ދިވެހިރާއްޖޭގެ ކަނޑުމަހުގެ އުފެއްދުންތައް ޗައިނާގެ ބާޒާރަށް އެކްސްޕޯޓު ކުރުމުގެ ފުރުސަތުތައް ފަހިކުރުމުގެ ގޮތުން މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އާއި ޗައިނާގެ ސައިނޯމެކް ހައިނާން ޑިވެލޮޕްމެންޓް ކޮމްޕެނީއާ ދެމެދު މުހިންމު ފަހުމުނާމާއެއްގައި (އެމްއޯޔޫ) ސޮއިކޮށްފިއެވެ.
މި އެއްބަސްވުމުގައި ސޮއިކޮށްފައިވަނީ 28 އޮކްޓޫބަރު 2026 ގައި ބޭއްވުނު "ޗައިނާ މޯލްޑިވްސް އިންވެސްޓްމެންޓް ކޯޕަރޭޝަން ފޯރަމް" ގެ ހަވާސާގައެވެ. މި ފަހުމުނާމާގައި މިފްކޯގެ ފަރާތުން ސޮއިކުރެއްވީ އެ ކުންފުނީގެ ޗީފް އެކްޒެކެޓިވް އޮފިސަރު އަދި މެނޭޖިން ޑިރެކްޓަރު މުހައްމަދު އަނަސް އެވެ. ސައިނޯމެކް ހައިނާން ޑިވެލޮޕްމެންޓުގެ ފަރާތުން ސޮއިކުރެއްވީ އެ ކުންފުނީގެ ޗީފް އެޑްވައިޒަރު އޯ ވޭގުއޯ އެވެ.
މިފްކޯއިން ނެރުނު ބަޔާނެއްގައި ހާމަކޮށްފައިވާ ގޮތުގައި، މި ފަހުމުނާމާގެ މައިގަނޑު މަގުސަދަކީ ދުނިޔޭގެ އެންމެ ބޮޑު އެއް މާކެޓް ކަމަށްވާ ޗައިނާގެ ބާޒާރުގައި ރާއްޖޭގެ މަހުގެ އުފެއްދުންތަކަށް ހުރި ވިޔަފާރީގެ ފުރުސަތުތައް ދެނެގަނެ، އެ ގައުމަށް މަސް ފޯރުކޮށްދިނުމުގެ އިންތިޒާމްތައް އެކުލަވައިލުމެވެ. އެގޮތުން، ދެ ކުންފުނި ގުޅިގެން މަސައްކަތްކުރާނީ އުފެއްދުންތަކުގެ ފެންވަރު ހިފެހެއްޓުމާއި، ބަންދުކުރުމާއި (ޕެކޭޖިންގ)، ލޮޖިސްޓިކްސް އަދި ޗައިނާގެ ބާޒާރަށް މުދާ އެތެރެކުރުމުގައި ފުރިހަމަވާންޖެހޭ ގާނޫނީ އެންމެހައި މިންގަނޑުތަކަށް ފެތޭނެ އިންތިޒާމްތައް ހަމަޖެއްސުމަށެވެ.
މި އެއްބަސްވުމުގެ ދަށުން މިފްކޯއިން ހަރަކާތްތެރިވާނީ މައިގަނޑު ގޮތެއްގައި ކަނޑުމަހުގެ އުފެއްދުންތައް ފޯރުކޮށްދޭ ފަރާތުގެ ގޮތުގައެވެ. އަދި ސައިނޯމެކް ހައިނާންގެ ޒިންމާއަކީ ޗައިނާގެ ބާޒާރުން އެކަށީގެންވާ ވިޔަފާރީގެ ފުރުސަތުތަކާއި މާކެޓް ފަހިކޮށްދިނުމެވެ.
މީގެ އިތުރުން، މި މަޝްރޫއުގެ ފުރަތަމަ މަރުހަލާގައި ކުރިއަށްގެންދާ ދިރާސާތަކާއި ގާއިމުކުރެވޭ ވިޔަފާރީގެ އިންތިޒާމްތަކުގެ ނަތީޖާއަށް ބަލައި، ކުރިއަށް އޮތް 2027 ވަނަ އަހަރުން ފެށިގެން ޗައިނާއަށް އެކްސްޕޯޓުކުރާ މަހުގެ މިންވަރު އިތުރުކުރުމާ ގުޅޭގޮތުން ދެ ފަރާތުގެ މެދުގައި އިތުރަށް މަޝްވަރާކުރުމަށް ހަމަޖެހިފައިވާ ކަމަށްވެސް މިފްކޯގެ ބަޔާނުގައި ވެއެވެ.
