އިންޑިއާގެ އުއްތަރު ޕްރަދޭޝްގެ ބިޖްނޯރު ޑިސްޓްރިކްޓްގައި ހުންނަ މިސްކިތެއްގެ އަޑުގަދަކުރާ ފުލުހުންގެ ބެލުމުގެ ދަށަށް ގެންގޮސް، އަޑުގަދަކުރުމުގެ މިންގަނޑުތަކާ ޚިލާފުވި ކަމުގެ ތުހުމަތުގައި އެ މިސްކިތުގެ މުދިމު ހައްޔަރުކޮށްފިއެވެ. އަދި މި މައްސަލައާ ގުޅިގެން އެ ސަރަހައްދު ބެލެހެއްޓުމާ ހަވާލުވެހުރި ބީޓް ކޮންސްޓަބަލް ވަނީ ވަޒީފާއިން ސަސްޕެންޑްކޮށްފައެވެ.

ކަމާބެހޭ އޮފިޝަލުން ވިދާޅުވި ގޮތުގައި މުއައްޒިނު ހައްޔަރުކޮށްފައިވަނީ، ކަނޑައެޅިފައިވާ މިންގަނޑަށްވުރެ ބާރަށް އަޑުގަދަކުރާ ބޭނުންކޮށްގެން ބަންގި ގޮވި ކަމަށް ބުނާ މައްސަލައެއްގައެވެ. މީގެއިތުރުން، އެ ސަރަހައްދު ބެލެހެއްޓުމުގެ މަސްއޫލިއްޔަތު އަދާކުރަމުންދިޔަ ބީޓް ކޮންސްޓަބަލް ސަސްޕެންޑް ކުރީ، މިފަދަ ގަވާއިދުތައް ތަންފީޒުކުރުމުގައި އިހުމާލުވެފައިވާތީ ކަމަށް ފުލުހުން ހާމަކުރެއެވެ.

މި ހާދިސާއާ ގުޅިގެން، ބިޖްނޯރުގެ އެކި ސަރަހައްދުތަކުގައި ހުންނަ އަޅުކަންކުރާ ތަންތަނުގައި ބޭނުންކުރާ އަޑުގަދަކުރާތައް ހުރީ ކަނޑައެޅިފައިވާ މިންގަނޑުތަކާ އެއްގޮތަށްތޯ ކަށަވަރުކުރުމަށް އެ ސަރަހައްދުގެ ފުލުސް ސްޓޭޝަންތަކަށް މިހާރު ވަނީ އަންގާފައެވެ. އަދި ގަވާއިދާ ޚިލާފަށް އަޑުގަދަކުރާ ބޭނުންކުރާ ފަރާތްތަކާ މެދު ގާނޫނީ ފިޔަވަޅު އަޅާނެ ކަމުގެ އިންޒާރުވެސް ފުލުހުން ވަނީ ދީފައެވެ.