ދިރިއުޅުމުގެ އުފާވެރިކަމާއި ހިތްހަމަޖެހުމަކީ ގިނަ ފައިސާއާއި، މަތީ ވަޒީފާއާއި، މާއްދީ ތަރައްގީއާ ގުޅިފައިވާ ކަންކަން ކަމަށް އަޅުގަނޑުމެންގެ ތެރެއިން ގިނަ ބަޔަކު ދެކެއެވެ. ނަމަވެސް، މިއީ ހަގީގަތުގައިވެސް އިންސާނާއަށް ދާއިމީ އުފާވެރިކަން ގެނެސްދޭ ކަންކަން ހެއްޔެވެ؟ ހާވަޑް ޔުނިވަރސިޓީން 80 އަހަރަށްވުރެ ދިގު މުއްދަތަކަށް ކުރިއަށްގެންދިޔަ އިލްމީ ބޮޑު ދިރާސާއިން ހާމަވި ގޮތުގައި، ދިރިއުޅުމުގެ ހަގީގީ ހިތްހަމަޖެހުން ގުޅިފައިވަނީ މާއްދީ މުއްސަނދިކަމަކާ ނޫނެވެ. އޭގެ ބަދަލުގައި، އިންސާނާގެ އުފާވެރިކަމުގެ އަސްލަކީ އެހެން މީހުންނާ އޮންނަ އިޚުލާޞްތެރި، ބަދަހި ގުޅުންތަކެވެ.
ވަރަށް ގިނަ ފަހަރަށް އަޅުގަނޑުމެންނަށް ވިސްނިފައި އޮންނަނީ، ވަކި ކަމެއް ހާސިލުވުމުން ނޫނީ ދިރިއުޅުމުގައި އުފާވެރިކަމެއް ނުލިބޭނެ ކަމަށެވެ. މިސާލަކަށް ކައިވެނިކުރުމުން، ގެއެއް އެޅުމުން، އަގުބޮޑު ކާރެއް ގަނެވުމުން ނުވަތަ ވަޒީފާގެ މަތީ މަގާމެއް ލިބުމުން ހުރިހާ ނުތަނަވަސްކަމެއް ފިލައިގެންދާނެ ކަމަށް ހީކުރެވެއެވެ. ނަމަވެސް ދިރާސާތަކުން ދައްކާ ގޮތުގައި، ތަނަވަސްކަމާއި ފައިސާގެ ސަބަބުން އިންސާނާގެ އުފާވެރިކަމަށް އަސަރުކުރަނީ އެންމެ 2 އިންސައްތައެވެ. ހަމައެހެންމެ، ނަފްސާނީ އަދި ރޫހާނީ ދުޅަހެޔޮކަމަށް ވިސްނުމެއް ނެތި، ހަމައެކަނި ބޭރުފުށުގެ ސިފައާއި މާއްދިއްޔަތު ފަހަތުން ދުވުމަކީ ހިތުގެ ނުތަނަވަސްކަން އިތުރުކުރުވާ ކަމެކެވެ.
އިންސާނީ ގުޅުންތަކުގެ އަގުހުރި ބާރު
ހާވަޑްގެ ދިރާސާވެރިން އެތައް ހާސް ބައެއްގެ ސިއްހީ ރެކޯޑުތަކާއި، ވަޒީފާ އަދި ދިރިއުޅުމުގެ ވައްޓަފާޅި ދިރާސާކުރުމަށްފަހު ނެރުނު ނަތީޖާއަކީ، އުފާވެރި ދުޅަހެޔޮ ދިރިއުޅުމެއްގެ އެންމެ ބޮޑު ސިއްރަކީ އާއިލާއާއި ރަހުމަތްތެރިން އަދި މުޖުތަމައާ ދެމެދު އޮންނަ ގުޅުމުގެ ފެންވަރު ރަނގަޅުވުން ކަމެވެ.
