އަޅުގަނޑުމެންގެ ތެރެއިން ގިނަ ބެލެނިވެރިންނަކީ ކުދިން ބަލައިބޮޑުކުރުމުގެ ރަސްމީ ތަމްރީނެއް ނުވަތަ ޚާއްޞަ އިރުޝާދު ފޮތެއްގެ އެހީއާ ނުލައި އެ ޒިންމާއާ ކުރިމަތިލާ ބަޔެކެވެ. ބެލެނިވެރިއަކަށް ވުމަށްޓަކައި މި ދާއިރާއިން މަތީ ތަޢުލީމެއް ނުވަތަ ޑޮކްޓަރޭޓް ޑިގްރީއެއް އޮތުމަކީ ލާޒިމު ކަމެއް ނޫނެވެ. ދަރިން ތަރުބިއްޔަތު ކުރުމަކީ ގޮންޖެހުން ބޮޑު މަސައްކަތަކަށް ވަނީ މި ސަބަބަށްޓަކައެވެ. ދަރިއަކު ލިބުމަކީ އަމިއްލަޒާތުގައި އެ ހުނަރުތައް އަށަގަންނަ ކަމެއް ނޫނެވެ. ކޮންމެ ކުއްޖަކީވެސް ތަފާތު މިޒާޖެއްގެ، ތަފާތު ހުނަރުތަކާއި ބަލިކަށިކަން ހުންނަ ފަރުދަކަށް ވުމުން، އެކުއްޖެއްގެ ކިބައިގައި ހުންނަ ޚާއްޞަ ސިފަތަކާ ގުޅޭގޮތަށް ތަރުބިއްޔަތު ބައްޓަންކުރުމަކީ ނާޒުކު އަދި ދަތި މަސައްކަތެކެވެ.
ބެލެނިވެރިކަމުގެ ހުނަރުތައް މައިގަނޑު ގޮތެއްގައި ދަސްކުރެވިދާނެ 4 ގޮތެއް
1. އަމިއްލަ މައިންބަފައިންގެ ތަޖުރިބާއިން ދަސްކުރުން
ބެލެނިވެރިކަމުގެ ފިލާވަޅުތައް ލިބިގަންނަ އެންމެ އިސް މަޞްދަރަކީ އަމިއްލަ މައިންބަފައިން ކަންކަން ކުރި ގޮތެވެ. ބައެއް ބޭފުޅުންނަށް ކެތްތެރި، އޯގާތެރި އަދި ޒިންމާދާރު ބެލެނިވެރިންގެ ފަރާތުން ރަނގަޅު ނަމޫނާތަކެއް ލިބިފައިވެއެވެ. ނަމަވެސް، ހުރިހާ އެންމެންނަކީ މި ފުރުޞަތު ލިބިފައިވާ ބައެއް ނޫނެވެ. މާޒީގައި ނެއެދެވޭ ތަޖުރިބާތަކެއް ކުރެވިފައި އޮތުމަކީވެސް އެކަށީގެންވާ ކަމެކެވެ.
މިކަމުގައި އޮތް އުފާވެރި ޚަބަރަކީ، މާޒީގައި ކޮންމެފަދަ ތަޖުރިބާއެއް ކުރެވުނު ކަމުގައިވިޔަސް، އައު ހުނަރުތައް ދަސްކޮށް، ރަނގަޅު ނަމޫނާތައް ނަކަލުކުރުމުގެ އިޚުތިޔާރު އަޅުގަނޑުމެންނަށް އޮތް ކަމެވެ. ބޭނުންވަނީ އެންމެ ފުރިހަމަ ބެލެނިވެރިއަކަށް ވުމަށް އަމިއްލަ ނަފްސަށްވާ ވަޢުދަކާއި އިޚުލާޞްތެރި މަސައްކަތެކެވެ.
2. މުޖުތަމަޢުގެ އެހެން ފަރާތްތަކުގެ ކިބައިން ދަސްކުރުން
ރަޙުމަތްތެރިން، އަވަށްޓެރިން ނުވަތަ އާއިލާގެ ތެރޭގައި ތިބި ނަމޫނާ ބެލެނިވެރިންގެ ކިބައިން ގިނަ ކަންތައްތަކެއް ދަސްވެއެވެ. އެހެން މީހުންގެ ތަޖުރިބާތަކަކީ އަގުހުރި މަޢުލޫމާތުތަކެކެވެ. މިސާލަކަށް، ފުރާވަރުގެ ކުދިން ތިބި ތަޖުރިބާކާރު ބެލެނިވެރިންގެ ކިބައިން އެ އުމުރުގެ ކުދިންނާ މުޢާމަލާތު ކުރާނެ ފަންނުތައް ހޯދިދާނެއެވެ. މިއީ ތިމާ އެ މަރުޙަލާއާ ކުރިމަތިލާއިރު ލިބިގެންދާނެ ވަރަށް ބޮޑު ލުޔެކެވެ.
