މިއީ ތަފާތު އެކިވައްތަރުގެ ތަރުކާރީ އެކުލެވޭ މީރު ޕީއްޒާއެކެވެ. ޞިއްޙަތަށް ސަމާލުކަންދޭ ފަރާތްތަކަށް ޕިއްޒާއެއް އެންމެ މީރުކޮށް އަދި ހަށިގަނޑަށް ފައިދާކުރާނެ ގޮތަށް ތައްޔާރުކޮށްލެވޭނެ މި ޕިއްޒާ ތައްޔާރު ކުރުމަށް އެހައި ގިނަ ވަގުތެއް ހޭދަނުވާނެއެވެ.

ބޭނުންވާ ތަކެތި:

1 ދަޅު ބްލެކް ބީންސް (ފެންގަނޑު އުކާލައިފައި)

1 މެދު ސައިޒުގެ ފިޔާ

1 ކުޑަ ކެޕްސިކަމް ކޮށަފައި

6/1 ވާވަރަށް ރީނދޫ ބެލްޕެޕާ (ކޮށާފައި)

3 ސައިސަމްސާ މުގުރި މިރުސް

4/3 ދިރި (ފުނޑާފައި)

3 މެދު ސައިޒުގެ ޓޮމާޓޯ (ކޮށާފައި)

1 ހަލަޕީނިއޯ ޕެޕާ (ކޮށާފައި)- ނުވަތަ އެހެން ވައްތަރުގެ މިރުހެއް

1 ލޮނުމެދު (ގާނާފައި)

1 ޕިއްޒާ ކްރަސްޓް

2 ޖޯޑު ސްޕިނަޗް (ކޮށާފައި)

2 މޭޒުމަތީ ސަމްސާއަށްވާވަރަށް ކޮރިއެންޑަރ ފަތް (ކޮށާފައި)

ޕެޕާ ސޯސް

2/1 ޖޯޑު ޗެޑަރ ޗީޒް

ތައްޔާރު ކުރާނެގޮތް:



ބީންސްކޮޅު ތަށްޓަކަށް އަޅައި ޗަސްކޮށްލާށެވެ. ދެން ތެއްޔެއް/ ތަވަލުގައި ފިޔާ، ކެޕްސިކަމް ، ބެލް ޕެޕާ، މުގުރި މިރުސް އަދި ދިރި އެޅުމަށްފަހު ކުޑަކޮށް ފްރައި ކޮށްލާށެވެ. އަދި ބީންސްކޮޅުވެސް އެއްކޮށްލާށެވެ.

އެހެން ތައްޓެއްގައި ޓޮމާޓޯ، ހަލަޕީނޯ އަދި ލޮނުމެދު އެއްކޮށްލާށެވެ. ޕިއްޒާ ކްރަސްޓު ނެގުމަށްފަހު ބީން ކޮޅު އޭގެމަތީގައި ރަނގަޅަށް ފަތުރާލާށެވެ. ދެން ޓޮމާމޯ މިކްސް އަޅައި އެއްވަރަކަށް ފަތުރާލާށެވެ. އެއަށްފަހު ކޮރިއެންޑަ ފަތް ބުރުއްސާލާށެވެ. އަދި ޕެޕާ ސޯސް އާއި ޗީޒްވެސް މިގޮތަށް މުޅި ކްރަސްޓުގައި ލެވޭނެހެން އަޅާށެވެ. ދެން 400 ޑިގްރީގައި 15-12 މިނެޓު ވަންދެން ނުވަތަ ޗީޒް މެލްޓު ވަންދެން ފިހާށެވެ.