މަޖީދީމަގުގައި ރޭގަނޑު ބަސް ދަތުރުތައް ފަށާނީ ތަރާވީސް ނަމާދަށްފަހުގައި ކަމަށް އެމްޓީސީސީން ބުނެފިއެވެ.

އެމްޓީސީސީން މިހެން ބުނެފައި މިވަނީ ރޯދަމަހުގެ ބަސް ދަތުރުގެ ތާވަލާއި ގުޅޭގޮތުން ބައެއް ފަރާތްތަކުން ސުވާލުކުރަމުންދާތީއެވެ.

އެގޮތުން މަޖީދީ މަގުން ދަތުރުކުރާ ބަހުގެ ރޭގަނޑުގެ ދަތުރުތައް 9:30 ގައި ފަށާތީ އެކަމާއި ބައެއް ފަރާތްތަކުން ވަނީ ސުވާލު އުފައްދާފައެވެ.

We are not allowed to travel Majeedhee Magu before end of Tharaavees prayers as there are 3 mosques which will block Majeedhee Magu during this period. https://t.co/MdpzwNzDup

— Adam Azim (@adamazim) March 23, 2023

އާންމުންގެ ސުވާލުތަކަށް ޖަވާބުދެއްވަމުން އެމްޓީސީސީގެ ސީއީއޯ އާދަމް އާޒިމް ވިދާޅުވީ ތަރާވީސް ނަމާދު ނިމުމުގެ ކުރިން ބަސް ދަތުރުކުރުމުގެ ހުއްދަ ނެތްކަމަށެވެ.

އާޒިމް ވިދާޅުވީ މަޖީދީ މަގުގައި 3 މިސްކިތް ހުރުމުން ތަރާވީސް ނަމާދު ގަޑީގައި މަގު ބަންދުވެ، މަޖީދީ މަގުގައި ބަސް ދަތުރުކުރުމަށް ހުއްދަ ލިބިފައި ނުވާކަމަށެވެ. އެހެންވީމާ މަޖީދީމަގުގައި ރޭގަނޑު ބަސް ދަތުރުތައް ފަށާނީ ތަރާވީސް ނަމާދަށްފަހުގައި ކަމަށް އާޒިމް ވިދާޅުވި އެވެ.