ކޮންމެ ވަގުތަކީވެސް ރަނގަޅު ނަމޫނާއެއް ހޯދައި، އެއިން އިބުރަތް ހާސިލުކުރަން އެންމެ އެކަށީގެންވާ ވަގުތެވެ. ތިމާ އިޙްތިރާމްކުރާ ބެލެނިވެރިން ކަންކަން ހިންގާ ގޮތް ބަލައި، އެމީހުންގެ މަޝްވަރާ ހޯދުމަކީ ބެލެނިވެރިކަން ހަރުދަނާވާނެ ކަމެކެވެ.
3. ފޮތްތެރިކަމާއި، މީޑިއާ އަދި މާހިރުންގެ އިރުޝާދު ހޯދުން
ދަރިން ތަރުބިއްޔަތު ކުރުމުގެ ދާއިރާއިން ލިޔެފައިވާ ފޮތްތަކާއި، ވީޑިއޯތަކާއި، މި ދާއިރާގެ މާހިރުންގެ ލަފަޔާއި އިރުޝާދު މިއަދު ވަރަށް ފަސޭހައިން ލިބެން އެބަހުއްޓެވެ. ކުއްޖާގެ މިޒާޖާ ގުޅޭގޮތުން ނުވަތަ ކުރިމަތިވާ ވަކިވަކި ގޮންޖެހުންތަކަށް ޚާއްޞަ ޢިލްމީ ހައްލުތައް މިފަދަ ވަސީލަތްތަކުން ލިބިގެންދެއެވެ. މިފަދަ މަޢުލޫމާތުތަކަށް ބިނާކޮށް ދަރިން ބެލުމަކީ ބެލެނިވެރިއެއްގެ ގޮތުގައި ތިމާގެ އަމިއްލަ އިތުބާރު ބޮޑުވެ، ގާބިލިއްޔަތު އިތުރުވާނެ ކަމެކެވެ.
4. އަމިއްލަ ދަރިންގެ ކިބައިންނާއި ޢަމަލީ ތަޖުރިބާއިން ދަސްކުރުން
އަޅުގަނޑުމެން ދަރިންނަށް މަގުދައްކައިދޭ ފަދައިން، ދަރިންގެ ކިބައިންވެސް އަޅުގަނޑުމެންނަށް މުހިންމު ފިލާވަޅުތަކެއް ލިބެއެވެ. ދަރިންނަކީ އަޅުގަނޑުމެންގެ އަމިއްލަ ސޫރަ ފެންނަ ލޯގަނޑެކެވެ. އެކުދިންގެ ފަރާތުން އަޅުގަނޑުމެންގެ ކިބައިގައި ހުރި ބަލިކަށިކަމާއި، ކުށްތަކާއި، ހަމައެހެންމެ އަޅުގަނޑުމެންގެ ކިބައިގައިވާ ލޯތްބާއި ހުނަރުތައްވެސް ސާފުކޮށް ފެނިގެންދެއެވެ.
ބެލެނިވެރިކަމަކީ ދާއިމީކޮށް ކުރަންޖެހޭ، ވަރުބަލިކުރުވާ، އެހެނަސް މަތިވެރި އުފަލާއި ހިތްހަމަޖެހުން ލިބިދޭ މުޤައްދަސް މަސައްކަތެކެވެ. މި ދަތުރުގައި ކުށްތައް ކުރެވުމަކީ އިންސާނީ ތަބީޢަތެވެ. މުހިންމީ އުއްމީދު ދޫނުކޮށް މަސައްކަތް ކުރުމެވެ. ދަރިންނާއެކު އައު ކަންކަން ދަސްކުރަމުންދާ ބެލެނިވެރިއެއްގެ ގޮތުގައި ހުރުމަކީ، އެކުދިންނަށްވެސް ދެއްކޭނެ އެންމެ ރަނގަޅު ނަމޫނާއެވެ.
