ބޮލީވުޑްގެ މަޝްހޫރު އެކްޓަރު ސައިފް އަލީ ޚާންގެ ކުރިއަށް އޮތް ފިލްމު "ހައިވާން" ގެ ޑައިރެކްޓަރު ޕްރިޔަދަރުޝަންއަކީ އޭނާގެ މަރުވެފައިވާ ބައްޕަ އަދި ލެޖެންޑަރީ ކްރިކެޓް ކުޅުންތެރިޔާ މަންސޫރު އަލީ ޚާން ޕަޓައުޑީ (ޓައިގާ ޕަޓައުޑީ) އާ ވަރަށް އެއްގޮތް މިޒާޖެއްގެ މީހެއް ކަމަށް ސައިފް ބުނެފިއެވެ.
އަކްޝޭ ކުމާރާއެކު ސައިފް ފެނިގެންދާ މި ފިލްމުގައި އޭނާ އަދާކުރަނީ ލޮލަށް ފެނުމުން މަހްރޫމްވެފައިވާ މިއުޒީޝަނެއް އަދި މާޝަލް އާޓްސް ކޯޗެއްގެ ރޯލެވެ. ސައިފް ފާހަގަކުރި ގޮތުގައި އޭނާގެ ބައްޕައެކޭ އެއްފަދައިން ޕްރިޔަދަރުޝަން އަކީ ވެސް ކްރިކެޓް ކުޅުނު އަދި އެއް ލޮލުގެ ފެނުން ގެއްލިފައިވީ ނަ
މަވެސް، އެ ދާއިރާތަކުގައި ބޮޑެތި ކާމިޔާބީތަކެއް ހޯދާފައިވާ ޝަޚްސިއްޔަތެކެވެ.
ޕްރިޔަދަރުޝަންގެ މަސައްކަތުގެ ވައްޓަފާޅިއަށް ތައުރީފު ކުރަމުން ސައިފް ބުނީ، ޕްރިޔަދަރުޝަން ފެންނަނީ ހޮލީވުޑްގެ މަޝްހޫރު ޑައިރެކްޓަރު ކްލިންޓް އީސްޓްވުޑް ފަދަ ހަމަހިމޭން، ތަޖުރިބާކާރު ބޭފުޅެއްގެ ގޮތުގައި ކަމަށެވެ. އަދި އޭނާ މަންޒަރުތައް ނެގުމުގައި ބޭނުންކުރަނީ އެންމެ "ޓޭކް" އެއް ކަމުން، އެކްޓަރުން ވަގުތުން އަވަސް ނިންމުންތައް ނިންމަން ޖެހޭ ކަމަށާއި، ކޮންމެ ދުވަހަކު ވެސް ގަޑިއަށް ޝޫޓިން ނިންމާލާ ކަމަށް ސައިފް ހާމަކުރިއެވެ.
"ހައިވާން" އަކީ ސައިފް އަދި އަކްޝޭ ކުމާރު އެކުގައި މަސައްކަތްކުރާ 7 ވަނަ ފިލްމެވެ. މި ފިލްމުގައި އަކްޝޭ ވިލަންގެ ބައި ކުޅުމަކީ ފިލްމަށް ލިބުނު ވަރަށް ބޮޑު ކުރިއެރުމެއް ކަމަށް ސައިފް ދެކެއެވެ. މިއީ އަކްޝޭއާއެކު މިހާތަނަށް ކުޅޭ ފިލްމުތަކުގެ ތެރެއިން ސައިފަށް ވަރުގަދަ ރޯލެއް ލިބުނު ފުރަތަމަ ފަހަރު ކަމަށް ވެސް އޭނާ ބުންޏެވެ. ދެ ތަރިންގެ އެކުވެރިކަން ފެށުނު "ޔޭ ދިއްލަގީ" ފިލްމުގެ ހަނދާންތައް އާކުރަމުން ސައިފް ވަނީ، ޝިމްލާގައި ކުރިއަށްދިޔަ 40 ދުވަހުގެ ޝޫޓިންގ ތެރޭގައި ހެނދުނު ހެނދުނާ އަކްޝޭގެ ސްޕޮޓް ބޯއީ އޭނާގެ ކޮޓަރި ކައިރީގައި 'ޚިލާޅީ' ލަވަތައް ކިޔަމުން ދިޔަ މަޖާ ހާދިސާ ވެސް ހިއްސާކޮށްފައެވެ.
