ރަސްމާލެ މަޝްރޫއުގެ ބޮޑު ބައެއް ޔުނައިޓެޑް އަރަބް އެމިރޭޓްސް (ޔޫއޭއީ) ގެ އީގަލް ހިލްސް ކުންފުންޏަށް ދިގު މުއްދަތަކަށް ދޫކުރުމަށް ސަރުކާރުން ވެފައިވާ އެއްބަސްވުމާ ގުޅިގެން ހުރި ކަންބޮޑުވުންތަކާ ގުޅޭގޮތުން، ހައުސިންގ އެންޑް އިންފްރާސްޓްރަކްޗަރ މިނިސްޓަރު ޑރ. އަބްދުﷲ މުއްތަލިބާ ރައްޔިތުންގެ މަޖިލީހުގެ މެންބަރަކު ސުވާލުތަކެއް ކުރައްވައިފިއެވެ.
ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް (ކުޑޫ)، މިނިސްޓަރު ޑރ. މުއްތަލިބަށް ފޮނުއްވި ރަސްމީ ސިޓީއެއްގައި ވަނީ މި އެއްބަސްވުމުގެ ސަބަބުން ރައްޔިތުންގެ މެދުގައި އުފެދިފައިވާ ސުވާލުތަކަށް ސަރުކާރުން ސާފު ޖަވާބެއް ދިނުމަށް އެދިވަޑައިގެންފައެވެ.
އެގޮތުން، މިފަދަ ބޮޑު މަޝްރޫއެއް އާންމުކޮށް ބީލަމަށް ނުލައި، ވަކި ކުންފުންޏަކަށް ހަވާލުކުރަން ނިންމި ސަބަބާއި، މި އެއްބަސްވުމުގެ ދަށުން ބިން ސަބްލީސްކުރާ ކޮންމެ ފަހަރަކު 99 އަހަރުގެ މުއްދަތެއް ލިބިގެންދާނެތޯ މެންބަރު ވަނީ ސުވާލު އުފައްދަވާފައެވެ. އަދި ކަނޑައެޅިފައިވާ 10 އަހަރުގެ ތެރޭގައި މަސައްކަތް ނުނިމިއްޖެ ހާލަތެއްގައި ބިން އަނބުރާ ދައުލަތަށް ނެގޭނެ ގާނޫނީ ރައްކާތެރިކަމެއް އޮތްތޯއާއި، ރާއްޖޭގެ ސިޔާދަތަށާއި ގައުމީ ސަލާމަތަށް ނުރައްކާވާ ފަދަ ގޮތަކަށް އެ ބިން ބޭނުންކުރުން ހުއްޓުވޭނެ އިންތިޒާމުތަކަކީ ކޮބައިތޯ ވެސް ސިޓީގައި ސާފުކުރައްވަން އެދިވަޑައިގެންފައިވެއެވެ.
މީގެއިތުރުން، ރައްޔިތުންގެ ބޯހިޔާވަހިކަމުގެ ބޭނުމަށް ހިއްކާ ބިމަކުން، މުއްސަނދިންނާއި ލަގްޒަރީ ވިޔަފާރިތަކަށް 500 ހެކްޓަރުގެ ބިން ކަނޑައެޅުމަކީ އާންމު ރައްޔިތުންނަށް ވީ ވައުދާ ހިލާފުވުން ކަމަށް ވިދާޅުވެ ކުޑޫ ވަނީ ކަންބޮޑުވުން ފާޅުކުރައްވާފައެވެ. ދައުލަތުގެ ބަޖެޓުން ބޮޑު ހޭދައެއް ކޮށްގެން ހިއްކާ މި ބިމުން އެއްވެސް އެޑްވާންސް ފައިސާއެއް ނުލިބޭ ގޮތަށް އެއްބަސްވުން ހެދުމުން ގައުމަށް ލިބޭނެ މާލީ މަންފާއަކީ ކޮބައިކަން ހާމަކުރުމަށް ވެސް އޭނާ ގޮވާލެއްވިއެވެ.
މި މަޝްރޫއުގެ ތެރެއިން އީގަލް ހިލްސްއިން އަޅައިދޭ 5،000 ހައުސިންގ ޔުނިޓާ ގުޅޭގޮތުން ވާހަކަދައްކަވަމުން، އެއީ ދިވެހި ސަރުކާރުން އަނބުރާ ދައްކަންޖެހޭ ލޯނެއްތޯ ނުވަތަ ހިލޭ ލިބޭ އެއްޗެއްތޯ މެންބަރު ވަނީ ސުވާލު އުފައްދަވާފައެވެ. އަދި އަންދާޒާކުރާ މިންވަރަށް އާމްދަނީ ނުލިބިއްޖެނަމަ ދައުލަތުން ސަބްސިޑީ ދޭންޖެހިދާނެތޯ ވެސް އޭނާ އެއްސެވިއެވެ.