މި ފަހުމުނާމާއަކީ ރާއްޖޭގެ މަސްވެރިކަމުގެ އުފެއްދުންތައް ވިއްކުމަށް ބައިނަލްއަގްވާމީ އާ ބާޒާރުތައް ހޯދައިދިނުމަށް އެޅުނު މުހިންމު ފިޔަވަޅެކެވެ. އަދި މިއީ ރާއްޖެއާއި ޗައިނާއާ ދެމެދު އޮތް ޒަމާންވީ އިގްތިސާދީ އަދި ވިޔަފާރީގެ ގުޅުން އިތުރު ހަރުފަތަކަށް ގެންގޮސް ބަދަހިކުރުމަށް ލިބިގެންދިޔަ ވަރަށް ބޮޑު ބާރެއް ކަމަށް މިފްކޯއިން ފާހަގަކުރެއެވެ.
މިފްކޯއިން ނެރުނު ބަޔާނެއްގައި ހާމަކޮށްފައިވާ ގޮތުގައި، މި ފަހުމުނާމާގެ މައިގަނޑު މަގުސަދަކީ ދުނިޔޭގެ އެންމެ ބޮޑު އެއް މާކެޓް ކަމަށްވާ ޗައިނާގެ ބާޒާރުގައި ރާއްޖޭގެ މަހުގެ އުފެއްދުންތަކަށް ހުރި ވިޔަފާރީގެ ފުރުސަތުތައް ދެނެގަނެ، އެ ގައުމަށް މަސް ފޯރުކޮށްދިނުމުގެ އިންތިޒާމްތައް އެކުލަވައިލުމެވެ. އެގޮތުން، ދެ ކުންފުނި ގުޅިގެން މަސައްކަތްކުރާނީ އުފެއްދުންތަކުގެ ފެންވަރު ހިފެހެއްޓުމާއި، ބަންދުކުރުމާއި (ޕެކޭޖިންގ)، ލޮޖިސްޓިކްސް އަދި ޗައިނާގެ ބާޒާރަށް މުދާ އެތެރެކުރުމުގައި ފުރިހަމަވާންޖެހޭ ގާނޫނީ އެންމެހައި މިންގަނޑުތަކަށް ފެތޭނެ އިންތިޒާމްތައް ހަމަޖެއްސުމަށެވެ.
މި އެއްބަސްވުމުގެ ދަށުން މިފްކޯއިން ހަރަކާތްތެރިވާނީ މައިގަނޑު ގޮތެއްގައި ކަނޑުމަހުގެ އުފެއްދުންތައް ފޯރުކޮށްދޭ ފަރާތުގެ ގޮތުގައެވެ. އަދި ސައިނޯމެކް ހައިނާންގެ ޒިންމާއަކީ ޗައިނާގެ ބާޒާރުން އެކަށީގެންވާ ވިޔަފާރީގެ ފުރުސަތުތަކާއި މާކެޓް ފަހިކޮށްދިނުމެވެ.
މި ފަހުމުނާމާއަކީ ރާއްޖޭގެ މަސްވެރިކަމުގެ އުފެއްދުންތައް ވިއްކުމަށް ބައިނަލްއަގްވާމީ އާ ބާޒާރުތައް ހޯދައިދިނުމަށް އެޅުނު މުހިންމު ފިޔަވަޅެކެވެ. އަދި މިއީ ރާއްޖެއާއި ޗައިނާއާ ދެމެދު އޮތް ޒަމާންވީ އިގްތިސާދީ އަދި ވިޔަފާރީގެ ގުޅުން އިތުރު ހަރުފަތަކަށް ގެންގޮސް ބަދަހިކުރުމަށް ލިބިގެންދިޔަ ވަރަށް ބޮޑު ބާރެއް ކަމަށް މިފްކޯއިން ފާހަގަކުރެއެވެ.
ކިޔުންތެރިންގެ ހިޔާލު