މައްޗަންގޮޅި އުތުރުދާއިރާގެ މެމްބަރު މުހައްމަދު ރަޝީދު (ބޯދިގު) ކުރީގެ ހައުސިންގ މިނިސްޓަރ މުހައްމަދު މުޢިއްޒުއަށް ފާޑުވިދާޅުވުމުން، މުއިއްޒުގެ ދިފާއުގައި އެމްޑީޕީގެ އެއްބާނީ ފުރަހަނި ޝުއައިބު ނިކުމެވަޑައިގެންފިއެވެ.

މައްޗަންގޮޅިި އުތުރު ދާއިރާގެ މެމްބަރު މުހައްމަދު ރަޝީދު، ކުރީގެ ހައުސިންގ މިނިސްޓަރ އަދި ޕީޕީއެމްގެ ފަރާތުން މާލޭގެ މޭޔަރކަމަށް ވާދަކުރައްވާ މުހައްމަދު މުއިއްޒުއަށް ފާޑު ވިދާޅުވީ، މާލޭ ރައްޔިތުންނަށް ބޯހިޔާވަހިކަން ހޯދައިދޭން މަސައްކަތްކުރާނެކަމަށް މުއިއްޒު ވިދާޅުވުމުންނެވެ.

މުއިއްޒު ވިދާޅުވީ މާލޭ މޭޔަރކަމަށް ހޮވޭ މީހެއްްގެ އެންމެ ބޮޑު ޒިންމާއަކަށްވާންޖެހޭނީ މާލެ ރައްޔިތުންނަށް ދާއިމީ ބޯހިޔާވަހިކަން ހޯދައިދިނުންކަމަށެވެ. އެގޮތުން ގުޅީފަޅާއި ފުށިދިއްގަރު ފަޅަކީ މާލެ ރައްޔިތުންނަށް ގޯތި އަދި ފްލެޓްދޭން ޚާއްސަ މަންޒިލަކަށް ހެދުމަށް މަސައްކަތް ކުރަށްވާނެ ކަމަށް މުއިއްޒު ވިދާޅުވިއެވެ.

Male Mayor kamah hovey meehegge emme bodu zimmaa akah vaanjeheynee Male rayyithunnah dhaaimee boahiyaavahikan hoadhaidhinumah emme iskandhee masakkai kurun. Gulhifalhaai Fushidhiggaru falhakee Male rayyithunnah goathi adhi flat dheyn khaassa manzilakah hedhumah masakkai kurun.

— Dr Mohamed Muizzu (@MMuizzu) November 20, 2020

މުއިއްޒުގެ ވާހަކަ ތަކަށް ރައްދުދެއްވަމުން މައްޗަންގޮޅި އުތުރު ދާއިރާގެ މެމްބަރު މުހައްމަދު ރަޝީދު ވަނީ 7 އަހަރު ވަޒީރުކަމުގައި ހުންނެވިއިރު ގުޅީފަޅާއި ފުށިދިއްގަރު ފަޅު ނެތީތޯ ވިދާޅުވެ ސުވާލުކުރައްވާފައެވެ. ނޫނީ އޭރު މަސައްކަތްކުރީ އަމިއްލަ ފައިދާއަށްތޯ މުހައްމަދު ރަޝީދު ސުވާލުކުރެއްވިއެވެ.

7 aharu Manikufaanu sarukaaruge baarugadha vazeerukamuga hunnevi iru Gulheefalhaa, Fushi dhiggaru falhu vujoodhuga netheethoa noony amihla anbodi bodukurehvee thoa? https://t.co/mf5qaKuh2h

— Mohamed Rasheed (@boadhigu) November 20, 2020

މުއިއްޒުއަށް ފާޑުވިދާޅުވެ މުހައްމަދު ރަޝީދު ވާހަކަދައްކަވަން ފެށުމުން، މުއިއްޒުގެ ދިފާއުގައި ނިކުންނެވީ އެމްޑީޕީ އުފެއްދުމުގައި އިސްކޮށް އުޅުއްވި، އަދި ނަޝީދު ސަރުކާރުގައި ރައީސް އޮފީހުގެ އިސް މަޤާމްތަކެއް ފުރުއްވި ޝުއައިބު އަލީ (ފުރަހަނި ޝުއައިބު) އެވެ.

ޝުއައިބު ވިދާޅުވީ މެމްބަރު މުހައްމަދު ރަޝީދުމެން މާލޭ ރައްޔިތުންގެ ހައްގުތައް ހޯދާދިނުމަށް ނުކުޅެދުމަކީ އެހެން މީހަކަށް އެކަން ނުކޮށްދެވޭނެ ސަބަބެއް ނޫންކަމަށެވެ. އަދި މިއީ މެމްބަރުގެ ނާޤާބިލްކަމާއި ފެއިލްވެފައިވާވަރު ދައްކުވައިދޭ ކަމެއްކަމަށް ޝުއައިބު ވިދާޅުވިއެވެ.

@boadhigu men Male’ rayyithunge haqquthah hoahdaa dhinumah nukulhedhumakee ehen meehakah ekan nukodhevun kamah dhushinakee thimaage naaqaabil kan dhakkuvaidhey kameh. Fail vun e ee @MohamedNasheed

— Shuaib Ali 🇲🇻 (@ShuaibMaldives) November 21, 2020

ޝުއައިބު ވިދާޅުވީ މާލޭ ރައްޔިތުންނަށް ގޯއްޗެއް ދޭން މީހަކު ބަހެއް ބުނާއިރަށް އެމީހަކާ ދިމާލަށް މެމްބަރު މުހައްމަދު ރަޝީދުމެން ދުއްވައިގަންނަނީ "ލަދު ހަޔާތް" ނެތީމަކަމަށެވެ. އަދި އެމްޑީޕީ ބާރުގައި އޮންނައިރު، މުއިއްޒަށްވުރެ ރަނގަޅަށް އެކަން ކޮށްދޭނެކަމަށް ވިދާޅުނުވެވެނީތޯ ބުނެ ޝުއައިބު ވަނީ ސުވާލު އުފައްދާފައެވެ.

@boadhigu menge ladhuhayaaiy netheema Male’ rayyithunah goacheh dheyn meehaku baheh bunaa irah emeehakaa dhimaalah fummaigen gos madiyakah jehi gannannee @MMuizzu avvure rangalhah Male’ rayyithunah goathi hoadhan sarukaarah govaa nulee keeve? Miadhu aaraa baaru MDP ga eba oiy.

— Shuaib Ali 🇲🇻 (@ShuaibMaldives) November 21, 2020

އެމްޑީޕީގެ އިސް ބޭފުޅެއްކަމަށްވާ ޝުއައިބު މިހާރަކަށް އައިސް އެމްޑީޕީގެ ރައީސް، ރައީސް ނަޝީދާއި ނަޝީދުގެ ފިކުރަށް ތާއީދުކުރާ ފަރާތްތަަކަށް ފާޅުގައި ވަރަށް ބޮޑަށް ގެންދަވަނީ ފާޑު ވިދާޅުވަމުންނެވެ. މީގެއިތުރުން މާލޭ ރައްޔިތުންނަށް ބޯހިޔާވަހިކަން ހޯދައިދޭންވެސް އޭނާ ދަނީ ކެނޑިނޭޅި އަޑުއުފުއްލަވަމުންނެވެ. މިމައްސަލައިގައި އޭނާ ގެންދަވަނީ މުޒާހަރާވެސް ކުރަށްވަމުންނެވެ.