ޚަބަރު

އެމްޑީޕީގެ ރަންރީނދޫ ލަޝްކަރު ނިކުމެއްޖެ؛ އެމްޑީޕީގެ ހިނގާލުމަށް އާދަޔާ ޚިލާފު ހޫނު ތަރުޙީބެއް

އަހުމަދު ޝާހް   3 އޭޕްރީލު 2026 - 17:11
އެމްޑީޕީގެ ހިނގާލުން
އެމްޑީޕީގެ ހިނގާލުން
ކުރިއަށް އޮތް ކައުންސިލް އިންތިޚާބުގެ ކެމްޕޭން ނިންމާލުމަށް އެމްޑީޕީން ބާއްވާ ބޮޑު ހިނގާލުން އެތައްހާސް މެންބަރުންނާއެކު މާލޭގައި ފަށައިފިއެވެ.

މިހިނގާލުން ކުރިއަށްދާއިރު އެމްޑީޕީ މެންބަރުންގެ ފަރާތުން އާދަޔާ ޚިލާފު ރޫޙެއް ދަނީ ފެންނަމުންނެވެ. އާޓިފިޝަލް ބީޗުން މިއަދު ހަވީރު 4:00 ގައި ފެށުނު މި ހިނގާލުމުގައި އެމްޑީޕީގެ ލީޑަރޝިޕްގައި ހިމެނިވަޑައިގަންނަވާ ހުރިހާ ބޭފުޅުން ދަނީ ބައިވެރިވެ ވަޑައިގަންނަވަމުންނެވެ.

މި ހިނގާލުމަކީ ފަހަކަށް އައިސް އެމްޑީޕީން މާލޭގައި ބާއްވާ އެންމެ ބޮޑު ހިނގާލުމެވެ.



މި ހިނގާލުން ލީޑް ކުރަށްވަނީ އެމްޑީޕީގެ ކުރީގެ ދެރައީސުން ކަމަށްވާ ރައީސް ނަޝީދާއި، ރައީސް ޞާލިޙެވެ. އޭގެ އިތުރުން ކައުންސިލް އިންތިޚާބުގައި އެމްޑީޕީ ތަމްސީލު ކުރަށްވާ ކެންޑިޑޭޓުންވެސް ދަނީ ބައިވެރިވެ ވަޑައިގަންނަވަމުންނެވެ.



ލޯކަލް ކައުންސިލްގެ އިންތިޚާބާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބާއި، ރައްޔިތުންގެ ޚިޔާލު ހޯދުމުގެ ރެފެރެންޑަމް އޮންނާނީ މާދަމާ އެވެ.

އިލެކްޝަންސް ކޮމިޝަނުން ކަނޑައަޅާފައިވާ ގަވާއިދުތަކާ އެއްގޮތަށް، ކެމްޕޭން ކުރުމުގެ ފުރުޞަތު ހަމަވާނީ، މިއަދު އިރުއޮއްސި 6:00 އަށެވެ.

އެމްޑީޕީ

މި ލިޔުމާ ގުޅޭ

Ad
Ad

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad
Ad
Ad