ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ މައްޗަށް ދައުލަތުން އުފުލާފައިވާ ޖިނާއީ ދައުވާތަކުގެ ޝަރީއަތުގެ އަޑުއެހުންތައް މެދުކެނޑިފައި އޮންނަތާ އަހަރެއްހާ ދުވަސް ފަހުން، ކްރިމިނަލް ކޯޓުގައި މިއަދު އަލުން ޝަރީއަތުގެ އަޑުއެހުމެއް ފަށައިފިއެވެ.
އެމްއެމްޕީއާރުސީގެ ޚިޔާނާތާ ގުޅިގެން ރައީސް ޔާމީންގެ މައްޗަށް މިހާރު ވެސް ކޯޓު މަރުހަލާގައި ދެ މައްސަލައެއް އެބައޮތެވެ. އެއީ ވ. އާރަށާއި ރ. ފުއްގިރި ކުއްޔަށް ދޫކުރުމުގެ މުއާމަލާތާ ގުޅިގެން، ރިޝްވަތު ހިފުމާއި މަނީ ލޯންޑަރިންގެ ކުށުގެ ތުހުމަތުގައި އުފުލާފައިވާ ދައުވާތަކެވެ. މީގެ ތެރެއިން މިއަދު ކޯޓުގައި ކުރިއަށް ގެންދަން ހަމަޖެހިފައިވަނީ، ރައްޔިތުންގެ މަޖިލީހުގެ ފެލިދޫ ދާއިރާގެ ކުރީގެ މެންބަރު ޔޫސުފް ނައީމްގެ މައްޗަށް ވެސް ދައުވާލިބޭ ވ. އާރަށުގެ މައްސަލައިގެ އަޑުއެހުމެކެވެ. މީޑިއާތަކަށް އޮންލައިންކޮށް ވަދެވޭ ގޮތަށް މިއަދު ބާއްވާ މި އަޑުއެހުމަކީ ޝަރީއަތުގެ ކުރިން ހުށަހަޅާ ހުށަހެޅުންތަކާ މެދު ގޮތެއް ނިންމުމަށް ބާއްވާ އަޑުއެހުމެކެވެ.
ވ. އާރަށުގެ މައްސަލައިގެ ޝަރީއަތް ކްރިމިނަލް ކޯޓުގައި މަޑުޖެހިފައި އޮތީ، އެ މައްސަލަ އަލުން ބެލުމަށް ހައި ކޯޓުން ކުރި އަމުރާ ގުޅިގެން، ދައުލަތުން ކުރިން ހުށަހެޅި އާ ހެކިތަކެއް ބަލައިނުގަތުމަށް ނިންމި ނިންމުން ސުޕްރީމް ކޯޓުގައި ދައުލަތުން އިސްތިއުނާފު ކުރުމާ ގުޅިގެންނެވެ. ނަމަވެސް، މިދިޔަ ޖުލައި މަހު ސުޕްރީމް ކޯޓުން ވަނީ ހައި ކޯޓުގެ ނިންމުމަށް ތާއީދުކޮށް، ދައުލަތުގެ އެ އާ ހެކިތައް ބަލައިނުގަނެވޭނެ ކަމަށް ހުކުމް ކޮށްފަ އެވެ.
މި މައްސަލައިގައި ކޯޓުން އެއްފަރާތްކުރި ހެކިތަކުގެ ތެރޭގައި ހިމެނެނީ، ރައީސް ޔާމީންގެ ދިފާއީ ހެއްކެއްގެ ގޮތުގައި ހުށަހެޅި މިހާރުގެ ޔޫތު މިނިސްޓަރުގެ އެޑްވައިޒަރު އަހުމަދު ނަރީޝް ކުރިން އަދާކުރެއްވި ސިފައިންގެ ވަޒީފާގެ ހާޒިރީ ރެކޯޑުތަކާއި، އޭރުގެ އިކޮނޮމިކް ޔޫތު ކައުންސިލްގެ ބައްދަލުވުންތަކެއްގެ ޔައުމިއްޔާ އެވެ. ޑޮލަރު މާރުކުރުމަށްފަހު ޔޫސުފް ނައީމަށް ލިބެންޖެހޭ ދިވެހި ފައިސާ އޭނާއާ ހަވާލުކުރަން ދިޔަކަމަށް ނަރީޝް ދެއްވި ހެކިބަހަކީ ދޮގެއް ކަމަށް ދަށު ކޯޓުން ކުރިން ނިންމި ނަމަވެސް، ހައި ކޯޓުން ވަނީ އެ ނިންމުމާއެކު އިއްވި ޖަލު ހުކުމް ބާތިލުކޮށްފައެވެ.
ދައުލަތުން ރައީސް ޔާމީންގެ މައްޗަށް މި ދައުވާ އުފުލާފައިވަނީ، ވ. އާރަށް ކުއްޔަށް ދިނުމުގެ މުގާބިލުގައި އެ މަނިކުފާނުގެ އަމިއްލަފުޅު އެކައުންޓަށް އެކި ފަހަރު މަތިން އެއް މިލިއަން ޑޮލަރު ޖަމާކޮށް، އެ ފައިސާ ލޯންޑަކުރެއްވި ކަމަށް ތުހުމަތުކޮށެވެ.
ވ. އާރަށުގެ މައްސަލައިގެ ޝަރީއަތް ކްރިމިނަލް ކޯޓުގައި މަޑުޖެހިފައި އޮތީ، އެ މައްސަލަ އަލުން ބެލުމަށް ހައި ކޯޓުން ކުރި އަމުރާ ގުޅިގެން، ދައުލަތުން ކުރިން ހުށަހެޅި އާ ހެކިތަކެއް ބަލައިނުގަތުމަށް ނިންމި ނިންމުން ސުޕްރީމް ކޯޓުގައި ދައުލަތުން އިސްތިއުނާފު ކުރުމާ ގުޅިގެންނެވެ. ނަމަވެސް، މިދިޔަ ޖުލައި މަހު ސުޕްރީމް ކޯޓުން ވަނީ ހައި ކޯޓުގެ ނިންމުމަށް ތާއީދުކޮށް، ދައުލަތުގެ އެ އާ ހެކިތައް ބަލައިނުގަނެވޭނެ ކަމަށް ހުކުމް ކޮށްފަ އެވެ.
ދައުލަތުން ރައީސް ޔާމީންގެ މައްޗަށް މި ދައުވާ އުފުލާފައިވަނީ، ވ. އާރަށް ކުއްޔަށް ދިނުމުގެ މުގާބިލުގައި އެ މަނިކުފާނުގެ އަމިއްލަފުޅު އެކައުންޓަށް އެކި ފަހަރު މަތިން އެއް މިލިއަން ޑޮލަރު ޖަމާކޮށް، އެ ފައިސާ ލޯންޑަކުރެއްވި ކަމަށް ތުހުމަތުކޮށެވެ.
ކިޔުންތެރިންގެ ހިޔާލު