އަކްޝޭ އަދި ޕްރިޔަދަރުޝަން ވެސް ގަބޫލުކުރާ ގޮތުގައި "ހައިވާން" އަކީ ސައިފްގެ އެންމެ މޮޅު އެކްޓިންގ ފެނިގެންދާނެ ފިލްމެވެ. މި ފިލްމުގައި އޭނާގެ ކެރެކްޓަރާ ބެހޭގޮތުން ވާހަކަދައްކަމުން ސައިފް ބުނީ، ކުޑައިރު ފޫހިފިލުވައިދިނުމަށް މަންމަ އޭނާއަށް މިއުޒިކް ދަސްކޮށްދިންއިރު، އަވަސް އަވަހަށް ވެއްޓޭތީ ހަށިގަނޑު ވަރުގަދަކުރުމަށް ބައްޕަ މާޝަލް އާޓްސް ދަސްކޮށްދިން ކަމުގެ ޝައުގުވެރި މާޒީއެއް އެ ކެރެކްޓަރުގެ ފަހަތުގައިވާ ކަމަށެވެ. އަދި މިއީ ގިނަ ދުވަސްތަކަކަށްފަހު އޭނާގެ އެންމެ ފުރިހަމަ މަސައްކަތް ކަމަށް އަމިއްލައަށް ވެސް ގަބޫލުކުރާ ކަމަށާއި، ބެލުންތެރިންނަށް މި ފިލްމު ދައްކާލުމަށް ކެތްމަދުވެފައިވާ ކަމަށް އޭނާ ބުންޏެވެ.
މީގެއިތުރުން، އިންޓަނެޓުގައި އޭނާގެ މަޖާ ވީޑިއޯތައް ދައުރުވަމުންދާ މައްސަލައަށް ވެސް ސައިފް އަލިއަޅުވާލިއެވެ. އަމިއްލަ ޕޯސްޓަރަކަށް ބޯއަޅައި ހެޔޮދުއާ އެދޭ މަންޒަރު ފެންނަ ވީޑިއޯއަކާ ގުޅިގެން ސައިފް ބުނީ، އެއީ ފިލްމަށާއި އޭނާއަށް ކާމިޔާބީއަށް އެދި ކުރި ސަމާސާއެއް ކަމަށާއި އޭނާގެ މިޒާޖުގައި ކުޑަކުއްޖެއް ފަދަ ސަކަރާތްޖެހުމުގެ ބައެއް އަދިވެސް ހުންނަ ކަމަށެވެ. އަދި ފިލްމީ ދާއިރާގައި 35 އަހަރު ވެފައިވާއިރު، ވައިރަލްވަމުންދާ ގިނަ ވާހަކަތަކަކީ އުމުރުން 21 ނުވަތަ 22 އަހަރުގައި ދެއްކި ވާހަކަތައް ކަމަށް ވެސް އޭނާ ފާހަގަކުރިއެވެ.
2025 ވަނަ އަހަރު އޭނާގެ ގެއަށް ބަޔަކު ވަދެ ވަޅިން ހަމަލާދިން ހާދިސާއަށްފަހު، މިހާރުގެ ވަގުތުތަކަށް އިސްކަންދީގެން ދިރިއުޅެން ފެށުނީތޯ އެހުމުން ސައިފް ބުނީ، އެއީ އުމުރުން ދުވަސްވުމުން އަންނަ ބަދަލެއް ކަމަށެވެ. އަދި އަމިއްލަ ސެކިއުރިޓީ ބެހެއްޓުމަކީ ދުވަހަކު ވެސް ގަޔާވި ކަމެއް ނޫން ނަމަވެސް، ބައެއް ހާލަތްތަކުގައި އެއީ ކޮންމެހެން ބޭނުންތެރި ކަމެއް ކަމަށް އޭނާ އެއްބަސްވިއެވެ.
މިދިޔަ އޮގަސްޓް 16 ގައި ފާހަގަކުރި އޭނާގެ އުފަންދުވަސް ސައިފް ހޭދަކުރީ އިންގްލެންޑުގައި ގާތް ރަހުމަތްތެރިންނާއި އާއިލާއާއެކުގައެވެ. އެ ދުވަހު އިންޑިއާ ކާނާ ތައްޔާރުކޮށް، ކުދިންނާއެކު އުފާވެރި ވަގުތުތަކެއް ހޭދަކުރި ކަމަށް އޭނާ ބުންޏެވެ.
