ވަޒީފާގެ މާޙައުލުގެ ކަންބޮޑުވުމަކީ، އެތައް ގޮތަކަށް މުވައްޒަފުންނާ ކުރިމަތިވާ ހާލަތެކެވެ. މިއީ ހަމައެކަނި ހިތްނުތަނަވަސްކަމެއް ނޫނެވެ. މިފަދަ ހާލަތެއް ދިގުލައިގެން ގޮސްފިނަމަ، ބޮޑު ބަލިމަޑުކަމަކާ ކުރިމަތިވުމަކީ އެކަށީގެންވާ ކަމެކެވެ. މިޒަމާނުގައި ސިޔާސީ ކަންކަމަކީ ދިރިއުޅުމުގެ ކޮންމެ ދާއިރާއަކާ ގުޅިފައިވާ ކަންކަމަށްވާއިރު، ސަރުކާރުގެ އޮފީހެއް، ކުންފުންޏެއް ނުވަތަ އަމިއްލަ ތަނެއްގައި މަސައްކަތް ކުރިކަމުގައި ވިޔަސް، ސިޔާސީ އޮއިވަރުގެ އަސަރު ވަޒީފާއަށް ނުކޮށެއް ނުދާނެއެވެ.
މަސައްކަތު މާޙައުލުގައި ދިމާވާ ގޮންޖެހުންތައް ބައިވަރެވެ. ބައެއް ފަހަރު މަސައްކަތް ބުރަވެ ކެތްނުކުރެވޭ މިންވަރަށް ދާއިރު، އަނެއްބައި ފަހަރު ކުރާނެ މަސައްކަތެއް ނެތި ފޫހިވާ ހާލަތްތައް އާދެއެވެ. ކިތަންމެ ރަނގަޅަށް މަސައްކަތް ކުރިޔަސް އެކަން ބަލައިނުގަތުމާއި، މަސައްކަތް ކުރާނެ އެކަށީގެންވާ މާޙައުލެއް ނުވަތަ ވަސީލަތްތައް ނެތުމަކީވެސް ބޮޑު ތަކުލީފެކެވެ. އަމިއްލަ ވިޔަފާރިވެރިންނަށް މަސައްކަތުގެ އަގު ނުލިބި ތާށިވުމާއި، ސަރުކާރު މުވައްޒަފުންނަށް ދަށުން މަސައްކަތްކުރާ މީހުންގެ އެހީތެރިކަން ނުލިބުމަކީ ހާސްކަން އިތުރުވާ ކަންކަމެވެ. މިފަދަ މާޙައުލެއްގައި ނަފްސާނީ ދުޅަހެޔޮކަން ހިފެހެއްޓޭނީ ވަރަށް މަދު މީހަކަށެވެ.
ވަޒީފާގެ ހާސްކަން ކުރިމަތިވާ ހިނދު، އަމިއްލަ ނަފްސާ މި ސުވާލުތައް ކޮށްލުން މުހިންމެވެ: ކުރާ މަސައްކަތުގެ އަގު އަމިއްލައަށް ވަޒަންކުރެވޭ ހެއްޔެވެ؟ ކުރިން ކުރި މަސައްކަތުން އެއްކިބާކޮށް، އާ ކަންކަމާ ހަވާލުވުމުން އުނދަގޫވޭ ހެއްޔެވެ؟ އެކުގައި މަސައްކަތްކުރާ މީހުންނާ މައްސަލަޖެހި، މަސައްކަތަށް ދޭ ސަމާލުކަން ކުޑަވޭ ހެއްޔެވެ؟ މުސާރައަށް އައި ބަދަލަކުން ނުވަތަ އަމިއްލަ ގާބިލިއްޔަތާމެދު ޝައްކު އުފެދިގެން އުޅެނީ ހެއްޔެވެ؟ ނިދުމުގެ ވައްޓަފާޅި ބަދަލުވެ، ގޮތް ނޭނގޭ ގޮތްތައް ހަށިގަނޑަށް (ބޮލުގައި ރިއްސުން ނުވަތަ ބަނޑުގައި ރިއްސުން ފަދަ) ވޭ ހެއްޔެވެ؟
