މިހާރު މާލޭގެ ވިޔަފާރި ބަނދަރު ތިލަފުއްޓަށް ބަދަލުކުރުމުގެ މަޝްރޫޢު ފުރިހަމަވުމުން، ރާއްޖޭގެ އިޤްތިޞާދަށް ބޮޑު އަދި ތާރީޚީ ކުރިއެރުމެއް އަންނާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ތިލަފުށީގައި ކުރިއަށްދާ މައި ބަނދަރު ތަރައްޤީކުރުމުގެ މަޝްރޫޢުގެ މަސައްކަތްތައް އަމިއްލަފުޅަށް ބައްލަވާލެއްވުމަށްފަހު މީޑިއާތަކަށް ދެއްވި އިންޓަވިއެއްގައެވެ.
ތިލަފުއްޓަށް ކުރެއްވި މި ޒިޔާރަތުގައި ރައީސުލްޖުމްހޫރިއްޔާ ވަނީ މަޝްރޫޢުގެ ތަފާތު މަރުޙަލާތައް ކުރިއަށްދާ ގޮތާއި، މަސައްކަތުގެ އެންމެ ފަހުގެ އަދާހަމަ މަޢުލޫމާތު ބައްލަވާލައްވާފައެވެ.
މަސައްކަތް ކުރިއަށްދާ މިންވަރާމެދު ނުހަނު ހިތްހަމަޖެހިވަޑައިގަންނަވާކަން ހާމަކުރައްވަމުން ރައީސް ވިދާޅުވީ، މިއީ ސަރުކާރުން މިވަގުތު އެންމެ ބޮޑު އިސްކަމެއް ދީގެން ކުރިއަށްގެންދާ އެއް މަޝްރޫޢު ކަމަށެވެ.
މިހާރު މާލޭގައި ބޭނުންކުރަމުންދާ ވިޔަފާރި ބަނދަރަކީ ރާއްޖޭގެ އިޤްތިޞާދީ ކުރިއެރުމާ އެކަށީގެންވާ ވަރުގެ ތަނެއް ނޫންކަން ފާހަގަކުރައްވަމުން، ރައީސް ވިދާޅުވީ ކުރު މުއްދަތެއްގެ ތެރޭގައި ޤައުމަށް އަންނަ ތަރައްޤީގެ ބޮޑެތި މަޝްރޫޢުތަކަށް މަގުފަހިކުރުމަށްޓަކައި ޒަމާނީ ފެންވަރުގެ ބަނދަރެއް ތަރައްޤީކުރުން ނުހަނު މުހިންމު ކަމަށެވެ.
އަދި އައު ބަނދަރާއެކު ޕޯޓުގެ ޚިދުމަތްތައް 4 ގުނައަށް ފުޅާވެ، ޤައުމީ އުފެއްދުންތެރިކަމާއި ވިޔަފާރިތަކަށް އައު ދޮރުތަކެއް ހުޅުވިގެންދާނެ ކަމަށްވެސް އެމަނިކުފާނު ފާހަގަކުރެއްވިއެވެ.
މި މަޝްރޫޢުގެ ދަށުން މިވަގުތު ކުރިއަށްދަނީ ޑޮމެސްޓިކް ކީވޯލް ނުވަތަ މަގަތު ފާލަމުގެ މަސައްކަތްތަކެވެ.
މި މަސައްކަތް ނިންމައި، މި މަހުގެ ފަހުކޮޅު އެ ސަރަޙައްދުން ޚިދުމަތް ދޭން ފެށޭނެއެވެ. ސަރުކާރުގެ މައިގަނޑު ޢަމާޒަކީ އަންނަ އަހަރުގެ ނޮވެމްބަރު 11 އާ ހަމައަށް ޕޯޓުގެ އެންމެހާ ޚިދުމަތްތައް ފުރިހަމައަށް ތިލަފުއްޓަށް ބަދަލުކޮށް ނިންމުމެވެ. މީގެއިތުރުން، ބަނދަރުގެ ބައެއް މަސައްކަތްތައް މާލޭ އިންޑަސްޓްރިއަލް ޒޯނަށް ބަދަލުކުރުމަށްވެސް ވަނީ ހަމަޖެހިފައެވެ.
