އެމްޑީޕީން މަސައްކަތްކުރަނީ ރައީސް ޑރ.މުޙައްމަދު މުޢިއްޒު ނޫން އެހެން ގޮތެއް ހޯދަން ނޫންކަމަށާއި ބޭނުންވަނީ ރައްޔިތުންނަށް ހައްޤު މިންވަރު ހޯދައިދޭންކަމަށް އެޕާޓީގެ ކުރީގެ ޗެއާޕާސަން ފައްޔާޒު އިސްމާޢީލް ވިދާޅުވެއްޖެއެެވެ.
އެމްޑީޕީގެ ކޮންގުރެސް ނިއްމުމުގެ ރަސްމިއްޔާތުގައި، ވާހަކަ ދައްކަވަމުން އެ ޕާޓީގެ ކުރީގެ ޗެއާޕާސަން އަދި ކުރީގެ އިކޮންމިކް މިނިސްޓަރު ފައްޔާޒު އިސްމާއިލް ވިދާޅުވީ މިއުޅެނީ ހަމައެކަނި ރައީސް މުޢިއްޒު ނޫން ގޮތެއް ހޯދަން ނުވަތަ އެމްޑީޕީގެ ވެރިކަމެއް ގެންނަން އެކަނި ނޫން ކަމަށެވެ. އަދި ރައީސް މުޢިއްޒަށް ރައްޔިތުންގެ ތާއީދު ނެތްކަން ސާފުކޮށް އެނގިވަޑައިގަންނަވާ ކަމަށާއި، ވެރިކަމުގައި ހުންނަވަން އެމަނިކުފާނު މަސައްކަތްކުރައްވަމުން ގެންދަވާކަމަށް ފައްޔާޒު ވިދާޅުވިއެެވެ.
މީގެއިތުރުން، އިލެކްޓްރޯނިކް ވޯޓިން ގެނެސްގެން ސަރުކާރުން ވޯޓު އޮޅުވާލައި، ވޯޓު ފޭރިގަންނަން މަސައްކަތްކުރަމުންދާކަން ތުހުމަތުކުރައްވައި އެކަމަށް އެމްޑީޕީން ޖާގަ ނުދޭނެ ކަމަށް ވިދާޅުވެ ފައްޔާޒު ވަނީ އިންޒާރުދެއްވާފައެވެ. މިއަދު މި ކުރާ މަސައްކަތަކީ ދިވެހި ރައްޔިތުންނަށް ހައްޤާއި އަދުލުއިންސާފު ލިބޭނެ، އަދި ނަފްސާނީ "ސްޓްރެސް" އަކާ ނުލައި ދިރިއުޅެވޭނެ ފަހި މާހައުލެއް ޤައުމުގައި ޤާއިމުކުރުމަށް ކަމަށް އޭނާ ވިދާޅުވިއެވެ.
ފައްޔާޒު އިތުރަށް ވިދާޅުވީ، އަންނަ 2028 ވަނަ އަހަރު އެމްޑީޕީން އިންތިޚާބު ކާމިޔާބުކޮށް، ޒުވާނުންނަށް މި ޤައުމާމެދު އުއްމީދު އާކޮށްދޭނެ ބޮޑު ބަދަލެއް ގެންނާނެ ކަމަށެވެ.
ފައްޔާޒު އިތުރަށް ވިދާޅުވީ، އަންނަ 2028 ވަނަ އަހަރު އެމްޑީޕީން އިންތިޚާބު ކާމިޔާބުކޮށް، ޒުވާނުންނަށް މި ޤައުމާމެދު އުއްމީދު އާކޮށްދޭނެ ބޮޑު ބަދަލެއް ގެންނާނެ ކަމަށެވެ.
ކިޔުންތެރިންގެ ހިޔާލު