އެމްްޑީޕީން ރައީސް ނަޝީދު ދުރުކުރާކަށް މީހަކު ނޫޅޭ ކަމަށް އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.

ރޮޒޭނާ މިމޭރުމުން ވިދާޅުވީ ރައީސް ނަޝީދު ޕާޓީން އެއްފަރާތްކުރުމުގެ ފަލްސަފާއެއް ބަޔަކު ގެންގުޅެމުންދާކަމަށް އެމްޑީޕީގެ ބައެއް ޢާއްމު މެންބަރުން ބުނަމުން ގެންދާތީ އެކަމަށް ރައްދު ދެއްވުމުގެ ގޮތުންނެވެ. އެމްޑީޕީގެ އެތެރޭގެ އިންތިޚާބުގެ ފޯރި ގަދަވެފައިވާއިރު ރައީސް ނަޝީދުގެ ވަފާތެރިންކަމަށް ބެލެވޭ މެންބަރުން ތާޢީދު ކުރަށްވަމުން ގެންދަވަނީ އިމްތިޔާޒް ފަހުމީއަށެވެ.

އެކަމާ ގުޅިގެން ރޮޒޭނާ ވިދާޅުވީ އެމްޑީޕީގެ ރައީސަކީ ޕާޓީގެ އާންމު މެންބަރުން ވޯޓުލައިގެން ހޮވާފައިވާ ބޭފުޅެއް ކަމަށެވެ. އަދި ވަކިމީހަކަށް ރައީސް ނަޝީދު ޕާޓީން ދުރުނުކުރެވޭނެ ކަމަށް ރޮޒޭނާ ވިދާޅުވިއެވެ.

"މި ޕާޓީން ރައީސް ނަޝީދު ދުރުކުރާކަށް މީހަކު ނޫޅޭ" ރޮޒޭނާ ވިދާޅުވިއެވެ.

Mi party in Raees Nasheed dhurukuraakah meehaku noolhey. Mi party ge raees akee mi party ge aanmu membarun vote laigen hovaafa huri beyfulheh. Vaki meehakah RN dhureh nukureveyne. Thilafathuge ramzaky fithunayaa, olhuvaalun tho? Nuvatha meehunge boluga dhogu ilzaam elhuvuntho? 😞

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) March 18, 2022

ރައީސް ނަޝީދު ޕާޓީން ދުރުކުރަން އުޅޭކަމަށް ކުރެވޭ ތުހުމަތަށް ރައްދު ދެއްވަމުން ރޮޒޭނާ އިތުރަށް ވިދާޅުވީ ފިތުނަޔާ އޮޅުވާލުމުގެ ތެރެއިން މީހުންގެ ބޮލުގައި ދޮގު އިލްޒާމް ނާޅުވައި ކެމްޕޭން ކުރުމަށް އިލްތިމާސް ކުރާ ކަމަށެވެ.

އެމްޑީޕީގެ އެތެރޭގެ އިންތިޚާބު އަންނަ މަހުގެ 14 ވަނަ ދުވަހު ބޭއްވުމަށް ހަމަޖެހިފައިވާއިރު ރޮޒޭނާ ވާދަކުރަށްވަނީ އަންހެނުންގެ ރޫޙުގެ ރައީސްގެ މަޤާމަށެވެ. މި އިންތިޚާބުގައި ރޮޒޭނާ އާ ވާދަކުރަށްވަނީ ސަފާތު ޒާހިރެވެ.