ރެސިޑެންޓް ވިސާ ދިނުމަކީ ކުރަންޖެހޭ ކަމެއް ކަމަށާއި، އެކަމަކު ވިސާ ދޭންވާނީ އަތޮޅުތެރެއަށް އިންވެސްޓްކުރާ ފަރާތްތަކަށްކަމަށް ސައިރިކްސް ގްރޫޕުގެ ޗެއަރމަން އަހުމަދު ޝަރީފް ވިދާޅުވެއްޖެއެވެ.

ރާއްޖޭގައި 2 ލައްކަ 50 ހާސް ޑޮލަރު އިންވެސްޓްކުރާ ބޭރުގެ ފަރާތްތަކަށް ރެސިޑެންޓް ވިސާ ދިނުމަށް ކަނޑައަޅައި އިމިގްރޭޝަން ގާނޫނަށް ގެނައި ބަދަލުތަކާ ގުޅޭގޮތުން ކުރެއްވި ޓްވީޓެއްގައި ޝަރީފް ވިދާޅުވީ ރެޒިޑެންޓް ވިސާ ދޭންވާނީ ރާއްޖޭގެ ކަނޑައެޅޭ ވަކި އަތޮޅުތަކެއްގައި އިންވެސްޓްކުރާ މީހުންނަށްކަމަށެވެ. އޭގެ ސަބަބުން އެސަރަހައްދުތައް ތަރައްގީވެގެންދާނެކަމަށް ޝަރީފް ވިދާޅުވިއެވެ.

"ފުރަތަމަ އަޖުމަ ބެލުމަށް ވަކި އަތޮޅެއް ހުޅުވާލާފައި ނަތީޖާއަށް ބެލުމަށްފަހު ދެވަނަ އަތޮޅެއް ހުޅުވާލާނީ." ޝަރީފް ވިދާޅުވިއެވެ.

Raajjeyge vaki atholhu thakeh kanda alhai ethanah invest kuraa meehunnah residence visa dhevidhaane. Adhi $250K ge flat ah gatheemaa residence visa dhevidhaane. Adhi invest kuri atholhu noon ehen atholhakah invest kuran 5 aharuge grace period dhevidhaane. https://t.co/ViV0RXr3ZX

— Ahmed Shareef (@shar_f) November 10, 2020

ތައުލީމީ ދާއިރާއިންވެސް ފާހަގަކޮށްލެވޭ މަސައްކަތްތަކެއް ކުރައްވާ ޝަރީފް ވިދާޅުވީ ރެސިޑެންޓް ވިސާ ދިނުމުގައި އެކި ގައުމުތަކުގެ ނެޝަނަލްޓީއަށް ވަކި އަދަދެއްގެ ކޯޓާ ކަނޑައެޅުން މުހިއްމުކަމަށެވެ. އަދި ރެސިޑެންޓް ވިސާ ދިނުމުގައި މީހާގެ ތައުލީމީ ފެންވަރާއި ގާބިލްކަމަށް އިސްކަންދީ، އެމީހެއްގެ ސަބަބުން ރާއްޖޭގެ އުފެއްދުންތެރިކަން އިތުރުވާނޭތޯ ބަލަންޖެހޭކަމަށްވެސް ޝަރީފް ވިދާޅުވިއެވެ.

Residence visa dhinumugai eki gaumu thakuge nationality ah vaki adadhehge quota eh kanda elhun muhihmmu. Adhi residence visa dhinumugai professional ah, qualification ah iskan dhee, emeehehge sababun raajjeyge ufehdhun therikan ithuruvaane tho balanjeheyne.https://t.co/ViV0RXr3ZX

— Ahmed Shareef (@shar_f) November 10, 2020

ޝަރީފް އިތުރަށް ވިދާޅުވީ ރެސިޑެންޓް ވިސާ ދިނުމުގައި ގައުމުގެ ސަލާމަތާއި ރައްކާތެރިކަމަށްޓަކައި ބަލަންޖެހޭ ކަންތައްތަކަށް ސަމާލުކަން ދޭންވާނޭކަމަށެވެ.