ސައިފްގެ ހަތަރު ކުދިން ކަމަށްވާ ސާރާ، އިބްރާހީމް، ތައިމޫރު އަދި ޖެހް އާ ބެހޭގޮތުން ވާހަކަދައްކަމުން އޭނާ ބުނީ އެ ހުރިހާ ކުދިންގެ ވެސް މިޒާޖު ވަރަށް ތަފާތު ކަމަށެވެ. ތައިމޫރަކީ ބަލާބެލުމަށް މަޑުމައިތިރި ކުއްޖެއް ނަމަވެސް އަބަދު އެހެން ނޫން ކަމަށާއި، ހަގު ދަރިފުޅު ޖެހްގެ ހަލަނި މިޒާޖާ ގުޅޭގޮތުން އިންޓަނެޓުގައި ޖަހާ މަޖާ ވާހަކަތައް އޭނާއަށް ވެސް އެނގޭ ކަމަށް ބުންޏެވެ. އަދި މިފަދަ އާއިލާއެއް ލިބުމަކީ ބޮޑު ނަސީބެއްގެ ގޮތުގައި ސައިފް ވަނީ ސިފަކޮށްފައެވެ.
މަވެސް، އެ ދާއިރާތަކުގައި ބޮޑެތި ކާމިޔާބީތަކެއް ހޯދާފައިވާ ޝަޚްސިއްޔަތެކެވެ.
ޕްރިޔަދަރުޝަންގެ މަސައްކަތުގެ ވައްޓަފާޅިއަށް ތައުރީފު ކުރަމުން ސައިފް ބުނީ، ޕްރިޔަދަރުޝަން ފެންނަނީ ހޮލީވުޑްގެ މަޝްހޫރު ޑައިރެކްޓަރު ކްލިންޓް އީސްޓްވުޑް ފަދަ ހަމަހިމޭން، ތަޖުރިބާކާރު ބޭފުޅެއްގެ ގޮތުގައި ކަމަށެވެ. އަދި އޭނާ މަންޒަރުތައް ނެގުމުގައި ބޭނުންކުރަނީ އެންމެ "ޓޭކް" އެއް ކަމުން، އެކްޓަރުން ވަގުތުން އަވަސް ނިންމުންތައް ނިންމަން ޖެހޭ ކަމަށާއި، ކޮންމެ ދުވަހަކު ވެސް ގަޑިއަށް ޝޫޓިން ނިންމާލާ ކަމަށް ސައިފް ހާމަކުރިއެވެ.
"ހައިވާން" އަކީ ސައިފް އަދި އަކްޝޭ ކުމާރު އެކުގައި މަސައްކަތްކުރާ 7 ވަނަ ފިލްމެވެ. މި ފިލްމުގައި އަކްޝޭ ވިލަންގެ ބައި ކުޅުމަކީ ފިލްމަށް ލިބުނު ވަރަށް ބޮޑު ކުރިއެރުމެއް ކަމަށް ސައިފް ދެކެއެވެ. މިއީ އަކްޝޭއާއެކު މިހާތަނަށް ކުޅޭ ފިލްމުތަކުގެ ތެރެއިން ސައިފަށް ވަރުގަދަ ރޯލެއް ލިބުނު ފުރަތަމަ ފަހަރު ކަމަށް ވެސް އޭނާ ބުންޏެވެ. ދެ ތަރިންގެ އެކުވެރިކަން ފެށުނު "ޔޭ ދިއްލަގީ" ފިލްމުގެ ހަނދާންތައް އާކުރަމުން ސައިފް ވަނީ، ޝިމްލާގައި ކުރިއަށްދިޔަ 40 ދުވަހުގެ ޝޫޓިންގ ތެރޭގައި ހެނދުނު ހެނދުނާ އަކްޝޭގެ ސްޕޮޓް ބޯއީ އޭނާގެ ކޮޓަރި ކައިރީގައި 'ޚިލާޅީ' ލަވަތައް ކިޔަމުން ދިޔަ މަޖާ ހާދިސާ ވެސް ހިއްސާކޮށްފައެވެ.