މަސައްކަތު މާޙައުލުގެ ހިތްހަމަނުޖެހުމަކީ ސިއްހަތަށް ނޭދެވޭ އަސަރުކުރާ ކަމެކެވެ. މީގެ ސަބަބުން އެކުގައި މަސައްކަތްކުރާ މީހުން ދެކެ ފޫހިވެ، އެމީހުންނަކީ އަދާވާތްތެރިން ކަމުގައި ބެލެވެން ފަށާނެއެވެ. ތިމާއަކީ ބޭނުންނެތް މީހެއްގެ އިހްސާސް ކުރެވި، މުޅި މީހާ "ހުސްތޮށިގަނޑަކަށް" ބަދަލުވެގެންދެއެވެ. މިއީ ހަމައެކަނި ބޭހުން ރަނގަޅުވާނެ ކަމެއް ނޫނެވެ. މިއީ އެންޒައިޓީ ނުވަތަ ޑިޕްރެޝަނަށް މަގުފަހިކުރުވާ ކަމެކެވެ. ނަމަވެސް މަސައްކަތު މާޙައުލުން އުފެދޭ ހާސްކަމާއި، ކްލިނިކަލް ޑިޕްރެޝަނަކީ ތަފާތު ދެކަމަކަށް ވުމުން، ފަރުވާ ބޭނުންވާ ގޮތްވެސް ތަފާތެވެ.
ކޮންމެ ސަބަބަކާ ހެދި ދިމާވިޔަސް، މި ކަންބޮޑުވުންތަކުން ސަލާމަތްވުމަށްޓަކައި ހިތްވަރުކޮށް ބައެއް ފިޔަވަޅުތައް އެޅިދާނެއެވެ. ފުރަތަމަ ކަމަކަށް، ވެރިންނާ މަޝްވަރާކޮށް، މަސައްކަތުގެ ލަނޑުދަނޑިތައް އަލުން ކަނޑައަޅާށެވެ. އެކުގައި މަސައްކަތްކުރާ ގާތް މީހުންގެ އެހީތެރިކަން ހޯދާށެވެ. މަސައްކަތް ބުރަނަމަ ތަރުތީބުކޮށްލާށެވެ. މަސައްކަތެއް ނެތްނަމަ އާ މަސައްކަތެއް އުފައްދާށެވެ. އޮފީސް ވަގުތާއި އަމިއްލަ ދިރިއުޅުން ވަކިކޮށް، ދެބައި ހަމަހަމަކުރަން ދަސްކުރާށެވެ.
މީގެ އިތުރުން، ރޫޙާނީ އަދި ޖިސްމާނީ ދުޅަހެޔޮކަމަށް ސަމާލުކަން ދިނުން މުހިންމެވެ. ފަރުޟު ފަސް ނަމާދު އަދާކޮށް، ކީރިތި ޤުރުއާން ކިޔެވުމާއި، އެހެން މީހުންނަށް އެހީތެރިވުމަކީ ހިތަށް ހަމަޖެހުން ލިބޭނެ ކަންކަމެވެ. ގަވާއިދުން ކަސްރަތުކުރުމާއި، ރޭގަނޑު އަވަހަށް ނިދާފައި ފަތިހު ހޭލުމަކީ ނަފްސާނީ ދުޅަހެޔޮކަމަށް އޮތް އެންމެ ބޮޑު ފަރުވާއެވެ. މަސައްކަތުގެ މާޙައުލުގެ ކަންބޮޑުވުންތަކަކީ ކޮންމެ މީހަކަށްވެސް ދިމާވެދާނެ ކަމެކެވެ. ބުއްދީގެ ބޭނުން ހިފައި، އުއްމީދު ކަނޑާނުލައި، ދިރިއުޅުމުގެ ވައްޓަފާޅިއަށް ހެޔޮ ބަދަލުތަކެއް ގެނައުމުން މި ދަތިތަކުން އަރައިގަނެވޭނެއެވެ. ކޮންމެ ކަމެއްވެސް ވާނީ ރަނގަޅަކަށެވެ.
