ވެނެޒުއޭލާއަށް މިދިޔަ މަހުގެ އައި ބާރުގަދަ ބިންހެލުންތަކުގައި އަނިޔާވި ކުޑަ ފިރިހެން ކުއްޖަކަށް، ދުނިޔޭގެ މަޝްހޫރު ފުޓުބޯޅަ ތަރި ކްރިސްޓިއާނޯ ރޮނާލްޑޯ ހިތްވަރުގެ މެސެޖެއް ދީފިއެވެ.

7.2 އަދި 7.5 މެގްނިޓިއުޑްގެ މި ބިންހެލުންތަކުގެ ސަބަބުން 2،295 މީހުން މަރުވެ، އެތައް ހާސް ބަޔަކަށް އެކިވަރުގެ ގެއްލުންތައް ލިބިފައިވާއިރު، އެންޑްރެސް މިލެސް ކިޔާ މި ކުއްޖާ އަށް ވަނީ ބޮޑެތި އަނިޔާތަކެއް ލިބި ފައި ބުރިކޮށްލަން ޖެހިފައެވެ.

Cristiano Ronaldo saw the message of the Venezuelan boy who lost everything after the earthquake and he took action ❤️‍🩹🙏🏼

In addition to sending him words of encouragement, he invited Andrés to meet him: “I want you to attend one of my games!”.

Sending strenght and all best… pic.twitter.com/QvBbDMXc4e

— Fabrizio Romano (@FabrizioRomano) July 3, 2026

ރޮނާލްޑޯގެ ބޮޑު ސަޕޯޓަރެއް ކަމުގައިވާ އެންޑްރެސްގެ ހާލަތު ސޯޝަލް މީޑިއާ މެދުވެރިކޮށް އެނގުމުން، ރޮނާލްޑޯ ވަނީ އެ ކުއްޖާއަށް ހާއްސަ ވީޑިއޯ މެސެޖެއް ފޮނުވާފައެވެ. އެ މެސެޖުގައި އޭނާގެ ފުރިހަމަ ތާއީދާއި ހިތްވަރު އެ ކުއްޖާއަށް އަރުވައި، އެންޑްރެސްގެ ހާލު ރަނގަޅުވުމުން އޭނާ ކުޅޭ މެޗެއް ބަލާލުމަށް ދައުވަތު ދީފައެވެ. ރޮނާލްޑޯ ބުނީ އެންޑްރެސްއާ ބައްދަލުކޮށްލަން އޭނާ ވަރަށް ބޭނުންވާ ކަމަށެވެ.

މި ހާއްސަ މެސެޖުގެ އިތުރުން، ސޮއިކޮށްފައިވާ ޕޯޗުގަލްގެ ޖާޒީއެއްވެސް އެންޑްރެސްއަށް ހަދިޔާކުރަން ރޮނާލްޑޯ ވަނީ ނިންމާފައެވެ. ރޮނާލްޑޯގެ މި އޯގާތެރިކަމުގެ ސަބަބުން އެ ކުއްޖާ އުފަލުން ރޮއެފައިވެއެވެ.