އދ. ކުނބުރުދޫގައި އަލަށް އިމާރާތްކުރި ފުލުހުންގެ މަރުކަޒު ރަސްމީކޮށް ހުޅުވައި ހިދުމަތް ދޭން ފަށައިފިއެވެ.
ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އާ ހަވާލުކޮށްގެން، މިދިޔަ އަހަރުގެ އޮކްޓޫބަރު މަހު ބިންގާއަޅައި، އަހަރެއްހައި ދުވަހުގެ ތެރޭގައި މަސައްކަތް ނިންމައި ބިނާކުރި މި މަރުކަޒު ހުޅުވައިދެއްވީ، ހޯމް މިނިސްޓަރު އަލީ އިހުސާން އަދި ކޮމިޝަނާ އޮފް ޕޮލިސް އަހުމަދު މުހައްމަދު އެވެ.
ކުނބުރުދޫއަކީ ކުޑަ މީސްކޮޅެއް ދިރިއުޅޭ ރަށެކެވެ. މިއަދު އާ ޕޮލިސް ސްޓޭޝަން ހުޅުވުމަށް ބޭއްވި ރަސްމިއްޔާތުގައި ހޯމް މިނިސްޓަރުވެސް އެކަން ފާހަގަކުރައްވައި ވިދާޅުވީ އާބާދީ ކުދި އަދި ކުށް މަދު ރަށްރަށުގައި ވެސް ފުލުހުންގެ ހާއްސަ މަރުކަޒުތައް ގާއިމުކުރުމުގެ މައިގަނޑު މަގުސަދަކީ ކުށުގެ ވެށި އުފެދުމުގެ ކުރިން މުޖުތަމައާ ގުޅިގެން އަމާން ވެއްޓެއް ދެމެހެއްޓުން ކަމަށެވެ.
"ރަށުގައި މާ ބައިވަރު އަދި ކުށްތަކެއް ނުހިނގި ކަމުގައިވިޔަސް، މިފަދަ މަރުކަޒެއް ހުރެގެން ރަށުގެ ރައްޔިތުންނާއި ރަށުގެ އެކިއެކި މުއައްސަސާތަކާ ގުޅިގެން ފުލުހުން ކުރަމުންދާ ކޮމިއުނިޓީ ބޭސްޑް މަސައްކަތްތަކަކީ ރަށުގެ ކުށުގެ މާހައުލު ނެތި މި އޮންނަ އަމާން ވެށި ދެމެހެއްޓުމަށްޓަކައި ކޮންމެހެން ކުރަންޖެހޭ ކަމެއް،" މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ މި ސަރުކާރުން ވެރިކަމާ ހަވާލުވި އިރު ރާއްޖޭގެ 63 ރަށެއްގައި ފުލުހުން ފިޒިކަލީ ގާއިމުވެ ތިބެގެން ހިދުމަތް ދެމުން ނުދާކަމަށެވެ. ނަމަވެސް، މިހާރު އެ 63 ރަށުގައި ވެސް ފުލުހުން ގާއިމުވެ ތިބެގެން ހިދުމަތް ދެމުންދާކަން ވަޒީރު ފާހަގަކުރެއްވިއެވެ. އަދި އޭރު އަމިއްލަ މަރުކަޒުތައް ހުރީ އެންމެ 17 ރަށުގައި ކަމަށާއި، ގާތްގަނޑަކަށް 170 އެއްހައި ރަށުގައި ފުލުހުން ހިދުމަތް ދެމުންދިޔައީ ކައުންސިލު އިދާރާތަކާއި އަމިއްލަ ތަންތަން ކުއްޔަށް ހިފައިގެން ވަރަށް ދަތި ހާލުގައި ކަމަށް އޭނާ ވިދާޅުވިއެވެ.
ކުނބުރުދޫއަކީ ކުޑަ މީސްކޮޅެއް ދިރިއުޅޭ ރަށެކެވެ. މިއަދު އާ ޕޮލިސް ސްޓޭޝަން ހުޅުވުމަށް ބޭއްވި ރަސްމިއްޔާތުގައި ހޯމް މިނިސްޓަރުވެސް އެކަން ފާހަގަކުރައްވައި ވިދާޅުވީ އާބާދީ ކުދި އަދި ކުށް މަދު ރަށްރަށުގައި ވެސް ފުލުހުންގެ ހާއްސަ މަރުކަޒުތައް ގާއިމުކުރުމުގެ މައިގަނޑު މަގުސަދަކީ ކުށުގެ ވެށި އުފެދުމުގެ ކުރިން މުޖުތަމައާ ގުޅިގެން އަމާން ވެއްޓެއް ދެމެހެއްޓުން ކަމަށެވެ.
މިނިސްޓަރު ވިދާޅުވީ މި ސަރުކާރުން ވެރިކަމާ ހަވާލުވި އިރު ރާއްޖޭގެ 63 ރަށެއްގައި ފުލުހުން ފިޒިކަލީ ގާއިމުވެ ތިބެގެން ހިދުމަތް ދެމުން ނުދާކަމަށެވެ. ނަމަވެސް، މިހާރު އެ 63 ރަށުގައި ވެސް ފުލުހުން ގާއިމުވެ ތިބެގެން ހިދުމަތް ދެމުންދާކަން ވަޒީރު ފާހަގަކުރެއްވިއެވެ. އަދި އޭރު އަމިއްލަ މަރުކަޒުތައް ހުރީ އެންމެ 17 ރަށުގައި ކަމަށާއި، ގާތްގަނޑަކަށް 170 އެއްހައި ރަށުގައި ފުލުހުން ހިދުމަތް ދެމުންދިޔައީ ކައުންސިލު އިދާރާތަކާއި އަމިއްލަ ތަންތަން ކުއްޔަށް ހިފައިގެން ވަރަށް ދަތި ހާލުގައި ކަމަށް އޭނާ ވިދާޅުވިއެވެ.
ކިޔުންތެރިންގެ ހިޔާލު