ކުޅިވަރު

Share

ޗެމްޕިއަންސް ލީގު - ސިޓީއާއި ޕީއެސްޖީ އެއް ގުރޫޕަކަށް!

އަހުމަދު މަސްނޫމް   27 އޯގަސްޓު 2021 - 15:46
ޔޫރަޕްގެ ކްލަބްތަކުގެ މެދުގައި ކުޅެވޭ އެންމެ ޝަރަފުވެރި މުބާރާތް ކަމަށްވާ ޗެމްޕިއަންސް ލީގުގެ ގުރުއަތުލުން ރޭ ބާއްވައިފިއެވެ.

މިފަހަރުގެ މުބާރާތުގެ ގުރުއަތުލުން ރޭ ބާއްވާފައިވަނީ ތުރުކީގެ ވެރިރަށް އިސްތަންބޫލްގައެވެ. ޓީމުތައް ގުރޫޕްތަކަށް ބެހިފައިވާ ގޮތަށް ބަލާއިރު، ވަރުގަދަ ދެ ކްލަބް ކަމަށްވާ މެންޗެސްޓަރ ސިޓީއާއި ޕީއެސްޖީ އޮތީ ގްރޫޕް އޭ ގައެވެ. ދެން މި ގްރޫޕްގައި ހިމެނެނީ ޖަރުމަނުގެ ލައިޕްޒިގާއި، ބެލްޖިއަމްގެ ކްލަބް ބުރޫހާއެވެ.



ގްރޫޕް ބީގައި ހިމެނެނީ މުޅިންވެސް އެއް ފެންވަރެއްގެ ވަރުގަދަ ޓީމުތަކެކެވެ. ލިވަރޕޫލް، އެތްލެޓިކޯ މެޑްރިޑް، އޭސީ މިލާން އަދި ޕޯޓޯއެވެ.





ގްރޫޕް ސީއަށް ބަލާލާއިރު، ޖަރުމަންވިލާތުގެ ޑޯޓްމަންޑް ހިމެނެނީ މި ގްރޫޕްގައެވެ. ދެން މި ގްރޫޕްގައި ހިމެނެނީ ސްޕޯޓިން، އަޔެކްސް އަދި ތުރުކީގެ ބެޝިކްޓިކްސްއެވެ.



ގްރޫޕް ޑީ އަކީވެސް ވަރުގަދަ ގްރޫޕެކެވެ. ރެއާލް މެޑްރިޑާއި އިންޓަރ މިލާން އޮތީ މި ގްރޫޕްގައެވެ. ދެން މި ގްރޫޕްގައި ހިމެނެނީ ޝަކްތާއާއި މުޅިން އަލަށް ޗެމްޕިއަންސް ލީގަށް ކޮލިފައިވި މޯލްޑޯވާގެ އެފްސީ ޝެރިފްއެވެ.



ގްރޫޕް އީ އަކީވެސް ގިނަ ބައެއްގެ ސަމާލުކަން ލިބޭނެ ގްރޫޕެވެ. ވަރުގަދަ ބަޔާން މިއުނިކް އާއި ބާސެލޯނާ ހިމެނެނީ މިގްރޫޕްގައެވެ. ދެންވެސް މި ގްރޫޕްގައި ހިމެނެނީ އާދައިގެ ޓީމުތަކެއް ނޫނެވެ. ޕޯޗުގަލްގެ ބެންފިކާއާއި، ޔޫކްރެއިންގެ ޑައިނަމޯ ކިއޭވްއެވެ.



ގްރޫޕް އެފް ގައި ހިމެނެނީ މެންޗެސްޓަރ ޔުނައިޓެޑް އާއި ވިޔަރެއާލްގެ އިތުރުން އެޓްލާންޓާ އާއި ޔަންގް ބޯއީސްއެވެ.



ގްރޫޕް ޖީ ގައި ހިމެނެނީ ސެވިއްޔާ، އެލްއޯއެސްސީ، ސަލްސްބާގް އަދި ވޮލްވްސްބާގްއެވެ.



ގްރޫޕް އެޗް ގައި ވަރުގަދަ ޓީމުތަކެއް ހިމެނެއެވެ. ޗެލްސީ އާއި ޔުވެންޓަސް އޮތީ މިގްރޫޕްގައެވެ. ދެން އޮތީ، ޒެނިތް އާއި މަލްމޯއެވެ.



ޗެމްޕިއަންސް ލީގުގެ މެޗުތައް ފަށާނީ އަންނަ ސެޕްޓެމްބަރުމަހުއެވެ. އަދި ފައިނަލް މެޗު އޮންނާނީ ރަޝިޔާގެ ސެއިންޕީޓާސް ބާގުގައި އަންނަ އަހަރުގެ މޭމަހުއެވެ.

Ad
Ad
Share

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad

ޓްރެންޑިން

Ad
Ad