އެމްޑިޕީގެ ރައީސް، ރައީސް މުހައްމަދު ނަޝީދުގެ ފިކުރެއްގެ ދިރުމަށް ތާއީދުކުރާ މީހުން ސިޔާސީ މަގާމުތަކުން އިސްތިއުފާދޭންޖެހޭކަމަށް ފިއުލް ސަޕްލައި މޯލްޑިވްސްގެ މެނޭޖިން ޑިރެކްޓަރު މުހައްމަދު ގަސަމް ވިދާޅުވެއްޖެއެވެ.

ގަސަމް މިއަދު ވިދާޅުވީ ‏ރިޔާސީ އިންތިހާބުަގައި ކުރިއަށްދާން ޕާޓީ މެމްބަރުން ވަނީ ގޮތް ނިންމާފައިކަމަށެވެ.

ގަސަމް ވިދާޅުވީ އެމްޑީޕީގެ ރިޔާސީ ކެންޑިޑޭޓަކީ ރައީސް ސާލިހުކަން ޤަބޫލު ނުކުރެވިގެން ފިކުރުކޮށްކޮށް ތިއްބެވި، އެމް.ޑީ.ޕީގެ ސްލޮޓްތަކުގައި ސިޔާސީ މަޤާމުތަކުގައި ތިބި އެންމެ ބޭފުޅުން މަޤާމުތަކުން އިސްތިއުފާދެއްވުމަކީ އެންމެ ރީތި ގޮތްކަމަށެވެ.

ޕާޓީ މެމްބަރުން ވަނީ ގޮތްނިންމާފަ އެމް.ޑީ.ޕީ ގެ ރިޔާސީ ކެންޑިޑޭޓަކީ ރައީސް އިބޫ މިކަންޤަބޫލުނުކުރެވިގެން ފިކުރުކޮށްކޮށްތިއްބެވި އެމް.ޑީ.ޕީސްލޮޓްގައި ސިޔާސީމަޤާމުތަކުގައި ތިބި އެންމެ ބޭފުޅުން މަޤާމުތަކުންއިސްތިއުފާދެއްވުމަކީ އެންމެ ރީތިގޮތްކަމަށްދެކެން. pic.twitter.com/PjOAfWnoEP

— Mohamed Gasam (@MGasam) March 15, 2023

އެމްޑީޕީގެ ތެރޭގައި ދެ ފެކްޝަނެެއް އުފެދިފައި ވަނީ ރިޔާސީ ޕްރައިމަރީއަށްފަހުއެވެ. ރިޔާސީ ޕްރައިމަރީން ބަލިވި ރައީސް ނަޝީދާއި އެމަނިކުފާނަށް ތާއީދުކުރައްވާ ފަރާތްތަކުން ދަނީ ރައީސް ސާލިހަށް އިންތިޚާބުގައި ތާއީދު ނުކުރާނެކަމަށް ފާޅުގައި ބުނަމުންނެވެ.