އަކްޝޭ އަދި ޕްރިޔަދަރުޝަން ވެސް ގަބޫލުކުރާ ގޮތުގައި "ހައިވާން" އަކީ ސައިފްގެ އެންމެ މޮޅު އެކްޓިންގ ފެނިގެންދާނެ ފިލްމެވެ. މި ފިލްމުގައި އޭނާގެ ކެރެކްޓަރާ ބެހޭގޮތުން ވާހަކަދައްކަމުން ސައިފް ބުނީ، ކުޑައިރު ފޫހިފިލުވައިދިނުމަށް މަންމަ އޭނާއަށް މިއުޒިކް ދަސްކޮށްދިންއިރު، އަވަސް އަވަހަށް ވެއްޓޭތީ ހަށިގަނޑު ވަރުގަދަކުރުމަށް ބައްޕަ މާޝަލް އާޓްސް ދަސްކޮށްދިން ކަމުގެ ޝައުގުވެރި މާޒީއެއް އެ ކެރެކްޓަރުގެ ފަހަތުގައިވާ ކަމަށެވެ. އަދި މިއީ ގިނަ ދުވަސްތަކަކަށްފަހު އޭނާގެ އެންމެ ފުރިހަމަ މަސައްކަތް ކަމަށް އަމިއްލައަށް ވެސް ގަބޫލުކުރާ ކަމަށާއި، ބެލުންތެރިންނަށް މި ފިލްމު ދައްކާލުމަށް ކެތްމަދުވެފައިވާ ކަމަށް އޭނާ ބުންޏެވެ.
މީގެއިތުރުން، އިންޓަނެޓުގައި އޭނާގެ މަޖާ ވީޑިއޯތައް ދައުރުވަމުންދާ މައްސަލައަށް ވެސް ސައިފް އަލިއަޅުވާލިއެވެ. އަމިއްލަ ޕޯސްޓަރަކަށް ބޯއަޅައި ހެޔޮދުއާ އެދޭ މަންޒަރު ފެންނަ ވީޑިއޯއަކާ ގުޅިގެން ސައިފް ބުނީ، އެއީ ފިލްމަށާއި އޭނާއަށް ކާމިޔާބީއަށް އެދި ކުރި ސަމާސާއެއް ކަމަށާއި އޭނާގެ މިޒާޖުގައި ކުޑަކުއްޖެއް ފަދަ ސަކަރާތްޖެހުމުގެ ބައެއް އަދިވެސް ހުންނަ ކަމަށެވެ. އަދި ފިލްމީ ދާއިރާގައި 35 އަހަރު ވެފައިވާއިރު، ވައިރަލްވަމުންދާ ގިނަ ވާހަކަތަކަކީ އުމުރުން 21 ނުވަތަ 22 އަހަރުގައި ދެއްކި ވާހަކަތައް ކަމަށް ވެސް އޭނާ ފާހަގަކުރިއެވެ.
2025 ވަނަ އަހަރު އޭނާގެ ގެއަށް ބަޔަކު ވަދެ ވަޅިން ހަމަލާދިން ހާދިސާއަށްފަހު، މިހާރުގެ ވަގުތުތަކަށް އިސްކަންދީގެން ދިރިއުޅެން ފެށުނީތޯ އެހުމުން ސައިފް ބުނީ، އެއީ އުމުރުން ދުވަސްވުމުން އަންނަ ބަދަލެއް ކަމަށެވެ. އަދި އަމިއްލަ ސެކިއުރިޓީ ބެހެއްޓުމަކީ ދުވަހަކު ވެސް ގަޔާވި ކަމެއް ނޫން ނަމަވެސް، ބައެއް ހާލަތްތަކުގައި އެއީ ކޮންމެހެން ބޭނުންތެރި ކަމެއް ކަމަށް އޭނާ އެއްބަސްވިއެވެ.
ސައިފްގެ ހަތަރު ކުދިން ކަމަށްވާ ސާރާ، އިބްރާހީމް، ތައިމޫރު އަދި ޖެހް އާ ބެހޭގޮތުން ވާހަކަދައްކަމުން އޭނާ ބުނީ އެ ހުރިހާ ކުދިންގެ ވެސް މިޒާޖު ވަރަށް ތަފާތު ކަމަށެވެ. ތައިމޫރަކީ ބަލާބެލުމަށް މަޑުމައިތިރި ކުއްޖެއް ނަމަވެސް އަބަދު އެހެން ނޫން ކަމަށާއި، ހަގު ދަރިފުޅު ޖެހްގެ ހަލަނި މިޒާޖާ ގުޅޭގޮތުން އިންޓަނެޓުގައި ޖަހާ މަޖާ ވާހަކަތައް އޭނާއަށް ވެސް އެނގޭ ކަމަށް ބުންޏެވެ. އަދި މިފަދަ އާއިލާއެއް ލިބުމަކީ ބޮޑު ނަސީބެއްގެ ގޮތުގައި ސައިފް ވަނީ ސިފަކޮށްފައެވެ.
ކިޔުންތެރިންގެ ހިޔާލު