ޓެކްނޮލޮޖީގެ މިޒަމާނުގައި ދަރިން ތަރުބިއްޔަތު ކުރުމުގައި ތަފާތު ގިނަ ގޮންޖެހުންތަކެއް ހުރިނަމަވެސް އެފަދަ ގޮންޖެހުންތަކުން އަރައިގަނެ، ބެލެނިވެރިކަމުގެ ހުނަރުތައް ތަރައްޤީކުރާނެ ގިނަގުނަ މަގުތަކެއްވެސް ވަނީ ފަހިވެފައިވެއެވެ. އެންމެ މުހިންމު ކަމަކީ މާޒީގައި ކަން ހިނގާފައިވާ ގޮތެއް ނޫނެވެ. އޭގެ ބަދަލުގައި، ކޮންމެ ދުވަހަކީވެސް އައު ފިލާވަޅުތަކެއް ދަސްކޮށް، ކުރިއަށް ދިއުމަށް ލިބޭ ފުރުޞަތެއްގެ ގޮތުގައި ބަލައިގަތުމެވެ. ބެލެނިވެރިންގެ ގޮތުގައި އަޅުގަނޑުމެން ހަރުދަނާވަމުންދާ ވަރަކަށް، އޭގެ ހެޔޮ އަސަރު ދަރިންނަށް ކުރާނެއެވެ. އަދި އެކުދިންނަކީ މުޖުތަމަޢަށް ފައިދާހުރި، ހެޔޮލަފާ ބައެއްގެ ގޮތުގައި ބޮޑެތިވުމަށް މަގުފަހިވެގެންދާނެއެވެ.
1. އަމިއްލަ މައިންބަފައިންގެ ތަޖުރިބާއިން ދަސްކުރުން
ބެލެނިވެރިކަމުގެ ފިލާވަޅުތައް ލިބިގަންނަ އެންމެ އިސް މަޞްދަރަކީ އަމިއްލަ މައިންބަފައިން ކަންކަން ކުރި ގޮތެވެ. ބައެއް ބޭފުޅުންނަށް ކެތްތެރި، އޯގާތެރި އަދި ޒިންމާދާރު ބެލެނިވެރިންގެ ފަރާތުން ރަނގަޅު ނަމޫނާތަކެއް ލިބިފައިވެއެވެ. ނަމަވެސް، ހުރިހާ އެންމެންނަކީ މި ފުރުޞަތު ލިބިފައިވާ ބައެއް ނޫނެވެ. މާޒީގައި ނެއެދެވޭ ތަޖުރިބާތަކެއް ކުރެވިފައި އޮތުމަކީވެސް އެކަށީގެންވާ ކަމެކެވެ.
މިކަމުގައި އޮތް އުފާވެރި ޚަބަރަކީ، މާޒީގައި ކޮންމެފަދަ ތަޖުރިބާއެއް ކުރެވުނު ކަމުގައިވިޔަސް، އައު ހުނަރުތައް ދަސްކޮށް، ރަނގަޅު ނަމޫނާތައް ނަކަލުކުރުމުގެ އިޚުތިޔާރު އަޅުގަނޑުމެންނަށް އޮތް ކަމެވެ. ބޭނުންވަނީ އެންމެ ފުރިހަމަ ބެލެނިވެރިއަކަށް ވުމަށް އަމިއްލަ ނަފްސަށްވާ ވަޢުދަކާއި އިޚުލާޞްތެރި މަސައްކަތެކެވެ.
2. މުޖުތަމަޢުގެ އެހެން ފަރާތްތަކުގެ ކިބައިން ދަސްކުރުން
ރަޙުމަތްތެރިން، އަވަށްޓެރިން ނުވަތަ އާއިލާގެ ތެރޭގައި ތިބި ނަމޫނާ ބެލެނިވެރިންގެ ކިބައިން ގިނަ ކަންތައްތަކެއް ދަސްވެއެވެ. އެހެން މީހުންގެ ތަޖުރިބާތަކަކީ އަގުހުރި މަޢުލޫމާތުތަކެކެވެ. މިސާލަކަށް، ފުރާވަރުގެ ކުދިން ތިބި ތަޖުރިބާކާރު ބެލެނިވެރިންގެ ކިބައިން އެ އުމުރުގެ ކުދިންނާ މުޢާމަލާތު ކުރާނެ ފަންނުތައް ހޯދިދާނެއެވެ. މިއީ ތިމާ އެ މަރުޙަލާއާ ކުރިމަތިލާއިރު ލިބިގެންދާނެ ވަރަށް ބޮޑު ލުޔެކެވެ.
