ކުވައިތުގެ ދައުލަތުގެ ޓީވީގެ މަޝްހޫރު ޕްރެޒެންޓަރު އަދި ނޫސްވެރިޔާ ޒައިނަބް ދާޝްތީ، އީރާނަށް ތާއީދުކޮށް ސޯޝަލް މީޑިއާގައި ޚިޔާލު ފާޅުކުރި މައްސަލައެއްގައި އޭނާ 3 އަހަރަށް ޖަލަށް ލުމަށް ކުވައިތުގެ އެޕީލް ކޯޓުން ކުރި ހުކުމް ދަމަހައްޓައިފިއެވެ.
މި މައްސަލައަކީ ފަހަކަށް އައިސް ކުވައިތުގެ މީޑިއާގެ ދާއިރާގައި އެންމެ ބޮޑަށް ބަހުސްކުރެވޭ އަދި ސަމާލުކަން ހޯދާފައިވާ އެއް މައްސަލައެވެ.
މި ހުކުމާ ގުޅިގެން ލިބިފައިވާ މައުލޫމާތުތަކަށް ބަލާއިރު، ޒައިނަބް ދާޝްތީއަށް މި ފިޔަވަޅު އަޅާފައިވަނީ އެމެރިކާ އާއި އިޒްރޭލުން އީރާނާ ދެކޮޅަށް ކުރަމުންދާ ހަނގުރާމައިގެ ތެރޭގައި، އީރާނުން ދިން ރައްދު ހަމަލާތަކަށާއި އެ ގައުމުގެ ދިފާއީ އޮޕަރޭޝަންތަކަށް ތާއީދުކޮށް އޭނާ ސޯޝަލް މީޑިއާގައި ޕޯސްޓުތަކެއް ކުރި ކަމަށް ކުވައިތުގެ ކަމާބެހޭ ފަރާތްތަކުން ތުހުމަތު ކުރުމާ ގުޅިގެންނެވެ.
ކުވައިތުގެ ގާނޫނުތަކުގައި ބަޔާންކޮށްފައިވާ ގޮތުން، ގައުމުގެ މަސްލަހަތަށް ގެއްލުންވާ ގޮތަށް ނުވަތަ ބޭރުގެ ގައުމުތަކާ ކުވައިތާ ދެމެދު އޮންނަ ގުޅުމަށް ބުރޫއަރާފާނެ ފަދަ އަމަލުތައް ހިންގުމަކީ ޖަލު ހުކުމް އަންނަ ކަމެކެވެ.
މި މައްސަލައާ ގުޅިގެން އިންސާނީ ހައްގުތަކަށް މަސައްކަތްކުރާ ފަރާތްތަކާއި ނޫސްވެރިކަމުގެ މިނިވަންކަމަށް ވަކާލާތު ކުރާ ފަރާތްތަކުން ވަނީ ކަންބޮޑުވުން ފާޅުކޮށްފައެވެ.
އެ ފަރާތްތަކުން ސިފަކުރާ ގޮތުގައި، މި ފަދަ ހުކުމްތަކަކީ ކުވައިތުގައި ނޫސްވެރިންނާއި ސިޔާސީ އެކްޓިވިސްޓުންގެ އަޑު ކަނޑުވާލުމަށް އެޅޭ ފިޔަވަޅުތަކެކެވެ. އަދި މި ހުކުމް ދެމެހެއްޓުމަކީ އެ ގައުމުގައި ޚިޔާލު ފާޅުކުރުމުގެ މިނިވަންކަމަށް މިހާރަށްވުރެ ބޮޑެތި ގޮންޖެހުންތަކެއް ކުރިމަތިވެފައިވާކަމުގެ އަލާމާތެއް ކަމަށް ވެސް އެ ފަރާތްތަކުން ދެކެއެވެ.