ރައީސުލްޖުމްހޫރިއްޔާގެ މި ޒިޔާރަތުގައި އިޤްތިޞާދީ ތަރައްޤީއާ ބެހޭ ވަޒީރު މުޙައްމަދު ސަޢީދާއި، އެހެނިހެން ވަޒީރުންގެ އިތުރުން އެމްޕީއެލްގެ ސީއީއޯ ހުސައިން ޝަފީޤާއި، ކަމާގުޅޭ އިދާރާތަކުގެ އިސްވެރިން ބައިވެރިވެވަޑައިގެންނެވިއެވެ. އަދި ބަނދަރުގެ އިންޓަރނޭޝަނަލް ކީވޯލްގެ މަސައްކަތް ކުރަމުންދާ ޗައިނާގެ ކުންފުނީގެ މަންދޫބުންވެސް މި ބައްލަވާލެއްވުމުގައި ބައިވެރިވިއެވެ.
ތިލަފުއްޓަށް ކުރެއްވި މި ޒިޔާރަތުގައި ރައީސުލްޖުމްހޫރިއްޔާ ވަނީ މަޝްރޫޢުގެ ތަފާތު މަރުޙަލާތައް ކުރިއަށްދާ ގޮތާއި، މަސައްކަތުގެ އެންމެ ފަހުގެ އަދާހަމަ މަޢުލޫމާތު ބައްލަވާލައްވާފައެވެ.
މަސައްކަތް ކުރިއަށްދާ މިންވަރާމެދު ނުހަނު ހިތްހަމަޖެހިވަޑައިގަންނަވާކަން ހާމަކުރައްވަމުން ރައީސް ވިދާޅުވީ، މިއީ ސަރުކާރުން މިވަގުތު އެންމެ ބޮޑު އިސްކަމެއް ދީގެން ކުރިއަށްގެންދާ އެއް މަޝްރޫޢު ކަމަށެވެ.
މިހާރު މާލޭގައި ބޭނުންކުރަމުންދާ ވިޔަފާރި ބަނދަރަކީ ރާއްޖޭގެ އިޤްތިޞާދީ ކުރިއެރުމާ އެކަށީގެންވާ ވަރުގެ ތަނެއް ނޫންކަން ފާހަގަކުރައްވަމުން، ރައީސް ވިދާޅުވީ ކުރު މުއްދަތެއްގެ ތެރޭގައި ޤައުމަށް އަންނަ ތަރައްޤީގެ ބޮޑެތި މަޝްރޫޢުތަކަށް މަގުފަހިކުރުމަށްޓަކައި ޒަމާނީ ފެންވަރުގެ ބަނދަރެއް ތަރައްޤީކުރުން ނުހަނު މުހިންމު ކަމަށެވެ.
އަދި އައު ބަނދަރާއެކު ޕޯޓުގެ ޚިދުމަތްތައް 4 ގުނައަށް ފުޅާވެ، ޤައުމީ އުފެއްދުންތެރިކަމާއި ވިޔަފާރިތަކަށް އައު ދޮރުތަކެއް ހުޅުވިގެންދާނެ ކަމަށްވެސް އެމަނިކުފާނު ފާހަގަކުރެއްވިއެވެ.
މި މަޝްރޫޢުގެ ދަށުން މިވަގުތު ކުރިއަށްދަނީ ޑޮމެސްޓިކް ކީވޯލް ނުވަތަ މަގަތު ފާލަމުގެ މަސައްކަތްތަކެވެ.
ރައީސުލްޖުމްހޫރިއްޔާގެ މި ޒިޔާރަތުގައި އިޤްތިޞާދީ ތަރައްޤީއާ ބެހޭ ވަޒީރު މުޙައްމަދު ސަޢީދާއި، އެހެނިހެން ވަޒީރުންގެ އިތުރުން އެމްޕީއެލްގެ ސީއީއޯ ހުސައިން ޝަފީޤާއި، ކަމާގުޅޭ އިދާރާތަކުގެ އިސްވެރިން ބައިވެރިވެވަޑައިގެންނެވިއެވެ. އަދި ބަނދަރުގެ އިންޓަރނޭޝަނަލް ކީވޯލްގެ މަސައްކަތް ކުރަމުންދާ ޗައިނާގެ ކުންފުނީގެ މަންދޫބުންވެސް މި ބައްލަވާލެއްވުމުގައި ބައިވެރިވިއެވެ.
ކިޔުންތެރިންގެ ހިޔާލު