އެމެރިކާއާއި އިސްރާއީލުން ގުޅިގެން އީރާނަށް ދެމުންދާ އަސްކަރީ ހަމަލާތަކަކީ ބައިނަލްއަގުވާމީ ގާނޫނުތަކުގެ ބޭރުން ހިންގާ އަމަލުތަކެއް ކަމަށާއި، އެކަން ފަރަންސޭސިވިލާތަށް ބަލައިނުގަނެވޭނެ ކަމަށް އެގައުމުގެ ރައީސް އިމަނުއެލް މެކްރޮން ވިދާޅުވެއްޖެއެވެ.
ގައުމާ މުހާތަބު ކުރައްވައި ދެއްވި ޚާއްސަ ތަގުރީރެއްގައި މެކްރޮން ވިދާޅުވީ، މި ހަމަލާތަކުގެ ސަބަބުން މުޅި މެދުއިރުމަތީގެ މަސްރަހު އިތުރަށް ގޯސްވެ، ސަރަހައްދީ ސަލާމަތާއި ރައްކާތެރިކަމަށް ބޮޑެތި ނުރައްކާތަކެއް ކުރިމަތިވަމުންދާ ކަމަށެވެ. އަދި ބައިނަލްއަގުވާމީ މިންގަނޑުތަކާ ހިލާފަށް ހިންގާ މިފަދަ އަސްކަރީ އޮޕަރޭޝަންތަކަށް ފަރަންސޭސިވިލާތުން ތާއީދު ނުކުރާނެ ކަމަށްވެސް އެމަނިކުފާނު ތަކުރާރުކޮށް ވިދާޅުވިއެވެ.
މެކްރޮން ފާހަގަކުރެއްވި ގޮތުގައި، މިހާރު ހިނގަމުންދާ ހަމަލާބަދަލުކުރުންތަކުގެ މައިގަނޑު ޒިންމާ އީރާނުން އުފުލަންޖެހޭ ކަމަށް ގަބޫލުކުރެއްވި ނަމަވެސް، އެމެރިކާއާއި އިސްރާއީލުން އިސްވެދިން ހަމަލާތަކަކީ މަސްރަހު ފިނިކުރުމަށް އެޅުނު ހުރަހެކެވެ. މެދުއިރުމަތީގައި އުފެދިފައިވާ ހަމަނުޖެހުންތައް ހައްލުކުރެވޭނީ ހަމައެކަނި އަސްކަރީ ބާރުގެ ބޭނުންކޮށްގެން ނޫން ކަމަށާއި، ޑިޕްލޮމެޓިކް މަގުން ވާހަކަދައްކައިގެން ސުލްހަވެރި ހައްލެއް ހޯދުމަށް މެކްރޮން ވަނީ ގޮވާލައްވާފައެވެ.
ވަކިން ހާއްސަކޮށް، އިސްރާއީލުން ލުބުނާނަށް އެއްގަމު މަގުން އަރައިގަނެފާނެ ކަމަށް ދެކެވޭ ވާހަކަތަކަކީ "ސްޓްރެޓީޖިކް ގޯހެއް" ކަމަށް ސިފަކުރައްވައި، އެފަދަ ފިޔަވަޅެއް ނޭޅުމަށް އެމަނިކުފާނު ވަނީ އިންޒާރު ދެއްވާފައެވެ.
މި ހަލަބޮލި ދަނޑިވަޅުގައި ފަރަންސޭސިވިލާތުގެ މަސްލަހަތުތައް ހިމާޔަތްކުރުމަށާއި، ބައިނަލްއަގުވާމީ ކަނޑުގެ ދަތުރުފަތުރުގެ ރައްކާތެރިކަން ކަށަވަރުކުރުމަށްޓަކައި ފަރަންސޭސި އަސްކަރީ މަނަވަރު "ޗާލްސް ޑި ގޯލް" މެދުތެރޭ ކަނޑަށް ފޮނުވުމަށް މެކްރޮން ވަނީ ނިންމަވާފައެވެ.
މީގެ އިތުރުން، ސަރަހައްދީ ގައުމުތަކުގެ މިނިވަންކަމާއި އިސްތިގުލާލު ދެމެހެއްޓުމަށްޓަކައި ބައިނަލްއަގުވާމީ އިއްތިހާދެއް އެކުލަވާލުމަށް ފަރަންސޭސިވިލާތުން އިސްނަގާނެ ކަމަށްވެސް ރައީސް މެކްރޮން އިއުލާނުކުރެއްވިއެވެ.
މެކްރޮން ފާހަގަކުރެއްވި ގޮތުގައި، މިހާރު ހިނގަމުންދާ ހަމަލާބަދަލުކުރުންތަކުގެ މައިގަނޑު ޒިންމާ އީރާނުން އުފުލަންޖެހޭ ކަމަށް ގަބޫލުކުރެއްވި ނަމަވެސް، އެމެރިކާއާއި އިސްރާއީލުން އިސްވެދިން ހަމަލާތަކަކީ މަސްރަހު ފިނިކުރުމަށް އެޅުނު ހުރަހެކެވެ. މެދުއިރުމަތީގައި އުފެދިފައިވާ ހަމަނުޖެހުންތައް ހައްލުކުރެވޭނީ ހަމައެކަނި އަސްކަރީ ބާރުގެ ބޭނުންކޮށްގެން ނޫން ކަމަށާއި، ޑިޕްލޮމެޓިކް މަގުން ވާހަކަދައްކައިގެން ސުލްހަވެރި ހައްލެއް ހޯދުމަށް މެކްރޮން ވަނީ ގޮވާލައްވާފައެވެ.
ވަކިން ހާއްސަކޮށް، އިސްރާއީލުން ލުބުނާނަށް އެއްގަމު މަގުން އަރައިގަނެފާނެ ކަމަށް ދެކެވޭ ވާހަކަތަކަކީ "ސްޓްރެޓީޖިކް ގޯހެއް" ކަމަށް ސިފަކުރައްވައި، އެފަދަ ފިޔަވަޅެއް ނޭޅުމަށް އެމަނިކުފާނު ވަނީ އިންޒާރު ދެއްވާފައެވެ.
މީގެ އިތުރުން، ސަރަހައްދީ ގައުމުތަކުގެ މިނިވަންކަމާއި އިސްތިގުލާލު ދެމެހެއްޓުމަށްޓަކައި ބައިނަލްއަގުވާމީ އިއްތިހާދެއް އެކުލަވާލުމަށް ފަރަންސޭސިވިލާތުން އިސްނަގާނެ ކަމަށްވެސް ރައީސް މެކްރޮން އިއުލާނުކުރެއްވިއެވެ.
ކިޔުންތެރިންގެ ހިޔާލު