ޒައިނަބް ދާޝްތީއަކީ އީރާނުގެ ދަރިކޮޅަކަށް ނިސްބަތްވާ ފަރާތެއްކަމުން، މި މައްސަލައަކީ ނަސްލީ އަދި ސިޔާސީ ގޮތުން ވެސް ކުވައިތުގެ މުޖުތަމައުގެ ތެރޭގައި ބޮޑެތި ބަހުސްތަކެއް އުފެދިފައިވާ މައްސަލައެކެވެ.
މިހާތަނަށް އައިއިރު، ޒައިނަބްގެ ފަރާތުން މި ހުކުމާމެދު އިތުރަށް މަތީ މަރުހަލާގެ ކޯޓަކަށް ހުށަހަޅާނެކަމެއް އަދި ސާފެއް ނުވެއެވެ.
މި ހުކުމާ ގުޅިގެން ލިބިފައިވާ މައުލޫމާތުތަކަށް ބަލާއިރު، ޒައިނަބް ދާޝްތީއަށް މި ފިޔަވަޅު އަޅާފައިވަނީ އެމެރިކާ އާއި އިޒްރޭލުން އީރާނާ ދެކޮޅަށް ކުރަމުންދާ ހަނގުރާމައިގެ ތެރޭގައި، އީރާނުން ދިން ރައްދު ހަމަލާތަކަށާއި އެ ގައުމުގެ ދިފާއީ އޮޕަރޭޝަންތަކަށް ތާއީދުކޮށް އޭނާ ސޯޝަލް މީޑިއާގައި ޕޯސްޓުތަކެއް ކުރި ކަމަށް ކުވައިތުގެ ކަމާބެހޭ ފަރާތްތަކުން ތުހުމަތު ކުރުމާ ގުޅިގެންނެވެ.
ކުވައިތުގެ ގާނޫނުތަކުގައި ބަޔާންކޮށްފައިވާ ގޮތުން، ގައުމުގެ މަސްލަހަތަށް ގެއްލުންވާ ގޮތަށް ނުވަތަ ބޭރުގެ ގައުމުތަކާ ކުވައިތާ ދެމެދު އޮންނަ ގުޅުމަށް ބުރޫއަރާފާނެ ފަދަ އަމަލުތައް ހިންގުމަކީ ޖަލު ހުކުމް އަންނަ ކަމެކެވެ.
މި މައްސަލައާ ގުޅިގެން އިންސާނީ ހައްގުތަކަށް މަސައްކަތްކުރާ ފަރާތްތަކާއި ނޫސްވެރިކަމުގެ މިނިވަންކަމަށް ވަކާލާތު ކުރާ ފަރާތްތަކުން ވަނީ ކަންބޮޑުވުން ފާޅުކޮށްފައެވެ.
އެ ފަރާތްތަކުން ސިފަކުރާ ގޮތުގައި، މި ފަދަ ހުކުމްތަކަކީ ކުވައިތުގައި ނޫސްވެރިންނާއި ސިޔާސީ އެކްޓިވިސްޓުންގެ އަޑު ކަނޑުވާލުމަށް އެޅޭ ފިޔަވަޅުތަކެކެވެ. އަދި މި ހުކުމް ދެމެހެއްޓުމަކީ އެ ގައުމުގައި ޚިޔާލު ފާޅުކުރުމުގެ މިނިވަންކަމަށް މިހާރަށްވުރެ ބޮޑެތި ގޮންޖެހުންތަކެއް ކުރިމަތިވެފައިވާކަމުގެ އަލާމާތެއް ކަމަށް ވެސް އެ ފަރާތްތަކުން ދެކެއެވެ.
މިހާތަނަށް އައިއިރު، ޒައިނަބްގެ ފަރާތުން މި ހުކުމާމެދު އިތުރަށް މަތީ މަރުހަލާގެ ކޯޓަކަށް ހުށަހަޅާނެކަމެއް އަދި ސާފެއް ނުވެއެވެ.
ކިޔުންތެރިންގެ ހިޔާލު