ވަޒީފާގެ ހާސްކަން ކުރިމަތިވާ ހިނދު، އަމިއްލަ ނަފްސާ މި ސުވާލުތައް ކޮށްލުން މުހިންމެވެ: ކުރާ މަސައްކަތުގެ އަގު އަމިއްލައަށް ވަޒަންކުރެވޭ ހެއްޔެވެ؟ ކުރިން ކުރި މަސައްކަތުން އެއްކިބާކޮށް، އާ ކަންކަމާ ހަވާލުވުމުން އުނދަގޫވޭ ހެއްޔެވެ؟ އެކުގައި މަސައްކަތްކުރާ މީހުންނާ މައްސަލަޖެހި، މަސައްކަތަށް ދޭ ސަމާލުކަން ކުޑަވޭ ހެއްޔެވެ؟ މުސާރައަށް އައި ބަދަލަކުން ނުވަތަ އަމިއްލަ ގާބިލިއްޔަތާމެދު ޝައްކު އުފެދިގެން އުޅެނީ ހެއްޔެވެ؟ ނިދުމުގެ ވައްޓަފާޅި ބަދަލުވެ، ގޮތް ނޭނގޭ ގޮތްތައް ހަށިގަނޑަށް (ބޮލުގައި ރިއްސުން ނުވަތަ ބަނޑުގައި ރިއްސުން ފަދަ) ވޭ ހެއްޔެވެ؟
މަސައްކަތު މާޙައުލުގެ ހިތްހަމަނުޖެހުމަކީ ސިއްހަތަށް ނޭދެވޭ އަސަރުކުރާ ކަމެކެވެ. މީގެ ސަބަބުން އެކުގައި މަސައްކަތްކުރާ މީހުން ދެކެ ފޫހިވެ، އެމީހުންނަކީ އަދާވާތްތެރިން ކަމުގައި ބެލެވެން ފަށާނެއެވެ. ތިމާއަކީ ބޭނުންނެތް މީހެއްގެ އިހްސާސް ކުރެވި، މުޅި މީހާ "ހުސްތޮށިގަނޑަކަށް" ބަދަލުވެގެންދެއެވެ. މިއީ ހަމައެކަނި ބޭހުން ރަނގަޅުވާނެ ކަމެއް ނޫނެވެ. މިއީ އެންޒައިޓީ ނުވަތަ ޑިޕްރެޝަނަށް މަގުފަހިކުރުވާ ކަމެކެވެ. ނަމަވެސް މަސައްކަތު މާޙައުލުން އުފެދޭ ހާސްކަމާއި، ކްލިނިކަލް ޑިޕްރެޝަނަކީ ތަފާތު ދެކަމަކަށް ވުމުން، ފަރުވާ ބޭނުންވާ ގޮތްވެސް ތަފާތެވެ.
މީގެ އިތުރުން، ރޫޙާނީ އަދި ޖިސްމާނީ ދުޅަހެޔޮކަމަށް ސަމާލުކަން ދިނުން މުހިންމެވެ. ފަރުޟު ފަސް ނަމާދު އަދާކޮށް، ކީރިތި ޤުރުއާން ކިޔެވުމާއި، އެހެން މީހުންނަށް އެހީތެރިވުމަކީ ހިތަށް ހަމަޖެހުން ލިބޭނެ ކަންކަމެވެ. ގަވާއިދުން ކަސްރަތުކުރުމާއި، ރޭގަނޑު އަވަހަށް ނިދާފައި ފަތިހު ހޭލުމަކީ ނަފްސާނީ ދުޅަހެޔޮކަމަށް އޮތް އެންމެ ބޮޑު ފަރުވާއެވެ. މަސައްކަތުގެ މާޙައުލުގެ ކަންބޮޑުވުންތަކަކީ ކޮންމެ މީހަކަށްވެސް ދިމާވެދާނެ ކަމެކެވެ. ބުއްދީގެ ބޭނުން ހިފައި، އުއްމީދު ކަނޑާނުލައި، ދިރިއުޅުމުގެ ވައްޓަފާޅިއަށް ހެޔޮ ބަދަލުތަކެއް ގެނައުމުން މި ދަތިތަކުން އަރައިގަނެވޭނެއެވެ. ކޮންމެ ކަމެއްވެސް ވާނީ ރަނގަޅަކަށެވެ.
ކިޔުންތެރިންގެ ހިޔާލު