ދިވެހިރާއްޖެ، އިންޑިއާ އަދި ލަންކާ ގުޅިގެން ބާއްވާ އަސްކަރީ އެކްސަސައިޒް "ދޯސްތީ" ފަށައިފިއެވެ.

މިއީ އެމްއެންޑީއެފް ކޯސްޓްގާޑާއި އިންޑިއާ އަދި ސްރީލަންކާގެ ކޯސްޓްގާޑް ގުޅިގެން ހިންގާ ޓްރައިލެޓަރެލް ޖޮއިންޓް އެކްސަސައިޒްއެކެވެ. މި އެކްސަސައިޒް މިއަދުގެން ފެށިގެން މިމަހުގެ 24 ވަނަ ދުވަހުގެ ނިޔަލަށް ކުރިއަށްދާނެއެވެ.

އެމްއެންޑީއެފުން ބުނީ މި އެކްސަސައިޒުގައި ބައިވެރިވުމަށް އިންޑިއާ ކޯސްޓުގާޑް-އައިސީޖީއެސް ވަޖްރާއާއި އައިސީޖީއެސް އަޕޫރްވާގެ އިތުރުން ލަންކާގެ ކޯސްޓްގާޑުގެ އެސްއެލްސީޖީއެސް - ސުރަކްޝާ ވަނީ ރާއްޖެ އައިސްފައިކަމަށެވެ. ނަމަވެސް ތަމްރީންތައް ކުރިއަށްދާތަނެއް، ނުވަތަ ތަމްރީންތަކާއި ގުޅޭ އެއްވެސް އިތުރު މައުލޫމާތެއް އެމްއެންޑީއެފަކުން ހިއްސާއެއްނުކުރެއެވެ.

Indian Coast Guard - ICGS Vajra, ICGS Apoorva and, Sri Lanka Coast Guard - SLCGS Suraksha arrived at Maldives for Trilateral Exercise Dosti, conducted from 20-24 November 2021. This marks 30 years since initiation of exercise Dosti and the 15th serial of the biennial exercise pic.twitter.com/CDNcjwAb8P

— Maldives National Defence Force (@MNDF_Official) November 20, 2021

އެކްސަސައިޒް ދޯސްތީއަކީ މީގެ 30 އަހަރު ކުރިން 1991 ވަނަ އަހަރުން ފެށިގެން ކޮންމެ ދެއަހަރުން އެއްއަހަރު އިންޑިއާއާއި ރާއްޖޭގެ ކޯސްޓްގާޑް ގުޅިގެން ސިލްސިލާކޮށް ހިންގާ ތަމްރީންތަކެކެވެ. މިއަހަރަކީ "ދޯސްތީ" އެކްސަސައިޒަށް 30 އަހަރު ފުރޭ އަހެރެވެ. އަދި މި އެކްސަސައިޒްގައި ސްރީލަންކާ ބައިވެރިވެފައިވަނީ 2012 ވަނަ އަހަރުން ފެށިގެންނެވެ.