ބައިނަލްއަޤުވާމީ ފުޓްބޯޅައިގެ ފޯރިގަދަ މުބާރާތްތަކަށްފަހު، ކުޅުންތެރިން ބަދަލުކުރުމުގެ ބާޒާރު ނުވަތަ ޓްރާންސްފަރ މާކެޓުގެ ހޫނުކަން މިވަނީ އިންތިހާއަށް އިތުރުވެފައެވެ. ޚާއްޞަކޮށް، ޒުވާން ހުނަރުވެރި ކުޅުންތެރިން ހޯދުމަށް ޔޫރަޕުގެ ބޮޑެތި ކްލަބުތަކުގެ މެދުގައި އޮތް ވާދަވެރިކަން ބޮޑުވެ، ކުޅުންތެރިންގެ އަގުތައް ވަނީ މީގެ ކުރިން ދުވަހަކުވެސް އުފުލިފައި ނުވާ މިންވަރަށް މައްޗަށް ގޮސްފައެވެ.

މިވަގުތު ދުނިޔޭގެ އެންމެ އަގުބޮޑު ކުޅުންތެރިޔާގެ ލަގަބު، އުމުރުން އެންމެ 19 އަހަރުގެ ލަމީން ޔަމާލް ހޯދާފައިވާއިރު، އޭނާއަކީ ހަމައެކަނި ދަނޑުމަތީގެ ތަރިއެއް ނޫނެވެ. އޭނާއަކީ އަނިޔާވެރިކަމާއި ތަދުތަކުގެ ތެރޭގައި ދިރިއުޅެމުންދާ ފަލަސްތީނުގެ ރައްޔިތުންނާއި، މުޅި އިސްލާމީ އުއްމަތް ފަޚްރުވެރިވާފަދަ ހުނަރުވެރި، ނަމޫނާ ކުޅުންތެރިއެކެވެ. ޔަމާލްގެ ކާމިޔާބީއަކީ މުޅި ދުނިޔޭގެ ސަމާލުކަން މިއަދު ހުއްޓިފައިވާ މުހިންމު ނަމެކެވެ.

އެންމެ ޑިމާންޑް ބޮޑު ކުޅުންތެރިންނާއި އެމީހުންގެ އަގުތައް:

• ލަމީން ޔަމާލް (އެފް.ސީ ބާސެލޯނާ): މި ޒުވާން ކުޅުންތެރިޔާއަށް ހުށަހެޅި 250 މިލިއަން ޔޫރޯގެ ބޮޑު އަގު ބާސެލޯނާއިން ވަނީ ރިޖެކްޓްކޮށްފައެވެ. ސީ.އައި.އީ.އެސް ފުޓްބޯލް އޮބްޒަވޭޓްރީގެ ތަފާސްހިސާބުތަކުން ދައްކާގޮތުގައި، 343 މިލިއަން ޔޫރޯއަށްވުރެ މަތީގެ އަގަކާއެކު އޭނާއަކީ މިވަގުތު ދުނިޔޭގެ އެންމެ އަގުބޮޑު ކުޅުންތެރިޔާއެވެ.

• ވިކްޓަރ އޮސިމްހެން (ނަޕޯލީ/ގަލަތަސާރާއި): ޔުވެންޓަސް، ބާސެލޯނާ އަދި ރެއާލް މެޑްރިޑް ފަދަ ބޮޑެތި ކްލަބުތަކުން އޭނާއަށް ޝައުގުވެރިކަން ފާޅުކުރަމުންދާއިރު، އޭނާގެ އަގު 150 މިލިއަން ޔޫރޯއާ ގާތްކުރާނެ ކަމަށް ބެލެވެއެވެ.

• އެންތަނީ ގޯޑަން (ނިއުކާސަލް ޔުނައިޓެޑް): ޗެލްސީ، އާސެނަލް އަދި ބަޔާން މިއުނިކުން އޭނާ ހޯދުމަށް ބޭނުންވާއިރު، އޭނާގެ އަގު އުޅެނީ 80 މިލިއަން އާއި 100 މިލިއަން ޔޫރޯއާ ދެމެދުގައެވެ.

• އެޑަމް ވޯޓަން (ކްރިސްޓަލް ޕެލަސް): ލިވަޕޫލް، މެންޗެސްޓަރ ޔުނައިޓެޑް އަދި ބާސެލޯނާގެ ރާޑަރަށް އަރާފައިވާ މި ކުޅުންތެރިޔާގެ އަގަކީ ގާތްގަނޑަކަށް 100 މިލިއަން ޔޫރޯއެވެ.

• ވިލިއަމް ސަލީބާ (އާސެނަލް): އާސެނަލްއަށް ބޮޑު ކާމިޔާބީއެއް ނުލިބިއްޖެ ނަމަ، ރެއާލް މެޑްރިޑުން 100 މިލިއަން ޔޫރޯއަށްވުރެ މަތީ އަގަކަށް އޭނާ ގެންދިއުމުގެ ފުރުސަތު އެބައޮތެވެ.

މި ފަހަރުގެ ޓްރާންސްފަރ މާކެޓުގައި ހިނގާފައިވާ ބޮޑެތި މުއާމަލާތްތައް:

• މޯގަން ރޮޖާސް: އެސްޓަން ވިލާގެ މި ފޯވާޑް ޗެލްސީއާ ގުޅުނީ އިނގިރޭސި ރެކޯޑް އަގަކަށްވާ 117 މިލިއަން ޕައުންޑަށެވެ.

• އެލިއަޓް އެންޑަސަން: ނޮޓިންހަމް ފޮރެސްޓްގެ މި މިޑްފީލްޑަރު މެންޗެސްޓަރ ސިޓީން ގަތީ 116 މިލިއަން ޕައުންޑަށެވެ.

• ސަންޑްރޯ ޓޯނާލީ: ނިއުކާސަލްގެ މި މިޑްފީލްޑަރު ޓޮޓެންހަމް ހޮޓްސްޕާސްއާ ގުޅުނީ 92.5 މިލިއަން ޕައުންޑުގެ އެއްބަސްވުމެއްގެ ދަށުންނެވެ.

ކޮންޓްރެކްޓްގެ މުއްދަތު ހަމަވާން ގާތްވެފައިވާ މުހިންމު ކުޅުންތެރިން:

ބޮޑެތި ކްލަބުތަކުން އަންނަނީ 2027 ވަނަ އަހަރަށް ކޮންޓްރެކްޓް ހަމަވާ ތިރީގައިވާ ތަރިންނަށް ވަރަށް ގާތުން ބަލަމުންނެވެ.

ވިނީޝިއަސް ޖޫނިއަރ (ވިންގަރ) - ރެއާލް މެޑްރިޑް: ޖޫން 2027 | އަގު: 140 މިލިއަން ޔޫރޯ

ހެރީ ކޭން (ފޯވާޑް) - ބަޔާން މިއުނިކް: ޖޫން 2027 | އަގު: 60 މިލިއަން ޔޫރޯ

ރޮޑްރީ (މިޑްފީލްޑަރު) - މެންޗެސްޓަރ ސިޓީ: ޖޫން 2027 | އަގު: 55 މިލިއަން ޔޫރޯ

ފެރާން ޓޮރޭޒް (ފޯވާޑް) - ބާސެލޯނާ: ޖޫން 2027 | އަގު: 55 މިލިއަން ޔޫރޯ