އަދި ސަރުކާރުން ހާމަކޮށްފައިވާ ގޮތަށް މި މަޝްރޫއުން އުފެދޭ 54،000 ވަޒީފާގެ ތެރެއިން ދިވެހިންނަށް ހާއްސަކުރެވޭ މަތީ ފަންތީގެ ދާއިމީ ވަޒީފާތަކުގެ ތަފްސީލު ހާމަކުރުމަށާއި، މި އެއްބަސްވުމުގެ ފުރިހަމަ މައުލޫމާތު ރައްޔިތުންގެ މަޖިލީހަށާއި އާންމުންނަށް ހާމަކޮށް، ދުރު މުސްތަގުބަލުގައި ގައުމަށް ކޮށްފާނެ އަސަރުތައް ސާފުކޮށްދިނުމަށް މެންބަރު ކުޑޫ ވަނީ ސަރުކާރަށް އިލްތިމާސްކުރައްވާފައެވެ.
އެގޮތުން، މިފަދަ ބޮޑު މަޝްރޫއެއް އާންމުކޮށް ބީލަމަށް ނުލައި، ވަކި ކުންފުންޏަކަށް ހަވާލުކުރަން ނިންމި ސަބަބާއި، މި އެއްބަސްވުމުގެ ދަށުން ބިން ސަބްލީސްކުރާ ކޮންމެ ފަހަރަކު 99 އަހަރުގެ މުއްދަތެއް ލިބިގެންދާނެތޯ މެންބަރު ވަނީ ސުވާލު އުފައްދަވާފައެވެ. އަދި ކަނޑައެޅިފައިވާ 10 އަހަރުގެ ތެރޭގައި މަސައްކަތް ނުނިމިއްޖެ ހާލަތެއްގައި ބިން އަނބުރާ ދައުލަތަށް ނެގޭނެ ގާނޫނީ ރައްކާތެރިކަމެއް އޮތްތޯއާއި، ރާއްޖޭގެ ސިޔާދަތަށާއި ގައުމީ ސަލާމަތަށް ނުރައްކާވާ ފަދަ ގޮތަކަށް އެ ބިން ބޭނުންކުރުން ހުއްޓުވޭނެ އިންތިޒާމުތަކަކީ ކޮބައިތޯ ވެސް ސިޓީގައި ސާފުކުރައްވަން އެދިވަޑައިގެންފައިވެއެވެ.
މީގެއިތުރުން، ރައްޔިތުންގެ ބޯހިޔާވަހިކަމުގެ ބޭނުމަށް ހިއްކާ ބިމަކުން، މުއްސަނދިންނާއި ލަގްޒަރީ ވިޔަފާރިތަކަށް 500 ހެކްޓަރުގެ ބިން ކަނޑައެޅުމަކީ އާންމު ރައްޔިތުންނަށް ވީ ވައުދާ ހިލާފުވުން ކަމަށް ވިދާޅުވެ ކުޑޫ ވަނީ ކަންބޮޑުވުން ފާޅުކުރައްވާފައެވެ. ދައުލަތުގެ ބަޖެޓުން ބޮޑު ހޭދައެއް ކޮށްގެން ހިއްކާ މި ބިމުން އެއްވެސް އެޑްވާންސް ފައިސާއެއް ނުލިބޭ ގޮތަށް އެއްބަސްވުން ހެދުމުން ގައުމަށް ލިބޭނެ މާލީ މަންފާއަކީ ކޮބައިކަން ހާމަކުރުމަށް ވެސް އޭނާ ގޮވާލެއްވިއެވެ.
އަދި ސަރުކާރުން ހާމަކޮށްފައިވާ ގޮތަށް މި މަޝްރޫއުން އުފެދޭ 54،000 ވަޒީފާގެ ތެރެއިން ދިވެހިންނަށް ހާއްސަކުރެވޭ މަތީ ފަންތީގެ ދާއިމީ ވަޒީފާތަކުގެ ތަފްސީލު ހާމަކުރުމަށާއި، މި އެއްބަސްވުމުގެ ފުރިހަމަ މައުލޫމާތު ރައްޔިތުންގެ މަޖިލީހަށާއި އާންމުންނަށް ހާމަކޮށް، ދުރު މުސްތަގުބަލުގައި ގައުމަށް ކޮށްފާނެ އަސަރުތައް ސާފުކޮށްދިނުމަށް މެންބަރު ކުޑޫ ވަނީ ސަރުކާރަށް އިލްތިމާސްކުރައްވާފައެވެ.
ކިޔުންތެރިންގެ ހިޔާލު