މަސްވެރިކަމުގެ ސިނާއަތަށް ޒުވާނުން އަހުލުވެރިކުރުވައި، އެ ދާއިރާއަށް ޝައުޤުވެރިވާ އައު ޖީލެއް ބިނާކުރުމުގެ މަޤްޞަދުގައި، ތިން މަސްދުވަހުގެ ޚާއްޞަ ތަމްރީނު ޕްރޮގްރާމެއް ފެށުމަށް މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ނިންމައިފިއެވެ.
މިއީ ވޯލްޑް ބޭންކުގެ އެހީތެރިކަމާއެކު ކުރިއަށްގެންދާ "ޓްރާންސްފޯމިންގ ފިޝަރީޒް ސެކްޓަރ އިން ސައުތު-ވެސްޓް އިންޑިއަން އޯޝަން ރީޖަން އެންޑް މޯލްޑިވްސް" މަޝްރޫޢުގެ ދަށުން އިންތިޒާމުކުރާ ޕްރޮގްރާމެކެވެ. މި ތަމްރީނު ކުރިއަށް ގެންދިއުމަށް ހަމަޖެހިފައިވަނީ އަންނަ އަހަރުގެ ޖެނުއަރީ މަހުން ފެށިގެން މާރިޗު މަހުގެ ނިޔަލަށެވެ.
މަސްވެރިކަމުގެ ދާއިރާއަށް އަލަށް ނުކުންނަން އެދޭ ފަސް ޒުވާނަކަށް މި ޕްރޮގްރާމުން ޖާގަ ދިނުމަށް ވަނީ ކަނޑައަޅާފައެވެ. މި ފުރުޞަތު ހުޅުވާލެވިފައިވަނީ އުމުރުން 18 އަހަރާއި 30 އަހަރާ ދެމެދުގެ، އަދި މިހާތަނަށް މަސްވެރިންގެ ޤައުމީ ދަފްތަރުގައި ހިމެނިފައިނުވާ ޒުވާނުންނަށެވެ. މި ތަމްރީނުގައި ބައިވެރިވާން އެދޭ ފަރާތްތަކުން، ކަނޑައެޅިފައިވާ ފޯމު ފުރިހަމަކުރުމަށްފަހު އަންނަ ޑިސެންބަރު މަހުގެ 3 ވަނަ ދުވަހުގެ ކުރިން އީމެއިލް މެދުވެރިކޮށް ހުށަހެޅުމަށް އެ މިނިސްޓްރީން އެދެއެވެ.
މި ޕްރޮގްރާމްގެ ތެރެއިން މަސްވެރިކަމުގެ ފަންނީ މަޢުލޫމާތުގެ އިތުރުން، ޢަމަލީ މައިދާނުގައި ތަޖުރިބާ ހޯދުމުގެ އަގުހުރި ފުރުޞަތުތަކެއް ފަހިވެގެންދާނެއެވެ. އެގޮތުން، ރާއްޖޭގައި ފާހަގަކޮށްލެވޭ ކަޅުބިލަމަހުގެ ދޮށީގެ މަސްވެރިކަންކުރާ އުޅަނދެއްގައި މަސައްކަތްކޮށް، ތަޖުރިބާކާރު ކެޔޮޅުންގެ އަރިހުން މަސްވެރިކަމުގެ އުކުޅުތަކާއި ހުނަރުތައް ދަސްކުރުމުގެ ފުރުޞަތު ބައިވެރިންނަށް ލިބޭނެއެވެ. އަދި ތަމްރީނު ކުރިއަށްދާ މުއްދަތުގައި ކޮންމެ ބައިވެރިއަކަށްވެސް ދުވަހު އިނާޔަތެއް (އެލަވަންސެއް) ދިނުމަށް ފިޝަރީޒް މިނިސްޓްރީން ވަނީ ހަމަޖައްސާފައެވެ.
މިއީ ވޯލްޑް ބޭންކުގެ އެހީތެރިކަމާއެކު ކުރިއަށްގެންދާ "ޓްރާންސްފޯމިންގ ފިޝަރީޒް ސެކްޓަރ އިން ސައުތު-ވެސްޓް އިންޑިއަން އޯޝަން ރީޖަން އެންޑް މޯލްޑިވްސް" މަޝްރޫޢުގެ ދަށުން އިންތިޒާމުކުރާ ޕްރޮގްރާމެކެވެ. މި ތަމްރީނު ކުރިއަށް ގެންދިއުމަށް ހަމަޖެހިފައިވަނީ އަންނަ އަހަރުގެ ޖެނުއަރީ މަހުން ފެށިގެން މާރިޗު މަހުގެ ނިޔަލަށެވެ.
މަސްވެރިކަމުގެ ދާއިރާއަށް އަލަށް ނުކުންނަން އެދޭ ފަސް ޒުވާނަކަށް މި ޕްރޮގްރާމުން ޖާގަ ދިނުމަށް ވަނީ ކަނޑައަޅާފައެވެ. މި ފުރުޞަތު ހުޅުވާލެވިފައިވަނީ އުމުރުން 18 އަހަރާއި 30 އަހަރާ ދެމެދުގެ، އަދި މިހާތަނަށް މަސްވެރިންގެ ޤައުމީ ދަފްތަރުގައި ހިމެނިފައިނުވާ ޒުވާނުންނަށެވެ. މި ތަމްރީނުގައި ބައިވެރިވާން އެދޭ ފަރާތްތަކުން، ކަނޑައެޅިފައިވާ ފޯމު ފުރިހަމަކުރުމަށްފަހު އަންނަ ޑިސެންބަރު މަހުގެ 3 ވަނަ ދުވަހުގެ ކުރިން އީމެއިލް މެދުވެރިކޮށް ހުށަހެޅުމަށް އެ މިނިސްޓްރީން އެދެއެވެ.
މި ޕްރޮގްރާމްގެ ތެރެއިން މަސްވެރިކަމުގެ ފަންނީ މަޢުލޫމާތުގެ އިތުރުން، ޢަމަލީ މައިދާނުގައި ތަޖުރިބާ ހޯދުމުގެ އަގުހުރި ފުރުޞަތުތަކެއް ފަހިވެގެންދާނެއެވެ. އެގޮތުން، ރާއްޖޭގައި ފާހަގަކޮށްލެވޭ ކަޅުބިލަމަހުގެ ދޮށީގެ މަސްވެރިކަންކުރާ އުޅަނދެއްގައި މަސައްކަތްކޮށް، ތަޖުރިބާކާރު ކެޔޮޅުންގެ އަރިހުން މަސްވެރިކަމުގެ އުކުޅުތަކާއި ހުނަރުތައް ދަސްކުރުމުގެ ފުރުޞަތު ބައިވެރިންނަށް ލިބޭނެއެވެ. އަދި ތަމްރީނު ކުރިއަށްދާ މުއްދަތުގައި ކޮންމެ ބައިވެރިއަކަށްވެސް ދުވަހު އިނާޔަތެއް (އެލަވަންސެއް) ދިނުމަށް ފިޝަރީޒް މިނިސްޓްރީން ވަނީ ހަމަޖައްސާފައެވެ.
ކިޔުންތެރިންގެ ހިޔާލު