ތަޢުލީމުގެ ޤާނޫނަށް ގެންނަ އިޞްލާޙުގެ ސަބަބުން، އެކި ސަބަބުތަކާ ހުރެ އާންމު މަދަރުސާތަކަށް ނުދެވޭ ދަރިވަރުންނަށް އުނގެނުމުގެ ޙައްޤު ފުރިހަމައަށް ކަށަވަރުވެގެންދާނެ ކަމަށް ރައްޔިތުންގެ މަޖިލީހުގެ ފުނަދޫ ދާއިރާގެ މެންބަރު މުޙައްމަދު މަމްދޫހު (މަންޑޭ) ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ވާހަކަދައްކަވަމުން މަމްދޫހު މިހެން ވިދާޅުވީ، ހުރާ ދާއިރާގެ މެމްބަރު ޑރ. އަނާރާ ނަޢީމް ތަޢުލީމުގެ ޤާނޫނަށް ހުށަހެޅުއްވި އިޞްލާޙުގެ ބިލުގެ ބަޙުސްގައެވެ. މި ބިލަކީ ރާއްޖޭގައި ހޯމް ސްކޫލިންއަށް ނުވަތަ ގޭގައި ތިބެގެން ކިޔެވުމަށް އޮތް ޤާނޫނީ ހުރަސްތައް ނައްތާލުމަށް މަގުފަހިކުރުމުގެ ގޮތުން ހުށަހަޅާފައިވާ މުހިންމު އިޞްލާޙެކެވެ.
މެންބަރު މަމްދޫހު ވިދާޅުވީ، ޚާއްޞަ އެހީއަށް ބޭނުންވާ ކުދިންނާއި، ނަފްސާނީ ގޮތުން އެކިކަހަލަ ގޮންޖެހުންތައް ތަޙައްމަލުކުރަމުންދާ ދަރިވަރުންނަށް ސްކޫލް މާޙައުލަށް ގޮސްގެން ކިޔެވުމަކީ ބޮޑު ތަކުލީފަކަށް ވެފައިވާ ކަމަށެވެ. އެހެންކަމުން، އެފަދަ ކުދިންނަށް ގޭގައި ތިބެގެން ރައްކާތެރި މާޙައުލެއްގައި ތަޢުލީމު ޙާޞިލުކުރެވޭނެ އިންތިޒާމު ހަމަޖެހިގެން ދިޔުމަކީ މުޅި ތަޢުލީމީ ނިޒާމަށް ލިބިގެންދާނެ ވަރަށް ބޮޑު ކުރިއެރުމެއް ކަމުގައި އޭނާ ފާހަގަކުރެއްވިއެވެ. މީގެ އިތުރުން، ކުރިން އިދާރީ އަދި ޤާނޫނީ ގޮތުން ހުރި ދަތިތަކުގެ ސަބަބުން އެތައް ދަރިވަރުންނެއްގެ ތަޢުލީމީ ދޮރު ބަންދުވެފައި އޮތް ނަމަވެސް، މި ބަދަލާއެކު އެކަމަށް އިންޞާފުވެރި އަދި ދާއިމީ ޙައްލެއް ލިބިގެންދާނެ ކަމަށް ވިދާޅުވިއެވެ.
ތަޢުލީމު އުނގެނުމުގެ ފުރުޞަތަކީ އެންމެ ކުއްޖަކަށްވެސް ގެއްލިގެން ގޮސްގެންވާނެ ޙައްޤެއް ނޫންކަން ފާހަގަކުރައްވަމުން މަމްދޫހު ވިދާޅުވީ، ބެލެނިވެރިން ކިތަންމެ ބޭނުންވި ނަމަވެސް، މިހާތަނަށް ނިޒާމުގެ ތެރެއިން އެކަހެރިވެ ބާކީވެފައި ތިބި ކުދިންނަށް މިއަދު އުންމީދީ އައު ފުރުޞަތުތަކެއް ފަހިވެގެންދާ ކަމަށެވެ. އަދި މި ސަރުކާރުން އިސްކަންދީގެން ތަޢުލީމީ ދާއިރާގައި ހުރި އިދާރީ ގޮންޖެހުންތައް ޙައްލުކޮށް، ދަރިވަރުންނަށް ލުއިފަސޭހަ ގޮތްތައް ހަމަޖައްސައިދިނުމަށް ކުރަމުންދާ މަސައްކަތްތަކަށްވެސް އޭނާ ވަނީ ތަޢުރީފު ކުރައްވާފައެވެ.