ހަމައެކަނި އަމިއްލަ މަންފާއަށް ވިސްނައިގެން މަސައްކަތްކުރާ މީހުންނަށްވުރެ، ރަހިމުގެ ގުޅުމާއި، އެކުވެރިކަމުގެ ގުޅުންތައް ދަމަހައްޓަން ވަގުތު ހުސްކުރާ މީހުންގެ ނަފްސާނީ ދުޅަހެޔޮކަން މާ ބޮޑަށް އިތުރުވެއެވެ. މާނަހުރި އިޖުތިމާއީ ގުޅުންތަކަށް ވަގުތު ދިނުމަކީ، ހިތަށް ދިރުމާއި އަމާންކަން ގެނެސްދޭ ކަމެކެވެ.
އެހެން މީހުންނަށް އެހީތެރިވުމުން ލިބޭ ނަފްސާނީ ހިތްހަމަޖެހުން
އަޅުގަނޑުމެންގެ ނަފްސާނީ ދުޅަހެޔޮކަން އިތުރުވަނީ ހަމައެކަނި މުޖުތަމައުގައި އެކުވެރިކަމާއެކު އުޅުމަކުން ނޫނެވެ. އޭގެ އިތުރުން، އެހެން މީހުންނަށް އެހީތެރިކަން ފޯރުކޮށްދިނުމަކީވެސް އަމިއްލަ ނަފްސަށް ލިބޭ ވަރަށް ބޮޑު ތަސައްލީއެކެވެ. އެހީތެރިވުމަކީ ހަމައެކަނި އެހީ ލިބޭ މީހާއަށް ފައިދާކުރާ ކަމެއް ނޫނެވެ؛ އެއީ އެހީވާ މީހާގެ ސިކުނޑިއަށް އުފާވެރިކަމުގެ އިހުސާސްތައް ގެނެސްދީ، ހިތަށް ބަޔާންކުރަން ދަތި ހަމަޖެހުމެއް ގެނެސްދޭ ކަމެކެވެ.
އިލްމީ ތަހުލީލުތަކުން ދައްކާ ގޮތުގައި، ހަމައެކަނި އަމިއްލަ އެދުންތައް ފުއްދުމަށް މަސައްކަތްކުރާ މީހުންނާ އަޅާބަލާއިރު، އިޚުލާޞްތެރިކަމާއެކު ހިލޭސާބަހަށް މީހުންނަށް އެހީތެރިވާ ފަރާތްތަކުގެ ދިރިއުޅުމުގެ މާނަ މާ ފުންވެފައި، މާޔޫސްކަމާ ދުރުވެއެވެ.
ޝައްކެއްވެސް ނެތް ގޮތުގައި، އަމިއްލަ ނަފްސަށް އަޅާލުމާއި، އަމިއްލަ ޒިންމާތައް އަދާކުރުމަކީ ކޮންމެހެން ބޭނުންތެރި ކަމެކެވެ. ނަމަވެސް، މާޔޫސްކަމާއި އެކަނިވެރިކަމުން އަރައިގަނެ، ހަގީގީ އުފާވެރިކަން ލިބިގަންނަން އެދޭނަމަ، ގާތްތިމާގެ މީހުންނާއި ރަހުމަތްތެރިންގެ ހާލު ބަލައިލާށެވެ. އެހީތެރިކަމަށް ބޭނުންވެފައިވާ ނިކަމެއްޗަކަށް އެހީގެ އަތެއް ދިއްކޮށްލާށެވެ. އިޚުލާޞްތެރި ހެޔޮ އަމަލުތަކުން ލިބޭ ހިތުގެ ފިނިކަމަކީ، ދުނިޔޭގެ އެއްވެސް މާއްދީ މުދަލަކުން އަގުނުކުރެވޭނެ ފަދަ މަތިވެރި ނިއުމަތެކެވެ.
