ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ކޮވިޝީލްޑް ވެކްސިންގެ ދެވަނަ ޑޯޒް ޖައްސަވައިފިއެވެ.
ރައީސް ޞާލިޙް މިއަދު ކުރެއްވި ޓްވީޓެއްގައި ވިދާޅުވީ، ކޯވިޑް-19 އިން ދިފާޢުވުމަށް ފުރިހަމަ ކުރަންޖެހޭ ވެކްސިންގެ ދެވަނަ ޑޯޒް މިއަދު ޖައްސަވާފައިވާކަމަށެވެ. އަދި ވެކްސިންގެ ފުރަތަމަ ޑޯޒް ޖެހިފަހުން އަށް ހަފްތާވެފައިވާ ފަރާތްތަކުން ދެވަނަ ޑޯޒް އަވަހަށް ޖެހުމަށް ރައީސް ޞާލިޙްވަނީ އިލްތިމާސް ކުރަށްވާފައެވެ.
ރައީސް ޞާލިޙް ވިދާޅުވީ، ވެކްސިންގެ ފުރަތަމަ ޑޯޒް ނުޖައްސަވާ ބޭފުޅުންވެސް އަވަހަށް ފުރަތަމަ ޑޯޒް ޖެއްސެވުމަށް އެދިވަޑައިގަންނަވާ ކަމަށާއި، އެންމެން ގުޅިގެން ކޯވިޑް-19 ގެ މައްޗަށް ދިވެހިންނަށް ކާމިޔާބު ހޯދޭނެ ކަމަށެވެ. ރައީސް ޞާލިޙް ޖައްސަވަމުން ގެންދަވަނީ ކޮވިޝީލްޑް ވެކްސިނެވެ.
އެޗްޕީއޭ އިން ބުނެފައިވަނީ، ވެކްސިންގެ ދެވަނަ ޑޯޒް ޖެހުމަށް އޮންނަ މުއްދަތަކީ އަށް ހަފްތާއާއި 12 ހަފްތާއާއި ދެމެދުގެ މުއްދަތެއް ކަމަށް ވީނަމަވެސް އަށް ހަފްތާ ވުމުން ވީހާވެސް އަވަަހަށް ދެވަނަ ޑޯޒް ލިބިގަތުމަކީ އެންމެ ރަނގަޅުގޮތް ކަމަށެވެ.
ފެބްރުއަރީމަހު ރާއްޖޭގައި ކޯވިޑް ވެކްސިން ދޭން ފަށާފައިވާއިރު ފުރަތަމަ ދޭން ފެށީ އިންޑިއާއިން ހަދިޔާކުރި، އޮކްސްފޯޑާއި އެސްޓްރާޒެނެކާ ގުޅިގެން އުފައްދާފައިވާ ކޮވިޝީލްޑް ވެކްސިނެވެ. އޭގެ ފަހުން ސިނޯފާމްއާއި ފައިޒާ ވެކްސިން ދިނުމުގެ ހުއްދަވެސް ރާއްޖޭގައި ވަނީ ދީފައެވެ. އެގޮތުން ސިނޯފާމް ވެކްސިން މިހާރު ދޭން ވެސް ވަނީ ފަށާފައެވެ. ސިނޯފާމް ވެކްސިންގެ ދެވަނަ ޑޯޒް ދޭނީ ފުރަތަމަ ޑޯޒް ޖަހާތާ ހަތަރު ހަފުތާ ފަހުންނެވެ.
