ބޮލީވުޑްގެ މަޝްހޫރު ބަތަލާ ރާނީ މުކަރްޖީގެ ކާމިޔާބު ފިލްމީ ކެރިއަރުގައި އިތުރު ފަޚުރުވެރި ކުރިއެރުމެއް ހޯދައިފިއެވެ.
އޮސްޓްރޭލިއާގެ ލެ ޓްރޯބް ޔުނިވަރސިޓީން ރާނީއަށް ވަނީ 'އޮނަރަރީ ޑޮކްޓަރ އޮފް ލެޓާސް' ގެ ލަގަބު އަރުވާފައެވެ. މިއާއެކު، ރާނީ ވެގެން ގޮސްފައިވަނީ ޝާހްރުކް ޚާނަށްފަހު މި ޝަރަފުވެރި ލަގަބު އެ ޔުނިވަރސިޓީން ހާސިލުކުރި އިންޑިއާގެ ދެވަނަ ފިލްމީ ޝަޚުޞިއްޔަތަށެވެ.
ރާނީއަށް މި ޝަރަފު އެރުވީ އިންޑިއާގެ ފިލްމީ ދާއިރާގައި އޭނާ ހޭދަކުރި ގާތްގަނޑަކަށް 30 އަހަރުގެ ދިގު މުއްދަތާއި، އިންސާނީ އެހީތެރިކަމުގެ ދާއިރާއިން އޭނާ ކޮށްފައިވާ އަގުހުރި މަސައްކަތްތަކުގެ އަގުވަޒަންކުރުމުގެ ގޮތުންނެވެ. ޚާއްޞަކޮށް އިޖުތިމާއީ މައްސަލަތަކާއި، އަންހެނުން ބާރުވެރިކުރުވުމާ ގުޅޭ މުހިންމު މައުޟޫއުތަކަށް އޭނާ ކުޅެފައިވާ ފިލްމުތައް ފާހަގަކޮށްފައިވެއެވެ.
މި ޝަރަފާ ގުޅޭގޮތުން ވާހަކަދައްކަމުން ރާނީ ބުނީ، މިއީ އޭނާގެ ހަޔާތުގައި ލިބުނު އެންމެ ބޮޑު އެއް ޝަރަފު ކަމަށެވެ. "އަހަރެން އަބަދުވެސް ގަބޫލުކުރަނީ ފިލްމުތަކަކީ އިންސާނާގެ ވިސްނުން ބަދަލުކުރުމުގެ ކުރިން އޭނާގެ ހިތް ބަދަލުކޮށްލުމުގެ ބާރު ލިބިގެންވާ އެއްޗެއް ކަމަށް،" ރާނީ ފާހަގަކުރިއެވެ.
ރާނީ އިތުރަށް ބުނިގޮތުގައި، އޭނާ އަބަދުވެސް ފިލްމުތައް އިޚްތިޔާރުކުރަނީ އޭގެއިން އަމިއްލަ ހިތަށް އަސަރުކުރާ، އަދި މުޖުތަމައަށް ބޭނުންތެރި މެސެޖެއް ދެވޭނެ ފަދަ ވާހަކަތަކަށެވެ. އަދި ފަންނާނުންނަކީ ހަމައެކަނި މުނިފޫހިފިލުވައިދޭ ބައެއްގެ ބަދަލުގައި، އެ މީހުންނަކީ އަމިއްލަ ސަގާފަތުގެ ސަފީރުންކަން އޭނާ ފާހަގަކުރިއެވެ.
"އަހަރެންގެ ފިލްމުތަކުގެ ސަބަބުން އެންމެ މީހަކަށް ނަމަވެސް އިންޑިއާ އާއި އިންޑިއާގެ އަންހެނުންގެ ހާލަތު ރަނގަޅަށް އޮޅުންފިލައިފިނަމަ، އެއީ އެކްޓަރެއްގެ ގޮތުގައި އަހަރެން އަދާކުރަންޖެހޭ އެންމެ ބޮޑު މަސްއޫލިއްޔަތު އަދާކުރެވުނީ ކަމަށް ދެކެން،" ރާނީ ބުންޏެވެ.
