ދަނޑުވެރިކަން ކުރުމަށް ދޫކޮށްފައިވާ ފަޅުރަށްތަކުގެ ތެރެއިން، ހުށަހަޅާފައިވާ މަސައްކަތު ޕްލޭނާ އެއްގޮތަށް އަމަލުނުކުރާ ފަރާތްތަކުގެ އެއްބަސްވުންތައް ސަރުކާރުން ބާތިލުކުރަން ނިންމައިފިއެވެ.
މިކަން ހާމަކުރެއްވީ ރޭ ބޭއްވި "އަހާ" ފޯރަމުގައި ވާހަކަދައްކަވަމުން މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމެވެ. ޤައުމުގެ ކާނާގެ ރައްކާތެރިކަން ކަށަވަރުކުރުމަށް ސަރުކާރުން ކުރަމުންދާ މަސައްކަތްތަކާ ގުޅޭގޮތުން އާންމު ރައްޔިތަކު ކުރި ސުވާލަކަށް ޖަވާބުދެއްވަމުން ވަޒީރު ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގަތުމަށްފަހު، ދަނޑުވެރިކަމަށް ދޫކޮށްފައިވާ ރަށްތައް އިންސްޕެކްޓް ކުރުމުގެ މަސައްކަތް ފަށާފައިވާ ކަމަށެވެ.
ވަޒީރު ޝިޔާމް ވިދާޅުވި ގޮތުގައި މި އިންސްޕެކްޝަންތަކުގެ މައިގަނޑު ބޭނުމަކީ، އެ ރަށްރަށް ކުއްޔަށް ހިފާފައިވާ ފަރާތްތަކުން ހުށަހަޅާފައިވާ ވޯކް ޕްލޭނާ އެއްގޮތަށް ނަތީޖާ ނެރެވެމުންދޭތޯ ބެލުމެވެ. އަދި ރާއްޖެ ފަދަ ބިން މަދު ގައުމެއްގައި ގިނަ އަދަދެއްގެ ރަށްތައް ވަކި ބަޔަކަށް ދޫކޮށްފައި ބޭނުންނުކޮށް ބެހެއްޓުމަކީ، މި ދާއިރާއަށް އަލަށް އިންވެސްޓްކުރަން ބޭނުންވާ ރާއްޖެއާއި ރާއްޖެއިން ބޭރުގެ ފަރާތްތަކަށް އެޅޭ ބޮޑު ހުރަހެއް ކަމުގައި ފާހަގަކުރެއްވިއެވެ.
މިގޮތުން ވޯކް ޕްލޭނާ އެއްގޮތަށް އަމާޒުތައް ހާސިލުނުވާނަމަ، ސިޔާސީ އެއްވެސް ފިއްތުމަކަށް ބެއްލެވުމެއް ނެތި އެފަދަ ރަށްތަކުގެ އެއްބަސްވުންތައް އުވާލައްވާނެ ކަމަށް ވަޒީރު ވިދާޅުވިއެވެ.
މީގެއިތުރުން، އެއްބަސްވުންތައް ބާތިލުކުރުމުން ކޮންމެވެސް ވަރެއްގެ ގެއްލުންތަކެއް ވީނަމަވެސް، ރައީސް ޑރ. މުޢިއްޒުގެ މެނިފެސްޓޯގެ އަމާޒުތައް ހާސިލުކުރުމަށްޓަކައި މިއީ ކޮންމެހެން އަޅަންޖެހޭ ފިޔަވަޅެއް ކަމަށް ޝިޔާމް ވިދާޅުވިއެވެ. އަދި ދަނޑުވެރިކަމަށް ދޫކޮށްފައިވާ ހުރިހާ ރަށެއްގައި އެންމެ ފުރިހަމައަށް މަސައްކަތް ކުރެވޭނަމަ، ރާއްޖެއަށް ބޭރުން ކާބޯތަކެތި އެތެރެކުރާ މިންވަރު ބޮޑުތަނުން މަދުކުރެވި، އަމިއްލަ އުފެއްދުންތެރިކަން އިތުރުކުރެވޭނެ ކަމަށްވެސް ފާހަގަކުރެއްވިއެވެ.
ރަށްތަކުގެ އެއްބަސްވުން ބާތިލުކުރުމުގެ ކުރިން، ވޯކް ޕްލޭނާ އެއްގޮތަށް މަސައްކަތް ފެށުމަށް އެ ފަރާތްތަކަށް ވަކި މުއްދަތެއް ދޭނެ ކަމަށާއި، އެ މުހުލަތުގައިވެސް ރަނގަޅު ނަތީޖާއެއް ނުދެއްކިއްޖެނަމަ އެއްބަސްވުން އުވާލައި، އެ ރަށްތައް ސަރުކާރަށް އަނބުރާ ނަގާނެ ކަމަށް ވަޒީރު ވަނީ ވިދާޅުވެފައެވެ.
ވަޒީރު ޝިޔާމް ވިދާޅުވި ގޮތުގައި މި އިންސްޕެކްޝަންތަކުގެ މައިގަނޑު ބޭނުމަކީ، އެ ރަށްރަށް ކުއްޔަށް ހިފާފައިވާ ފަރާތްތަކުން ހުށަހަޅާފައިވާ ވޯކް ޕްލޭނާ އެއްގޮތަށް ނަތީޖާ ނެރެވެމުންދޭތޯ ބެލުމެވެ. އަދި ރާއްޖެ ފަދަ ބިން މަދު ގައުމެއްގައި ގިނަ އަދަދެއްގެ ރަށްތައް ވަކި ބަޔަކަށް ދޫކޮށްފައި ބޭނުންނުކޮށް ބެހެއްޓުމަކީ، މި ދާއިރާއަށް އަލަށް އިންވެސްޓްކުރަން ބޭނުންވާ ރާއްޖެއާއި ރާއްޖެއިން ބޭރުގެ ފަރާތްތަކަށް އެޅޭ ބޮޑު ހުރަހެއް ކަމުގައި ފާހަގަކުރެއްވިއެވެ.
މިގޮތުން ވޯކް ޕްލޭނާ އެއްގޮތަށް އަމާޒުތައް ހާސިލުނުވާނަމަ، ސިޔާސީ އެއްވެސް ފިއްތުމަކަށް ބެއްލެވުމެއް ނެތި އެފަދަ ރަށްތަކުގެ އެއްބަސްވުންތައް އުވާލައްވާނެ ކަމަށް ވަޒީރު ވިދާޅުވިއެވެ.
ރަށްތަކުގެ އެއްބަސްވުން ބާތިލުކުރުމުގެ ކުރިން، ވޯކް ޕްލޭނާ އެއްގޮތަށް މަސައްކަތް ފެށުމަށް އެ ފަރާތްތަކަށް ވަކި މުއްދަތެއް ދޭނެ ކަމަށާއި، އެ މުހުލަތުގައިވެސް ރަނގަޅު ނަތީޖާއެއް ނުދެއްކިއްޖެނަމަ އެއްބަސްވުން އުވާލައި، އެ ރަށްތައް ސަރުކާރަށް އަނބުރާ ނަގާނެ ކަމަށް ވަޒީރު ވަނީ ވިދާޅުވެފައެވެ.
ކިޔުންތެރިންގެ ހިޔާލު