ޓެސްލާއިން އުފެއްދި، ދުނިޔޭގެ ފުރަތަމަ އޯލް އިލެކްޓްރިކް 'ގިގަ ޓްރެއިން' ތައާރަފްކޮށް ޖަރުމަނުގައި ފުރަތަމަ ދަތުރުކޮށްފިއެވެ.

ޓެކް ދާއިދާގެ އެންމެ އުހުގައި އޮތް ޓެސްލާއިން އުފެއްދި މި ރޭލުގެ ފުރަތަމަ ދަތުރުތައް ފަށާފައިވާއިރު މި ގިގަ ރޭލުން ފަސިންޖަރުންނަށް އަދި ދަތުރުކުރެވޭނީ ބަލިންގެ އާކްނަރ ސްޓޭޝަނުން އެގައުމުގެ އިރުދެކުނުގައި، ގާތްގަނޑަކަށް 20 މޭލު ދުރުގައި އޮންނަ އެ ކުންފުނީގެ ފެސިލިޓީ ހުންނަ ޓެސްލާ ސުޑްއަށެވެ.

މިވަގުތު ޓެސްލާގެ ރޭލުގައި 500 މީހުންނަށް ދަތުރުކުރެވޭއިރު، ރޭލުގައި 120 ގޮނޑިއާއި، ސައިކަލަށް ޖާގައާއި، ފަސިންޖަރުންނަށް މައުލޫމާތު ދޭ ނިޒާމު ސިސްޓަމެއް ހުރެއެވެ. މި ރޭލުން ޓެސްލާގެ މުވައްޒަފުންގެ އިތުރުން އާންމުންނަށްވެސް ހިލޭ ދަތުރުކުރެވެއެވެ.

މި ރޭލުގެ ޚިދުމަތާ އެކު ޓެސްލާގެ 4،500 މުވައްޒަފުން ވަޒީފާއަށް ދިއުމާއި ވަޒީފާއިން އައުމަށް ފަސޭހަވެގެންދާނެއެވެ. އަދި ރޭލު ދަތުރުކުރާ މަގުގައި ސްޓޮޕް ތަކެއް އިތުރު ކުރާނެ ކަމަށް މައުލޫމާތު ލިބެއެވެ.

ކަރަންޓުގެ އެހީގައި ދަތުރުކުރާ މި ރޭލުން އަހަރަކު 50 ޓަނުގެ ކާބާންޑައިއޮކްސައިޑް ޖައްވަން ފޮނުވުން ހުއްޓުވައިދޭނެއެވެ.