮނު ރައްކާކުރާ ޢިމާރާތްތަކުގެ އިތުރުން ޑީސަލް ޓޭންކުގެ ފައުންޑޭޝަނާއި، މަސްދޯނިފަހަރަށް ލުއިފަސޭހަކަމާއެކު ޚިދުމަތް ދިނުމަށް ބަނދަރުގެ ޚާއްޞަ ސަރަޙައްދެއް ތަރައްޤީކުރުން ވެސް މި މަޝްރޫޢުގެ ތެރޭގައި ހިމެނެއެވެ.
މި މަޝްރޫޢަކީ ދެކުނުގެ މަސްވެރިން ބާނާ މަސް ކިރުވުމުގައާއި ރައްކާކުރުމުގައި މިހާރު ދިމާވާ ދަތިތަކަށް ދާއިމީ އަދި ޒަމާނީ ޙައްލެއް ހޯދައިދިނުމުގެ މަތިވެރި މަޤްޞަދުގައި ކުރިއަށްގެންދާ މަޝްރޫޢެކެވެ. މަޝްރޫޢުގެ މަސައްކަތްތައް ވީހާވެސް އަވަހަކަށް ނިންމައި މަސްވެރިންނަށް މީގެ މަންފާ ފޯރުކޮށްދިނުމަށްޓަކައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޚާއްޞަ އިރުޝާދުގެ ދަށުން ސަރުކާރުގެ ކަމާބެހޭ ވުޒާރާތަކާއި ޔުޓިލިޓީ ކުންފުނިތަކުން ދަނީ އެއްބާރުލުންދީގެން ގުޅިގެން މަސައްކަތްކުރަމުންނެވެ.
އެމްޓީސީސީން ހާމަކުރި އެންމެ ފަހުގެ މަޢުލޫމާތުތަކަށް ބަލާއިރު، މި މަޝްރޫޢުގެ މުޅި ސިވިލް މަސައްކަތްތަކުގެ 53.14 އިންސައްތަ މިހާރު ވަނީ ކާމިޔާބުކަމާއެކު ނިންމާލެވިފައެވެ. އެގޮތުން މުޅި މަޝްރޫޢުގެ މައިގަނޑު ބައި ކަމުގައިވާ ކޯލްޑް ސްޓޯރޭޖް ފެސިލިޓީ ޢިމާރާތްކުރުމުގެ 80 އިންސައްތަ މަސައްކަތް މިހާރު ފުރިހަމަކޮށްފައިވާއިރު، ކެމިކަލް ސްޓޯރާއި ލޮނު ރައްކާކުރުމަށް ޚާއްޞަކުރެވިފައިވާ ސްޓޯރުގެ 56 އިންސައްތަ މަސައްކަތް ވަނީ ނިމިފައެވެ. މީގެއިތުރުން، އިދާރީ ކަންކަމަށް ޚާއްޞަ އެޑްމިން ބިލްޑިންގުގެ 48 އިންސައްތަ މަސައްކަތް ވެސް މިހާރު ވަނީ އެއްކޮށް ނިމުމަކާ ގާތްވެފައެވެ.
މި މަޝްރޫޢަކީ ދެކުނުގެ މަސްވެރިން ބާނާ މަސް ކިރުވުމުގައާއި ރައްކާކުރުމުގައި މިހާރު ދިމާވާ ދަތިތަކަށް ދާއިމީ އަދި ޒަމާނީ ޙައްލެއް ހޯދައިދިނުމުގެ މަތިވެރި މަޤްޞަދުގައި ކުރިއަށްގެންދާ މަޝްރޫޢެކެވެ. މަޝްރޫޢުގެ މަސައްކަތްތައް ވީހާވެސް އަވަހަކަށް ނިންމައި މަސްވެރިންނަށް މީގެ މަންފާ ފޯރުކޮށްދިނުމަށްޓަކައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޚާއްޞަ އިރުޝާދުގެ ދަށުން ސަރުކާރުގެ ކަމާބެހޭ ވުޒާރާތަކާއި ޔުޓިލިޓީ ކުންފުނިތަކުން ދަނީ އެއްބާރުލުންދީގެން ގުޅިގެން މަސައްކަތްކުރަމުންނެވެ.
ކިޔުންތެރިންގެ ހިޔާލު