މޯލްޑިވްސް އިމިގްރޭޝަންގެ މަސައްކަތްތައް ތަރައްގީކޮށް ކުރިއެރުވުމަށް ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު ދެއްވާ އެއްބާރުލެއްވުމަށް ކޮންޓްރޯލަރ އޮފް އިމިގްރޭޝަން މުހައްމަދު އަހުމަދު ހުސައިން (ހަނަފީ) ޝުކުރު އަދާކުރައްވައިފިއެވެ.

މޯލްޑިވްސް އިމިގްރޭޝަންގެ މަސައްކަތްތައް ތަރައްގީކޮށް ކުރިއެރުވުމަށް ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު ކުރައްވާ މަސައްކަތް ހަނަފީ ފާހަގަކުރައްވާ އެކަމަށް ޝުކުރު އަދާކުރެއްވީ އިމިގްރޭޝަންގެ 73 ވަނަ އަހަރީ ދުވަހުގެ މުނާސަބާތުގައި ކުރެއްވި ޓްވީޓެއްގައެވެ.

އިމިގްރޭޝަންގެ އަހަރީ ދުވަހާއި ގުޅިގެން ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވަނީ އެކަން ފާހަގަކުރައްވާ މަރުހަބާ ދަންނަވާއެވެ. އެގޮތުން އިމިގްރޭޝަންގެ މުވައްޒަފުންނާއި މެނޭޖްމަންޓަށް ރައީސް ވަނީ ދުވަހުގެ ހެޔޮ އެދުމާއި ތަހުނިޔާ ފޮނުއްވާފައެވެ.

Best wishes and congratulations to the management and staff of @ImmigrationMV as they clelebrate their 73rd anniversary.

— Ibrahim Mohamed Solih (@ibusolih) March 24, 2023

ރައީސުލްޖުމްހޫރިއްޔާގެ ޓްވީޓާއި ގުޅިގެން ކޮންޓްރޯލަރ އޮފް އިމިގްރޭޝަން މުހައްމަދު އަހުމަދު ހުސައިން (ހަނަފީ) ކުރެއްވި ޓްވީޓެއްގައި ވަނީ އިމިގްރޭޝަންގެ މަސައްކަތްތަކަށް ރައީސް ދެއްވާ އެހީތެރިކަން ފާހަގަކުރާފައެވެ.

Thank you, H.E. President, @ibusolih for the continuous support to enhance the strategic vision of Maldives Immigration. https://t.co/HlA8GlUj6j

— Mohamed (Hanafy) 🇲🇻 (@hanafymv) March 24, 2023

ހަނަފީ ވިދާޅުވީ އިމިގްރޭޝަންގެ ސްޓްރެޖިކް ވިޝަން ހާސިލްކުރުމަށް ކުރާ މަސައްކަތަށް ރައީސުލްޖުމްހުރިއްޔާ ވަރަށް ބޮޑު އެއްބާރުލުމެއް ދެއްވާކަމަށެވެ. އަދި އެކަމަށްޓަކައި ހަނަފީ ވަނީ ރައީސުލްޖުމްހޫރިއްޔާއަށް ޝުކުރު ދަންނަވާފައެވެ.