މީގެ އިތުރުން، މުޅި ރާއްޖެއަށް މަތީ ތަޢުލީމު ފުޅާކުރުމުގެ މުހިންމުކަމުގެ މައްޗަށް އަލިއަޅުއްވާލައްވަމުން، އަތޮޅުތެރޭގައި އިސްލާމިކް ޔުނިވަރސިޓީގެ ކެމްޕަސްތައް ތަރައްޤީކުރުމަށް ކުރިއަށްދާ މަޝްރޫޢުތަކަކީ ޤައުމުގެ ތަރައްޤީއަށް ކޮންމެހެން ބޭނުންތެރި ކަންކަން ކަމުގައި މަމްދޫހު ފާހަގަކުރެއްވިއެވެ.
މަމްދޫހު ވިދާޅުވީ، މަޖިލީހުގެ ކޮމިޓީ މަރުޙަލާގައި މި ބިލު ދިރާސާކުރެވިގެންދާއިރު، ބިލަށް އިތުރު ފުރިހަމަކަމެއް ގެނެވި، ވީއެންމެ އަވަހަކަށް މިކަމަށް ޢަމަލީ ސިފައެއް އަންނާނެ ކަމަށް އުންމީދުކުރައްވާ ކަމަށެވެ.
މެންބަރު މަމްދޫހު ވިދާޅުވީ، ޚާއްޞަ އެހީއަށް ބޭނުންވާ ކުދިންނާއި، ނަފްސާނީ ގޮތުން އެކިކަހަލަ ގޮންޖެހުންތައް ތަޙައްމަލުކުރަމުންދާ ދަރިވަރުންނަށް ސްކޫލް މާޙައުލަށް ގޮސްގެން ކިޔެވުމަކީ ބޮޑު ތަކުލީފަކަށް ވެފައިވާ ކަމަށެވެ. އެހެންކަމުން، އެފަދަ ކުދިންނަށް ގޭގައި ތިބެގެން ރައްކާތެރި މާޙައުލެއްގައި ތަޢުލީމު ޙާޞިލުކުރެވޭނެ އިންތިޒާމު ހަމަޖެހިގެން ދިޔުމަކީ މުޅި ތަޢުލީމީ ނިޒާމަށް ލިބިގެންދާނެ ވަރަށް ބޮޑު ކުރިއެރުމެއް ކަމުގައި އޭނާ ފާހަގަކުރެއްވިއެވެ. މީގެ އިތުރުން، ކުރިން އިދާރީ އަދި ޤާނޫނީ ގޮތުން ހުރި ދަތިތަކުގެ ސަބަބުން އެތައް ދަރިވަރުންނެއްގެ ތަޢުލީމީ ދޮރު ބަންދުވެފައި އޮތް ނަމަވެސް، މި ބަދަލާއެކު އެކަމަށް އިންޞާފުވެރި އަދި ދާއިމީ ޙައްލެއް ލިބިގެންދާނެ ކަމަށް ވިދާޅުވިއެވެ.
ތަޢުލީމު އުނގެނުމުގެ ފުރުޞަތަކީ އެންމެ ކުއްޖަކަށްވެސް ގެއްލިގެން ގޮސްގެންވާނެ ޙައްޤެއް ނޫންކަން ފާހަގަކުރައްވަމުން މަމްދޫހު ވިދާޅުވީ، ބެލެނިވެރިން ކިތަންމެ ބޭނުންވި ނަމަވެސް، މިހާތަނަށް ނިޒާމުގެ ތެރެއިން އެކަހެރިވެ ބާކީވެފައި ތިބި ކުދިންނަށް މިއަދު އުންމީދީ އައު ފުރުޞަތުތަކެއް ފަހިވެގެންދާ ކަމަށެވެ. އަދި މި ސަރުކާރުން އިސްކަންދީގެން ތަޢުލީމީ ދާއިރާގައި ހުރި އިދާރީ ގޮންޖެހުންތައް ޙައްލުކޮށް، ދަރިވަރުންނަށް ލުއިފަސޭހަ ގޮތްތައް ހަމަޖައްސައިދިނުމަށް ކުރަމުންދާ މަސައްކަތްތަކަށްވެސް އޭނާ ވަނީ ތަޢުރީފު ކުރައްވާފައެވެ.
މަމްދޫހު ވިދާޅުވީ، މަޖިލީހުގެ ކޮމިޓީ މަރުޙަލާގައި މި ބިލު ދިރާސާކުރެވިގެންދާއިރު، ބިލަށް އިތުރު ފުރިހަމަކަމެއް ގެނެވި، ވީއެންމެ އަވަހަކަށް މިކަމަށް ޢަމަލީ ސިފައެއް އަންނާނެ ކަމަށް އުންމީދުކުރައްވާ ކަމަށެވެ.
ކިޔުންތެރިންގެ ހިޔާލު