އަމީނީ މަގުގެ ދެވަނަ ސެގްމެންޓު މަރާމާތު ކުރުމުގެ މަސައްކަތް ފެށުމަށްޓަކައި، އެ ސަރަހައްދު ބަންދުކޮށް ޓްރެފިކް ފްލޯއަށް ބަދަލުތަކެއް ގެންނަން ދިވެހި ފުލުހުންގެ ޚިދުމަތުން ނިންމައިފިއެވެ.
ފުލުހުން ނެރުނު ބަޔާނެއްގައިވާ ގޮތުން، މަގުގެ މަސައްކަތް ފެށުމަށް ހަމަޖެހިފައިވަނީ އާދީއްތަ ދުވަހު ކަމަށްވާތީ، މިރޭ ދަންވަރު 12:00 އިން ފެށިގެން އެ ސަރަހައްދުގެ ޓްރެފިކަށް ބަދަލުތައް އަންނާނެއެވެ.
މި މަސައްކަތާ ގުޅިގެން ބަންދުކުރުމަށް ހަމަޖެހިފައިވަނީ އަމީނީ މަގުގެ އިއްޒުއްދީން މަގުން ފެށިގެން ކޯރުކެނޑި ހިނގުމާ ހަމައަށް އޮތް ސަރަހައްދެވެ.
އެހެންކަމުން މަގު މަރާމާތުކުރާ ސަރަހައްދުގައި ޕާކުކޮށްފައިވާ އުޅަނދުތައް ނެގުމަށް ފުލުހުން ވަނީ އިލްތިމާސްކޮށްފައެވެ.
އަދި މި ސަރަހައްދު ބަންދުކޮށްފައިވާ ވަގުތުތަކުގައި ބައެއް މަގުތަކުން ދުއްވުން މަނާވުމުގެ އިތުރުން، ބައެއް މަގުތަކަށް ހަތަރު ފުރޮޅުލީ އުޅަނދު ވަނުންވެސް މަނާވާނެކަމަށް ފުލުހުން އާންމުކޮށްފައިވާ ޗާޓުން އެނގެއެވެ.
މި ބަދަލުތަކުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށް ފުލުހުން ވަނީ މާފަށް އެދިފައެވެ. އަދި މިފަދަ ކަންކަމުގައި އާންމުންގެ ފަރާތުން އަބަދުވެސް ލިބެމުންދާ އެއްބާރުލުން ފާހަގަކޮށް، ދިވެހި ފުލުހުންގެ ޚިދުމަތުން ވަނީ ރައްޔިތުންނަށް ޝުކުރު އަދާކޮށްފައެވެ.
މި މަސައްކަތާ ގުޅިގެން ބަންދުކުރުމަށް ހަމަޖެހިފައިވަނީ އަމީނީ މަގުގެ އިއްޒުއްދީން މަގުން ފެށިގެން ކޯރުކެނޑި ހިނގުމާ ހަމައަށް އޮތް ސަރަހައްދެވެ.
އަމީނީމަގު މަރާމާތުކުރުމުގެ މަސައްކަތުގެ ދެވަނަ ސެގްމަންޓް 2026 އޮކްޓޫބަރު 4 ވަނަ ދުވަހު ފެށުމަށް ހަމަޖެހިފައިވާތީ، 2026 އޮކްޓޫބަރު 3 ވަނަ ދުވަހުގެ ރޭ 00:00 އިން ފެށިގެން، އެ ސަރަހައްދުގެ ޓްރެފިކް ފްލޯއަށް ޗާޓުގައިވާ ގޮތަށް ބަދަލު ގެނެވި، އާންމު ދަތުރުފަތުރަށް ބަންދުކުރެވޭނެ… pic.twitter.com/8dSUs6waWE
— Maldives Police (@PoliceMv) October 3, 2026
އެހެންކަމުން މަގު މަރާމާތުކުރާ ސަރަހައްދުގައި ޕާކުކޮށްފައިވާ އުޅަނދުތައް ނެގުމަށް ފުލުހުން ވަނީ އިލްތިމާސްކޮށްފައެވެ.
މި ބަދަލުތަކުގެ ސަބަބުން އާންމު ރައްޔިތުންނަށް ދިމާވެދާނެ ދަތިތަކަށް ފުލުހުން ވަނީ މާފަށް އެދިފައެވެ. އަދި މިފަދަ ކަންކަމުގައި އާންމުންގެ ފަރާތުން އަބަދުވެސް ލިބެމުންދާ އެއްބާރުލުން ފާހަގަކޮށް، ދިވެހި ފުލުހުންގެ ޚިދުމަތުން ވަނީ ރައްޔިތުންނަށް ޝުކުރު އަދާކޮށްފައެވެ.
ކިޔުންތެރިންގެ ހިޔާލު