އިންޑިއާގެ މަޝްހޫރު ކަރްނާޓިކް މިއުޒިކް ކުޅޭ ފަންނާނު، އެމް.އެސް ސުއްބުލަކްޝްމީގެ ހަޔާތުގެ މައްޗަށް ބިނާކޮށް އުފައްދާ ފިލްމުގެ މައި ރޯލުން ފެނިގެންދާނީ މަޝްހޫރު ބަތަލާ ރަޝްމިކާ މަންދަންނާ ކަމަށް ރިޕޯޓްތައް ބުނަން ފަށައިފިއެވެ.
މި ފިލްމަކީ "ޖާޒީ" ފަދަ ކާމިޔާބު ފިލްމުތައް ޑައިރެކްޓްކޮށްފައިވާ ގޯތަމް ތިނަނޫރީ އުފައްދާ ބަޔޯޕިކްއެކެވެ. "123 ޓެލެގޫ" އިން ރިޕޯޓްކޮށްފައިވާ ގޮތުގައި، މި ފިލްމުގެ މައި ރޯލަށް ރަޝްމިކާ ހަމަޖައްސައި، އޭނާގެ "ލުކް ޓެސްޓް" އެއް މިހާރު ވަނީ އޭނާގެ ގޭގައި ކުރިއަށް ގެންގޮސްފައެވެ. ނަމަވެސް މިކަމާ ގުޅޭގޮތުން ފިލްމު އުފައްދާ ފަރާތުން އަދި ރަސްމީ ބަހެއް ބުނެފައެއް ނުވެއެވެ.
ކުރިން މި ފިލްމުގެ މައި ރޯލަށް ހަމަޖައްސާފައިވާ ކަމަށް އަޑު ފެތުރިފައިވަނީ މަޝްހޫރު ބަތަލާ ސައީ ޕައްލަވީއެވެ. ރިޕޯޓްތައް ބުނާގޮތުން ސައީ ޕައްލަވީ ވަނީ މި ރޯލަށް ތައްޔާރުވުމުގެ ގޮތުން ކަރްނާޓިކް މިއުޒިކް ދަސްކުރަން ވެސް ފަށާފައެވެ. ނަމަވެސް ފަހުގެ ޚަބަރުތައް ބުނާގޮތުން، މި ރޯލަށް މިހާރު ވަނީ ބަދަލުތަކެއް އައިސްފައެވެ. ބައެއް މަސްދަރުތަކުން ބުނާ ގޮތުގައި ސައީ ޕައްލަވީގެ ބަދަލުގައި ރުކްމިނީ ވަސަންތު މި ރޯލަށް ގެނައުމަށް ވެސް މަޝްވަރާ ކުރެވުނެވެ. ރުކްމިނީ އަކީ ޖޫނިއާ އެން.ޓީ.އާރް އާއެކު އޭނާގެ ފުރަތަމަ ޓެލެގޫ ފިލްމަށް ތައްޔާރުވަމުން އަންނަ ބަތަލާއެކެވެ.
އެމް.އެސް ސުއްބުލަކްޝްމީ އަކީ އިންޑިއާގެ އެންމެ މަތީ ޝަރަފު ކަމަށްވާ "ބާރަތު ރަތުނާ" ހާސިލްކޮށްފައިވާ، މިއުޒިކީ ދާއިރާގެ ވަރަށް ނުފޫޒުގަދަ ޝަހުސިއްޔަތެކެވެ. މި ފިލްމުގެ ޝޫޓިން މި އަހަރުގެ ފަހުކޮޅު ފެށުމަށް ހަމަޖެހިފައިވާއިރު، ޑައިރެކްޓަރު ގޯތަމް މިހާރު އަންނަނީ މި ޝަހުސިއްޔަތާ ގުޅޭ ދިރާސާތައް ކުރަމުންނެވެ.
މަސައްކަތުގެ މައިދާނަށް ބަލާއިރު، ރަޝްމިކާގެ އެންމެ ފަހުގެ ފިލްމު "ކޮކްޓެއިލް 2" ގެ ޓްރެއިލާއަށް ލިބެމުންދާ ތަރުހީބަށްޓަކައި އޭނާ ވަނީ ސޯޝަލް މީޑިއާ މެދުވެރިކޮށް ސަޕޯޓަރުންނަށް ޝުކުރު އަދާކޮށްފައެވެ. ސަޕޯޓަރުން މިހާރު އިންތިޒާރު ކުރަމުންދަނީ އެމް.އެސް ސުއްބުލަކްޝްމީގެ ރޯލުން ރަޝްމިކާ ފެންނާނެ ކަމުގެ ޔަގީންކަން ރަސްމީކޮށް ލިބޭނެ ދުވަހަކަށެވެ.
ކުރިން މި ފިލްމުގެ މައި ރޯލަށް ހަމަޖައްސާފައިވާ ކަމަށް އަޑު ފެތުރިފައިވަނީ މަޝްހޫރު ބަތަލާ ސައީ ޕައްލަވީއެވެ. ރިޕޯޓްތައް ބުނާގޮތުން ސައީ ޕައްލަވީ ވަނީ މި ރޯލަށް ތައްޔާރުވުމުގެ ގޮތުން ކަރްނާޓިކް މިއުޒިކް ދަސްކުރަން ވެސް ފަށާފައެވެ. ނަމަވެސް ފަހުގެ ޚަބަރުތައް ބުނާގޮތުން، މި ރޯލަށް މިހާރު ވަނީ ބަދަލުތަކެއް އައިސްފައެވެ. ބައެއް މަސްދަރުތަކުން ބުނާ ގޮތުގައި ސައީ ޕައްލަވީގެ ބަދަލުގައި ރުކްމިނީ ވަސަންތު މި ރޯލަށް ގެނައުމަށް ވެސް މަޝްވަރާ ކުރެވުނެވެ. ރުކްމިނީ އަކީ ޖޫނިއާ އެން.ޓީ.އާރް އާއެކު އޭނާގެ ފުރަތަމަ ޓެލެގޫ ފިލްމަށް ތައްޔާރުވަމުން އަންނަ ބަތަލާއެކެވެ.
މަސައްކަތުގެ މައިދާނަށް ބަލާއިރު، ރަޝްމިކާގެ އެންމެ ފަހުގެ ފިލްމު "ކޮކްޓެއިލް 2" ގެ ޓްރެއިލާއަށް ލިބެމުންދާ ތަރުހީބަށްޓަކައި އޭނާ ވަނީ ސޯޝަލް މީޑިއާ މެދުވެރިކޮށް ސަޕޯޓަރުންނަށް ޝުކުރު އަދާކޮށްފައެވެ. ސަޕޯޓަރުން މިހާރު އިންތިޒާރު ކުރަމުންދަނީ އެމް.އެސް ސުއްބުލަކްޝްމީގެ ރޯލުން ރަޝްމިކާ ފެންނާނެ ކަމުގެ ޔަގީންކަން ރަސްމީކޮށް ލިބޭނެ ދުވަހަކަށެވެ.
ކިޔުންތެރިންގެ ހިޔާލު