އަންނަ ނޮވެމްބަރު މަހުގެ އިންތިހާބުގެ ކުރިން ޑިމޮކްރެޓިކް ޕާޓީގެ ރިޔާސީ ކެންޑިޑޭޓް ކަމަލާ ހެރިސްއާ ދެކޮޅަށް ބާއްވާ ދެވަނަ ބަހުސްގައި ބައިވެރިވަޑައިނުގަންނަވާނެ ކަމަށް އެމެރިކާގެ ކުރީގެ ރައީސް ޑޮނަލްޑް ޓްރަމްޕް ވިދާޅުވެެއްޖެ އެވެ.

އެމެރިކާގެ ކުރީގެ ރައީސް ޑޮނަލްޑް ޓްރަމްޕް ވިދާޅުވީ މި ހަފްތާގެ ކުރީކޮޅު ފިލަޑެލްފިއާގައި ހެރިސްއާ ދެކޮޅަށް ކުރި ފުރަތަމަ ބަހުސް "ސާފުކޮށް ކާމިޔާބު" ކަމަށް ޕޯލްތަކުން ދައްކާ ކަމަށެވެ. ޓްރަމްޕް އިތުރަށް ވިދާޅުވީ ނައިބު ރައީސްގެ މަގާމުގައި ހުންނަވައިގެން ކަމަލާ ހެރިސަ "ކުރަން ޖެހޭ ކަންތައްތަކަށް ފޯކަސް ކުރަން ޖެހޭ" ކަމަށެވެ. ޕޯލްތަކުން ދައްކާ ގޮތުގައި މި ދެ ކެންޑިޑޭޓުން ތިބީ އިންތިހާބު ގަދަ ރޭހެއްގަ އެވެ.

ކުރިއަށް އޮތް ރިޔާސީ އިންތިޚާބުގައި ޓްރަމްޕްއާ ވާދަކުރައްވަން ވެރިކަން ކުރާ ޑިމޮކްރެޓިކް ޕާޓީން ފުރަތަމަ ކެމްޕެއިން ކުރެއްވީ ރައީސް ޖޯ ބައިޑެންއެވެ. ނަމަވެސް ބައިޑެންގެ ސިއްހީ ހާލަތާ މެދު ގިނަ ބަޔަކު ކަންބޮޑުވުން ފާޅުކުރަމުން ދަނިކޮށް، އޭނާ ވަނީ މިދިޔަ ޖުލައި މަހުގެ 21ގައި ރިޔާސީ ރޭހުން ވަކިވެވަޑައިގެންފައެވެ. އެއަށްފަހު ޑިމޮކްރެޓްސްގެ ކެންޑިޑޭޓަކަށް ހޮވައިފައި ވަނީ ނައިބު ރައީސް ކަމަލާ ހެރިސް އެވެ.