މިއަދަކީ މޭ މަހުގެ ދެވަނަ އާދީއްތަ ދުވަހެވެ. ދުނިޔޭގެ ގިނަ ގައުމުތަކެކޭ އެއްފަދައިން ދިވެހިރާއްޖޭގައިވެސް މިއަދު ފާހަގަކުރަމުންދަނީ މައިންގެ ދުވަހެވެ. މިއީ ކޮންމެ އިންސާނެއްގެވެސް ހަޔާތުގައި އެންމެ މުހިންމު ދައުރެއް އަދާކުރާ، އަދި އެންމެ މަތިވެރި ގުރުބާނީއެއް ވެދޭ މަންމަގެ އަގުވަޒަންކޮށް، އެ ކަނބަލުންނަށް އޮތް ލޯތްބާއި އިހުތިރާމް އާކުރުމަށް ހާއްސަ ކުރެވިފައިވާ ދުވަހެކެވެ.
މި ދުވަހާ ގުޅިގެން ރާއްޖޭގެ އެކި ކަންކޮޅުތަކުގައި ތަފާތު ހަރަކާތްތަކެއް ދަނީ ހިންގަމުންނެވެ. ސްކޫލްތަކުގައި ދަރިވަރުން އިސްނަގައިގެން މަންމައިންނަށް ހާއްސަ ކާޑުތަކާއި ހަދިޔާ ތައްޔާރުކޮށްފައިވާއިރު، ގިނަ އޮފީސްތަކާއި ކުންފުނިތަކުންވެސް ވަނީ މުވައްޒަފުންގެ ތެރޭގައި ހިމެނޭ މަންމައިންނަށް މަރުހަބާ ކިޔައި، ހާއްސަ ހަފުލާތަކެއް ބާއްވާފައެވެ.
މީގެ އިތުރުން، ރިސޯޓުތަކާއި ރެސްޓޯރެންޓުތަކުންވެސް މިއަދަށް ހާއްސަކޮށް "މަދާސް ޑޭ" ޕެކޭޖުތަކާއި ހާއްސަ ކެއުންތައް ވަނީ ތައާރަފުކޮށްފައެވެ.
މައިންގެ ދުވަހުގެ އަސްލު ގުޅިފައިވަނީ 20 ވަނަ ގަރުނުގެ ކުރީކޮޅު އެމެރިކާގެ އެނާ ޖާވިސް ފެށި ހަރަކާތަކާއެވެ. ނަމަވެސް މިއަދު މިއީ ދުނިޔޭގެ ފެންވަރުގައި ބަލައިގަނެވިފައިވާ، އާއިލީ ގުޅުންތައް ބަދަހިކޮށްދޭ މުހިންމު ދުވަހެކެވެ.
އިސްލާމްދީނުގައި މަންމައަށް ދީފައިވާ މަތިވެރި ގަދަރާއި، މަންމަގެ ފައިތިލަދަށުގައި ސުވަރުގެވާކަން ހަނދާންކޮށްދެމުން، މިއަދުގެ ދީނީ އިލްމުވެރިންވެސް ވަނީ މައިންނަށް ހެޔޮކޮށް ހިތުމަށާއި، އަބަދުވެސް އެކަނބަލުންގެ ޚިދުމަތުގައި ދެމިތިބުމަށް ނަސޭހަތްތެރިވެފައެވެ.
ސޯޝަލް މީޑިއާގެ މަންސަތަކަށް ބަލާލާއިރު، މިއަދު ފެންނަމުންދަނީ މަންމައިންނާއެކު ނަގާފައިވާ ފޮޓޯތަކާއި، ހިތްގައިމު މެސެޖުތަކުން ފުރިފައިވާ މަންޒަރެކެވެ. ކޮންމެ މީހަކުވެސް މަސައްކަތް ކުރަމުންދަނީ އެމީހެއްގެ މަންމައަށް މިއަދަކީ އުފާވެރި އަދި ހަނދާނުން ފޮހެލަން ދަތި ދުވަހަކަށް ހެދުމަށެވެ.
މައިންގެ ދުވަހަކީ އަހަރަކު އެއްފަހަރު ފާހަގަކުރާ ދުވަހެއް ނަމަވެސް، މަންމަގެ ލޯތްބާއި އަޅާލުމަކީ ކޮންމެ ދުވަހަކުވެސް އޭގެ އަގުވަޒަންކުރަންޖެހޭ މަތިވެރި ނިއުމަތެކެވެ.
މަންމަގެ އޯގާތެރިކަމަކީ އެކަމުގެ އަގު ދުވަހަކުވެސް ދަރިންނަށް އަދާކުރެވޭނެ ކަމެއް ނޫނެވެ، ދުނިޔޭގާ ހުރިހާދުވަހަކު އަޅާލާ އޯގާތެރިވާށެވެ، މަންމަ ދުނިޔޭގާ ނެތްނަމަ ހެޔޮދުޢާ ކުރާށެވެ.
— Moosa Maniku (Reeko) (@ReekoMoosa) May 10, 2026
މާތްﷲ މަންމައަށް ސުވަރުގޭގެ ދާއިމީ ނިޢްމަތް މިންވަރުކުރައްވާށިއެވެ. pic.twitter.com/EqIzLBi32m
މީގެ އިތުރުން، ރިސޯޓުތަކާއި ރެސްޓޯރެންޓުތަކުންވެސް މިއަދަށް ހާއްސަކޮށް "މަދާސް ޑޭ" ޕެކޭޖުތަކާއި ހާއްސަ ކެއުންތައް ވަނީ ތައާރަފުކޮށްފައެވެ.
މައިންގެ ދުވަހުގެ އަސްލު ގުޅިފައިވަނީ 20 ވަނަ ގަރުނުގެ ކުރީކޮޅު އެމެރިކާގެ އެނާ ޖާވިސް ފެށި ހަރަކާތަކާއެވެ. ނަމަވެސް މިއަދު މިއީ ދުނިޔޭގެ ފެންވަރުގައި ބަލައިގަނެވިފައިވާ، އާއިލީ ގުޅުންތައް ބަދަހިކޮށްދޭ މުހިންމު ދުވަހެކެވެ.
އިސްލާމްދީނުގައި މަންމައަށް ދީފައިވާ މަތިވެރި ގަދަރާއި، މަންމަގެ ފައިތިލަދަށުގައި ސުވަރުގެވާކަން ހަނދާންކޮށްދެމުން، މިއަދުގެ ދީނީ އިލްމުވެރިންވެސް ވަނީ މައިންނަށް ހެޔޮކޮށް ހިތުމަށާއި، އަބަދުވެސް އެކަނބަލުންގެ ޚިދުމަތުގައި ދެމިތިބުމަށް ނަސޭހަތްތެރިވެފައެވެ.
މައިންގެ ދުވަހަކީ އަހަރަކު އެއްފަހަރު ފާހަގަކުރާ ދުވަހެއް ނަމަވެސް، މަންމަގެ ލޯތްބާއި އަޅާލުމަކީ ކޮންމެ ދުވަހަކުވެސް އޭގެ އަގުވަޒަންކުރަންޖެހޭ މަތިވެރި ނިއުމަތެކެވެ.
ކިޔުންތެރިންގެ ހިޔާލު