ކޮންމެ ވަގުތަކީވެސް ރަނގަޅު ނަމޫނާއެއް ހޯދައި، އެއިން އިބުރަތް ހާސިލުކުރަން އެންމެ އެކަށީގެންވާ ވަގުތެވެ. ތިމާ އިޙްތިރާމްކުރާ ބެލެނިވެރިން ކަންކަން ހިންގާ ގޮތް ބަލައި، އެމީހުންގެ މަޝްވަރާ ހޯދުމަކީ ބެލެނިވެރިކަން ހަރުދަނާވާނެ ކަމެކެވެ.
3. ފޮތްތެރިކަމާއި، މީޑިއާ އަދި މާހިރުންގެ އިރުޝާދު ހޯދުން
ދަރިން ތަރުބިއްޔަތު ކުރުމުގެ ދާއިރާއިން ލިޔެފައިވާ ފޮތްތަކާއި، ވީޑިއޯތަކާއި، މި ދާއިރާގެ މާހިރުންގެ ލަފަޔާއި އިރުޝާދު މިއަދު ވަރަށް ފަސޭހައިން ލިބެން އެބަހުއްޓެވެ. ކުއްޖާގެ މިޒާޖާ ގުޅޭގޮތުން ނުވަތަ ކުރިމަތިވާ ވަކިވަކި ގޮންޖެހުންތަކަށް ޚާއްޞަ ޢިލްމީ ހައްލުތައް މިފަދަ ވަސީލަތްތަކުން ލިބިގެންދެއެވެ. މިފަދަ މަޢުލޫމާތުތަކަށް ބިނާކޮށް ދަރިން ބެލުމަކީ ބެލެނިވެރިއެއްގެ ގޮތުގައި ތިމާގެ އަމިއްލަ އިތުބާރު ބޮޑުވެ، ގާބިލިއްޔަތު އިތުރުވާނެ ކަމެކެވެ.
4. އަމިއްލަ ދަރިންގެ ކިބައިންނާއި ޢަމަލީ ތަޖުރިބާއިން ދަސްކުރުން
އަޅުގަނޑުމެން ދަރިންނަށް މަގުދައްކައިދޭ ފަދައިން، ދަރިންގެ ކިބައިންވެސް އަޅުގަނޑުމެންނަށް މުހިންމު ފިލާވަޅުތަކެއް ލިބެއެވެ. ދަރިންނަކީ އަޅުގަނޑުމެންގެ އަމިއްލަ ސޫރަ ފެންނަ ލޯގަނޑެކެވެ. އެކުދިންގެ ފަރާތުން އަޅުގަނޑުމެންގެ ކިބައިގައި ހުރި ބަލިކަށިކަމާއި، ކުށްތަކާއި، ހަމައެހެންމެ އަޅުގަނޑުމެންގެ ކިބައިގައިވާ ލޯތްބާއި ހުނަރުތައްވެސް ސާފުކޮށް ފެނިގެންދެއެވެ.
ޓެކްނޮލޮޖީގެ މިޒަމާނުގައި ދަރިން ތަރުބިއްޔަތު ކުރުމުގައި ތަފާތު ގިނަ ގޮންޖެހުންތަކެއް ހުރިނަމަވެސް އެފަދަ ގޮންޖެހުންތަކުން އަރައިގަނެ، ބެލެނިވެރިކަމުގެ ހުނަރުތައް ތަރައްޤީކުރާނެ ގިނަގުނަ މަގުތަކެއްވެސް ވަނީ ފަހިވެފައިވެއެވެ. އެންމެ މުހިންމު ކަމަކީ މާޒީގައި ކަން ހިނގާފައިވާ ގޮތެއް ނޫނެވެ. އޭގެ ބަދަލުގައި، ކޮންމެ ދުވަހަކީވެސް އައު ފިލާވަޅުތަކެއް ދަސްކޮށް، ކުރިއަށް ދިއުމަށް ލިބޭ ފުރުޞަތެއްގެ ގޮތުގައި ބަލައިގަތުމެވެ. ބެލެނިވެރިންގެ ގޮތުގައި އަޅުގަނޑުމެން ހަރުދަނާވަމުންދާ ވަރަކަށް، އޭގެ ހެޔޮ އަސަރު ދަރިންނަށް ކުރާނެއެވެ. އަދި އެކުދިންނަކީ މުޖުތަމަޢަށް ފައިދާހުރި، ހެޔޮލަފާ ބައެއްގެ ގޮތުގައި ބޮޑެތިވުމަށް މަގުފަހިވެގެންދާނެއެވެ.
ކިޔުންތެރިންގެ ހިޔާލު