އިއްޔެގެ ނިޔަލަށް ރާއްޖޭގައި ކޮވިޝީލްޑް ވެކްސިންގެ ދެވަނަ ޑޯޒް 2016 މީހަކު ވަނީ ޖަހާފައެވެ. އަދި މިހާތަނަށް ރާއްޖޭގެ ދެލައްކަ ސާޅީސް ހާހަށްވުރެ ގިނަ މީހުން ވަނީ ވެކްސިންގެ ފުރަތަމަ ޑޯޒް ޖަހާފައެވެ. ވެކްސިންގެ ދިފާޢު ފުރިހަމަ ވާނީ ދެވަނަ ޑޯޒް ޖެހުމުން ކަމަށާއި، ދެވަނަ ޑޯޒް ފުރިހަމަ ކުރުމުން ކޯވިޑް ވެގެންދާނީ އާދައިގެ ރޯގާއަކަށް ކަމަށް ސިއްހީ މާހިރުން ވިދާޅުވެއެވެ.
ރައީސް ޞާލިޙް ވިދާޅުވީ، ވެކްސިންގެ ފުރަތަމަ ޑޯޒް ނުޖައްސަވާ ބޭފުޅުންވެސް އަވަހަށް ފުރަތަމަ ޑޯޒް ޖެއްސެވުމަށް އެދިވަޑައިގަންނަވާ ކަމަށާއި، އެންމެން ގުޅިގެން ކޯވިޑް-19 ގެ މައްޗަށް ދިވެހިންނަށް ކާމިޔާބު ހޯދޭނެ ކަމަށެވެ. ރައީސް ޞާލިޙް ޖައްސަވަމުން ގެންދަވަނީ ކޮވިޝީލްޑް ވެކްސިނެވެ.
Got my second shot of Covishield vaccine today. If eight weeks have passed since your first shot, please go get your second dose now.
— Ibrahim Mohamed Solih (@ibusolih) April 5, 2021
Those who haven’t got their first dose of vaccine, please go and get your shot now. Together we can beat COVID19. #AaUmmeedhu#COVID19Dhifaau pic.twitter.com/5Xn0zxsr4s
ފެބްރުއަރީމަހު ރާއްޖޭގައި ކޯވިޑް ވެކްސިން ދޭން ފަށާފައިވާއިރު ފުރަތަމަ ދޭން ފެށީ އިންޑިއާއިން ހަދިޔާކުރި، އޮކްސްފޯޑާއި އެސްޓްރާޒެނެކާ ގުޅިގެން އުފައްދާފައިވާ ކޮވިޝީލްޑް ވެކްސިނެވެ. އޭގެ ފަހުން ސިނޯފާމްއާއި ފައިޒާ ވެކްސިން ދިނުމުގެ ހުއްދަވެސް ރާއްޖޭގައި ވަނީ ދީފައެވެ. އެގޮތުން ސިނޯފާމް ވެކްސިން މިހާރު ދޭން ވެސް ވަނީ ފަށާފައެވެ. ސިނޯފާމް ވެކްސިންގެ ދެވަނަ ޑޯޒް ދޭނީ ފުރަތަމަ ޑޯޒް ޖަހާތާ ހަތަރު ހަފުތާ ފަހުންނެވެ.
އިއްޔެގެ ނިޔަލަށް ރާއްޖޭގައި ކޮވިޝީލްޑް ވެކްސިންގެ ދެވަނަ ޑޯޒް 2016 މީހަކު ވަނީ ޖަހާފައެވެ. އަދި މިހާތަނަށް ރާއްޖޭގެ ދެލައްކަ ސާޅީސް ހާހަށްވުރެ ގިނަ މީހުން ވަނީ ވެކްސިންގެ ފުރަތަމަ ޑޯޒް ޖަހާފައެވެ. ވެކްސިންގެ ދިފާޢު ފުރިހަމަ ވާނީ ދެވަނަ ޑޯޒް ޖެހުމުން ކަމަށާއި، ދެވަނަ ޑޯޒް ފުރިހަމަ ކުރުމުން ކޯވިޑް ވެގެންދާނީ އާދައިގެ ރޯގާއަކަށް ކަމަށް ސިއްހީ މާހިރުން ވިދާޅުވެއެވެ.
ކިޔުންތެރިންގެ ހިޔާލު