މި ޔުނިވަރސިޓީން އެންމެ ފުރަތަމަ މި ޝަރަފު ދީފައިވަނީ 2019 ވަނަ އަހަރު ޝާހްރުކް ޚާނަށެވެ. އަދި އޭނާގެ ނަމުގައި އެ ޔުނިވަރސިޓީން ވަނީ ޕީއެޗްޑީ ސްކޮލަރޝިޕެއްވެސް ތައާރަފުކޮށްފައެވެ. ރާނީއަށް މި ލިބުނު ޝަރަފާއެކު، އޭނާގެ ފިލްމީ މަސައްކަތްތަކުގެ އިތުރުން މުޖުތަމައަށް ކުރާ ފައިދާ ބައިނަލްއަގުވާމީ ފެންވަރުގައި މިވަނީ ބަލައިގެންފައެވެ.
ރާނީއަށް މި ޝަރަފު އެރުވީ އިންޑިއާގެ ފިލްމީ ދާއިރާގައި އޭނާ ހޭދަކުރި ގާތްގަނޑަކަށް 30 އަހަރުގެ ދިގު މުއްދަތާއި، އިންސާނީ އެހީތެރިކަމުގެ ދާއިރާއިން އޭނާ ކޮށްފައިވާ އަގުހުރި މަސައްކަތްތަކުގެ އަގުވަޒަންކުރުމުގެ ގޮތުންނެވެ. ޚާއްޞަކޮށް އިޖުތިމާއީ މައްސަލަތަކާއި، އަންހެނުން ބާރުވެރިކުރުވުމާ ގުޅޭ މުހިންމު މައުޟޫއުތަކަށް އޭނާ ކުޅެފައިވާ ފިލްމުތައް ފާހަގަކޮށްފައިވެއެވެ.
މި ޝަރަފާ ގުޅޭގޮތުން ވާހަކަދައްކަމުން ރާނީ ބުނީ، މިއީ އޭނާގެ ހަޔާތުގައި ލިބުނު އެންމެ ބޮޑު އެއް ޝަރަފު ކަމަށެވެ. "އަހަރެން އަބަދުވެސް ގަބޫލުކުރަނީ ފިލްމުތަކަކީ އިންސާނާގެ ވިސްނުން ބަދަލުކުރުމުގެ ކުރިން އޭނާގެ ހިތް ބަދަލުކޮށްލުމުގެ ބާރު ލިބިގެންވާ އެއްޗެއް ކަމަށް،" ރާނީ ފާހަގަކުރިއެވެ.
ރާނީ އިތުރަށް ބުނިގޮތުގައި، އޭނާ އަބަދުވެސް ފިލްމުތައް އިޚްތިޔާރުކުރަނީ އޭގެއިން އަމިއްލަ ހިތަށް އަސަރުކުރާ، އަދި މުޖުތަމައަށް ބޭނުންތެރި މެސެޖެއް ދެވޭނެ ފަދަ ވާހަކަތަކަށެވެ. އަދި ފަންނާނުންނަކީ ހަމައެކަނި މުނިފޫހިފިލުވައިދޭ ބައެއްގެ ބަދަލުގައި، އެ މީހުންނަކީ އަމިއްލަ ސަގާފަތުގެ ސަފީރުންކަން އޭނާ ފާހަގަކުރިއެވެ.
މި ޔުނިވަރސިޓީން އެންމެ ފުރަތަމަ މި ޝަރަފު ދީފައިވަނީ 2019 ވަނަ އަހަރު ޝާހްރުކް ޚާނަށެވެ. އަދި އޭނާގެ ނަމުގައި އެ ޔުނިވަރސިޓީން ވަނީ ޕީއެޗްޑީ ސްކޮލަރޝިޕެއްވެސް ތައާރަފުކޮށްފައެވެ. ރާނީއަށް މި ލިބުނު ޝަރަފާއެކު، އޭނާގެ ފިލްމީ މަސައްކަތްތަކުގެ އިތުރުން މުޖުތަމައަށް ކުރާ ފައިދާ ބައިނަލްއަގުވާމީ ފެންވަރުގައި މިވަނީ ބަލައިގެންފައެވެ.
ކިޔުންތެރިންގެ ހިޔާލު