މެޗުގެ ކުރީކޮޅު ކުޅުން ދަށްވި ނަމަވެސް ނެރުނު ހިތްވަރުން ވޯލްޑް ކަޕްގައި ހެރީ ކޭންގެ ޓިމަށް އެންމެ ގިނަ ލަނޑު ޖެހި ކުޅުންތެރިޔާގެ ރެކޯޑާއެކު 2- 0 ގެ ނަތީޖާއިން ޕެނަމާ ބަލިކޮށް، ގްރޫޕް އެލް ގެ އެއްވަނަ އިންގްލޭންޑް ހޯދައިފިއެވެ.

62 ވަނަ މިނިޓްގައި ޖޫޑް ބެލިންހަމް ލަނޑެއް ޖަހައި ގޭމް ހުޅުވާލިއިރު، ފަސް މިނިޓް ފަހުން ބެލިންހަމްގެ ކްރޮސްއަކުން ކޭން ހެޑަރަކުން ދެ ވަނަ ލަނޑު ޖަހައި ލީޑް ފުޅާ ކުރި އެ ލަނޑުވެގެންދިޔައީ ކޭންގެ ވޯލްޑް ކަޕް ކެރިއަރުގެ ކާމިޔާބު ކުރި11 ވަނަ ލަނޑު ކަމަށެވެ. އަދި މިއީ ގެރީ ލިނެކާ ގެ ރެކޯޑް ފަހަނައަޅައި ކޭން ކުރިއަށް ޖެހިލިލަނޑުވެސް މެއެވެ.

ގިނަ ވަގުތު ތަކުގައި ދަށް ކުޅުމެއް ދެއްކި ނަމަވެސް، ފަހަތު ރޮނގު ހިފެހެއްޓުމުގައި ވެސް ދަތިތަކެއް ދިމާވިއެވެ. ރީސް ޖޭމްސްގެ ބަދަލުގައި ކަނާތު ފަޅިން ކުޅެމުންދިޔަ ޖެރެލް ކުއަންސާ ވެސް ދެ ވަނަ ހާފުގައި ހަށިގަނޑަށް ލިބުނު ގެއްލުމެއްގެ ސަބަބުން ދަނޑުން ފައިބަން ޖެހުނެވެ.

ބެލިންހަމް ވަނީ ހިތްވަރާ ހުނަރުވެރިކަމާ ގުޅިގެން ކުޅުން ކޮންޓްރޯލްކޮށް، ބުކާޔޯ ސަކާގެ ކޯނަރަކުން ފުރިހަމަ ގޮތެއްގައި ލަނޑު ކާމިޔާބުކޮށް ފަރަގު ހުޅުވާލާފައެވެ.

ދެ ވަނަ ލަނޑަށް ވެސް ބެލިންހަމް ވަނީ ފުރިހަމަ ކްރޮސްއެއް ދީ ކޭންއަށް ތާރީހް ލިޔެލުމުގެ ފުރުސަތު ހޯދައިދީފައެވެ.