އިންސާނީ ގުޅުންތަކުގެ އަގުހުރި ބާރު
ހާވަޑްގެ ދިރާސާވެރިން އެތައް ހާސް ބައެއްގެ ސިއްހީ ރެކޯޑުތަކާއި، ވަޒީފާ އަދި ދިރިއުޅުމުގެ ވައްޓަފާޅި ދިރާސާކުރުމަށްފަހު ނެރުނު ނަތީޖާއަކީ، އުފާވެރި ދުޅަހެޔޮ ދިރިއުޅުމެއްގެ އެންމެ ބޮޑު ސިއްރަކީ އާއިލާއާއި ރަހުމަތްތެރިން އަދި މުޖުތަމައާ ދެމެދު އޮންނަ ގުޅުމުގެ ފެންވަރު ރަނގަޅުވުން ކަމެވެ.
ހަމައެކަނި އަމިއްލަ މަންފާއަށް ވިސްނައިގެން މަސައްކަތްކުރާ މީހުންނަށްވުރެ، ރަހިމުގެ ގުޅުމާއި، އެކުވެރިކަމުގެ ގުޅުންތައް ދަމަހައްޓަން ވަގުތު ހުސްކުރާ މީހުންގެ ނަފްސާނީ ދުޅަހެޔޮކަން މާ ބޮޑަށް އިތުރުވެއެވެ. މާނަހުރި އިޖުތިމާއީ ގުޅުންތަކަށް ވަގުތު ދިނުމަކީ، ހިތަށް ދިރުމާއި އަމާންކަން ގެނެސްދޭ ކަމެކެވެ.
އެހެން މީހުންނަށް އެހީތެރިވުމުން ލިބޭ ނަފްސާނީ ހިތްހަމަޖެހުން
އަޅުގަނޑުމެންގެ ނަފްސާނީ ދުޅަހެޔޮކަން އިތުރުވަނީ ހަމައެކަނި މުޖުތަމައުގައި އެކުވެރިކަމާއެކު އުޅުމަކުން ނޫނެވެ. އޭގެ އިތުރުން، އެހެން މީހުންނަށް އެހީތެރިކަން ފޯރުކޮށްދިނުމަކީވެސް އަމިއްލަ ނަފްސަށް ލިބޭ ވަރަށް ބޮޑު ތަސައްލީއެކެވެ. އެހީތެރިވުމަކީ ހަމައެކަނި އެހީ ލިބޭ މީހާއަށް ފައިދާކުރާ ކަމެއް ނޫނެވެ؛ އެއީ އެހީވާ މީހާގެ ސިކުނޑިއަށް އުފާވެރިކަމުގެ އިހުސާސްތައް ގެނެސްދީ، ހިތަށް ބަޔާންކުރަން ދަތި ހަމަޖެހުމެއް ގެނެސްދޭ ކަމެކެވެ.
ޝައްކެއްވެސް ނެތް ގޮތުގައި، އަމިއްލަ ނަފްސަށް އަޅާލުމާއި، އަމިއްލަ ޒިންމާތައް އަދާކުރުމަކީ ކޮންމެހެން ބޭނުންތެރި ކަމެކެވެ. ނަމަވެސް، މާޔޫސްކަމާއި އެކަނިވެރިކަމުން އަރައިގަނެ، ހަގީގީ އުފާވެރިކަން ލިބިގަންނަން އެދޭނަމަ، ގާތްތިމާގެ މީހުންނާއި ރަހުމަތްތެރިންގެ ހާލު ބަލައިލާށެވެ. އެހީތެރިކަމަށް ބޭނުންވެފައިވާ ނިކަމެއްޗަކަށް އެހީގެ އަތެއް ދިއްކޮށްލާށެވެ. އިޚުލާޞްތެރި ހެޔޮ އަމަލުތަކުން ލިބޭ ހިތުގެ ފިނިކަމަކީ، ދުނިޔޭގެ އެއްވެސް މާއްދީ މުދަލަކުން އަގުނުކުރެވޭނެ ފަދަ މަތިވެރި ނިއުމަތެކެވެ.
ކިޔުންތެރިންގެ ހިޔާލު