މާލޭގައި ހުރި އެންމެ ދުވަސްވީ އެއް ބިނާ ކަމަށްވާ ބަންޑާރަ މިސްކިތް ތަޅާލުމުގެ ބަދަލުގައި، އެ ތަރިކަ ރައްކާތެރިކޮށް އަންނަން އޮތް ޖީލުތަކަށް ފޯރުކޮށްދިނުމަށް ކުރީގެ ނައިބު ރައީސް ފައިސަލް ނަސީމް ސަރުކާރަށް ގޮވާލައްވައިފިއެވެ.
އެކްސްގައި ހިއްސާކުރެއްވި ޕޯސްޓެއްގައި ފައިސަލް ވިދާޅުވީ، މާލޭގައި 98 އަހަރު ވެފައިވާ ތާރީޚީ ބަންޑާރަ މިސްކިތް ތަޅާލަން ސަރުކާރުން ނިންމި ނިންމުމަކީ އިންތިހާއަށް ކަންބޮޑުވާ ކަމެއް ކަމަށެވެ. މިއީ ރާއްޖޭގެ ސަގާފީ އަދި ތާރީޚީ ގޮތުން ނުހަނު މުހިންމު ބިނާއެއްކަން ފާހަގަކުރައްވަމުން ފައިސަލް ވިދާޅުވީ، މިފަދަ ބިނާތައް ރައްކާތެރިކޮށް ބެލެހެއްޓުމަކީ ޤައުމިއްޔަތު ދިރުވުމަށާއި ޒުވާނުންގެ ހިތްތަކުގައި ތާރީޚަށް އޮންނަ ލޯބި އިތުރުކުރުމަށް ކުރެވޭނެ އެންމެ މުހިންމު މަސައްކަތް ކަމަށެވެ.
ބަންޑާރަ މިސްކިތް ހުރި ބިމަކީ ޖާގަ ކުޑަ ބިމެއްކަން ފާހަގަކުރައްވަމުން ފައިސަލް ވިދާޅުވީ، މާލޭގެ އުތުރު ހާބަރު ސަރަހައްދު އަލުން ފަރުމާކޮށް ތަރައްޤީކުރާއިރު، އެ ސަރަހައްދުން އެހެން ޖާގައެއް ހޯދައިގެން ޒަމާނީ ފެންވަރުގެ މިސްކިތެއް ބިނާކުރުން މުހިންމު ކަމަށެވެ. އެފަދަ މިސްކިތެއް ބިނާކުރުމުން ދަތުރުވެރިންނާއި، އެ ސަރަހައްދުގައި މަސައްކަތްކުރާ މީހުންނާއި އަދި އާންމު ރައްޔިތުންނަށް ނުހަނު ބޮޑު ފަސޭހައެއް ލިބިގެންދާނެކަން އޭނާ ފާހަގަކުރެއްވިއެވެ.
ފައިސަލް އިތުރަށް ވިދާޅުވީ، ބަންޑާރަ މިސްކިތް ފަދަ އާސާރީ ބިނާއެއް ނެތިކޮށްލުމުގެ ބަދަލުގައި، ސަރުކާރުން މިކަމާ މެދު އަލުން ވިސްނުމަކީ ކޮންމެހެން ކުރަންޖެހޭ ކަމެއް ކަމަށެވެ. އަދި ރާއްޖޭގެ ޤާނޫނުތަކާއި ގަވާއިދުތަކާ އެއްގޮތަށް، ސަގާފީ ތަރިކަ ރައްކާތެރިކުރުމަށް ފައިސަލް ވަނީ ސަރުކާރަށް ގޮވާލާފައެވެ.
ފައިސަލް މިހެން ވިދާޅުވެފައިވާއިރު، ބަންޑާރަ މިސްކިތް ތަޅާލަން ނިންމާފައިވާކަން ސަރުކާރުން އިއުލާންކުރުމާއެކު ގިނަ ބަޔަކުވަނީ ސޯޝަލްމީޑިއާގައި އެކަމަށް ފާޑުކިޔާފަ އެވެ. އެ ފާޑުކިޔުންތަކަށް އިސްލާމިކް މިނިސްޓަރ ޑރ. ޑރ. މުޙައްމަދު ޝަހީމް ވަނީ ރައްދު ދެއްވައި، މިސްކިތް އަޅަން ނިންމި ނިންމުން ދިފާއުކޮށް ވާހަކަ ދައްކަވާފައެވެ.
ނަމަވެސް ރޭ ފަހުން ކުރެއްވި ޕޯސްޓެއްގައި މިނިސްޓަރ ވަނީ އެ މިނިސްޓްރީން ކަންތައްތައް ކުރާނީ ރައްޔިތުންގެ އަޑުއަހައިގެން ކަމަށާއި، އެކަމާމެދު ފުޅާ ދާއިރާއެއްގައި މަޝްވަރާ ކުރަން ބޭނުން ކަމަށް ވިދާޅުވެފައެވެ.
ބަންޑާރަ މިސްކިތް ހުރި ބިމަކީ ޖާގަ ކުޑަ ބިމެއްކަން ފާހަގަކުރައްވަމުން ފައިސަލް ވިދާޅުވީ، މާލޭގެ އުތުރު ހާބަރު ސަރަހައްދު އަލުން ފަރުމާކޮށް ތަރައްޤީކުރާއިރު، އެ ސަރަހައްދުން އެހެން ޖާގައެއް ހޯދައިގެން ޒަމާނީ ފެންވަރުގެ މިސްކިތެއް ބިނާކުރުން މުހިންމު ކަމަށެވެ. އެފަދަ މިސްކިތެއް ބިނާކުރުމުން ދަތުރުވެރިންނާއި، އެ ސަރަހައްދުގައި މަސައްކަތްކުރާ މީހުންނާއި އަދި އާންމު ރައްޔިތުންނަށް ނުހަނު ބޮޑު ފަސޭހައެއް ލިބިގެންދާނެކަން އޭނާ ފާހަގަކުރެއްވިއެވެ.
ފައިސަލް އިތުރަށް ވިދާޅުވީ، ބަންޑާރަ މިސްކިތް ފަދަ އާސާރީ ބިނާއެއް ނެތިކޮށްލުމުގެ ބަދަލުގައި، ސަރުކާރުން މިކަމާ މެދު އަލުން ވިސްނުމަކީ ކޮންމެހެން ކުރަންޖެހޭ ކަމެއް ކަމަށެވެ. އަދި ރާއްޖޭގެ ޤާނޫނުތަކާއި ގަވާއިދުތަކާ އެއްގޮތަށް، ސަގާފީ ތަރިކަ ރައްކާތެރިކުރުމަށް ފައިސަލް ވަނީ ސަރުކާރަށް ގޮވާލާފައެވެ.
ނަމަވެސް ރޭ ފަހުން ކުރެއްވި ޕޯސްޓެއްގައި މިނިސްޓަރ ވަނީ އެ މިނިސްޓްރީން ކަންތައްތައް ކުރާނީ ރައްޔިތުންގެ އަޑުއަހައިގެން ކަމަށާއި، އެކަމާމެދު ފުޅާ ދާއިރާއެއްގައި މަޝްވަރާ ކުރަން ބޭނުން ކަމަށް ވިދާޅުވެފައެވެ.
ކިޔުންތެރިންގެ ހިޔާލު