"ރެސިޑެންޓް ވިސާ ދޭން ފެށުމުން ދުނިޔޭގެ ބޮޑެތި ކުށްވެރިން ފިލަން އަންނަ ތަނަކަށް ރާއްޖެ ވެދާނެ. އެހެންކަމުން ރެސިޑެންޓް ވިސާ ދޭ ހަމައެކަނި އުސޫލަކީ ދެލައްކަ ފަންސާސް ހާސް ޑޮލަރު އިންވެސްޓްކުރުންކަމުގައި ވެގެން ނުވާނެ. އެފަދަ ހުރިހާ މީހުންގެ ހަރަކާތްތައް ބެލޭނޭ ގޮތެއް ހަދަންޖެހޭނެ." ޝަރީފް ވިދާޅުވިއެވެ.

ޝަރީފް ވިދާޅުވީ އަތޮޅުތަކަށް އިންވެސްޓްކުރާ މީހުންނަށް ރެސިޑެންޓް ވިސާ ދިނުމުގައިވެސް އުސޫލުތަކެއް ގެންގުޅެންޖެހޭނެކަމަށެވެ.

ResidenceVisa hoadaigen anna meehaa raajjeyge ekithanthanun credit ah mudhaanagai, than than lootuvaafai, raajjeyge namugai beyruge suppliers athun credit ah mudhaa nagaafai, Canada, Australia, USA ah aailaa govaigen filaigen dhaane meehunah vegen nuvaane. https://t.co/ViV0RXr3ZX

— Ahmed Shareef (@shar_f) November 10, 2020

"ރާއްޖޭގެ ވަކި އަތޮޅުތަކެއް ކަނޑައަޅާ، އެތަންތަނަށް އިންވެސްޓްކުރާ މީހުންނަށް ރެސިޑެންޓް ވިސާ ދެވިދާނެ. އަދި 250 ހާސް ޑޮލަރުގެ ފްލެޓެއް ގަތީމަ ވިސާ ދެވިދާނެ. އަދި އިންވެސްޓްކުރި އަތޮޅު ނޫން އެހެން އަތޮޅަކަށް އިންވެސްޓްކުރުމަށް 5 އަހަރުގެ ގްރޭސް ޕީރިއަޑެއް ދެވިދާނެ" ޝަރީފް ވިދާޅުވިއެވެ.

Varah rangalhu vaahakafulheh. Iqthisaadhuge engine hinga hingai huhnaanee budget bodukoh, aamdhanee hoadaane gina furusathu hulhuvaalaigen. Musaara dhevey meehunge performance ithuru koh, veehaagina viyafaai ufahdai, zuvaan viyafaariverin ufahdan jehey. https://t.co/FC8QCR1t3I

— Ahmed Shareef (@shar_f) November 10, 2020

ޝަރީފް ވަނީ އަންނަ އަހަރަށް ލަފާކޮށް ހުށަހެޅި ބަޖެޓަށްވެސް ވަރަށް ބޮޑަށް ތައުރީފްކުރަށްވައި ވާހަކަފުޅު ދައްކަވާފައެވެ. ޝަރީފް ވިދާޅުވީ އިގްތިސާދުގެ އިންޖީން ހިނގަ ހިނގާ ހުންނާނީ ބަޖެޓް ބޮޑުކޮށް، އާމްދަނީ ހޯދާނެ ގިނަ ފުރުސަތު ހުޅުވާލައިގެންކަމަށެވެ. އަދި މުސާރަ ދެވޭ މީހުންގެ ޕާފޯމަންސް އިތުރުކޮށް، ވީހާ ގިނަ ވިޔަފާރި އުފައްދާ، ޒުވާން ވިޔަފާރިވެރިން އިތުރުކުރަންޖެހޭކަމަށް ޝަރީފް ވިދާޅުވިއެވެ.