އީރާނާއެކު ވެވިދާނެ ސުލްހައިގެ އެއްބަސްވުމަކާ ގުޅޭގޮތުން ވައިޓް ހައުސްގައި ބޭއްވި ދެ ގަޑިއިރުގެ ބައްދަލުވުމަށްފަހު، ރައީސް ޓްރަމްޕް ވަކި ގޮތެއް ނުނިންމަވައި ބައްދަލުވުން ނިންމަވާލައްވައިފި ކަމަށް އިސް އޮފިޝަލަކު ވިދާޅުވެއްޖެއެވެ. މީގެ ކުރިން ސޯޝަލް މީޑިއާގައި ކުރެއްވި ޕޯސްޓެއްގައި، މި ބައްދަލުވުމުގައި "ފަހުގެ ނިންމުމެއް" ނިންމަވާނެ ކަމަށް ޓްރަމްޕް ވަނީ އިޝާރާތް ކުރައްވާފައެވެ.
ރައީސް ޓްރަމްޕް ވަކި ގޮތެއް ނުނިންމެވި ސަބަބެއް ސާފެއް ނުވެއެވެ. ބައްދަލުވުމުގެ ކުރިން "ޓްރުތް ސޯޝަލް" ގައި ކުރެއްވި ޕޯސްޓެއްގައި ޓްރަމްޕް ވިދާޅުވީ، ހަނގުރާމަ ހުއްޓާލުމުގެ މުއްދަތު އިތުރުކުރުމަށްޓަކައި އީރާނުން ހޯރްމޫޒް ކަނޑުއޮޅި ހުޅުވާލައި، ނިއުކްލިއަރު ހަތިޔާރު ނުއުފައްދާނެ ކަމުގެ ޔަގީންކަން ދީ، އަދި އެ ޤައުމުގައި ހުރި ޔުރޭނިއަމް އެމެރިކާއަށް ގެންދިއުމުގެ ހުއްދަ ދޭންޖެހޭނެ ކަމަށެވެ. ނަމަވެސް އީރާނުން ވަނީ މި ޝަރުތުތަކަށް ތަކުރާރުކޮށް ދެކޮޅު ހަދާފައެވެ.
އީރާނުގެ ފޮރިން މިނިސްޓްރީގެ ތަރުޖަމާނު އިސްމާއިލް ބަގާއީ ވިދާޅުވި ގޮތުގައި، މިހާރު ކުރިއަށްދާ މަޝްވަރާތަކަކީ ވަކި ދާއިރާތަކަކަށް ހަނިކުރެވިފައިވާ މަޝްވަރާތަކެކެވެ. އަދި އޭގެ ތެރޭގައި "ނިއުކްލިއަރު މައްސަލަ" ނުހިމެނޭ ކަމަށް އޭނާ ވިދާޅުވިއެވެ. ފާއިތުވި ދުވަސްތަކުގައި ދެ ފަރާތުގެ ދެމެދުގައި ހަމަލާތައް ބަދަލުކުރެވިފައިވާއިރު، ފުރިހަމަ ހަނގުރާމައަކަށް އެނބުރި ހިނގައިދާނެ ކަމުގެ އިންޒާރު ޓްރަމްޕް ވަނީ ތަކުރާރުކޮށް ދެއްވާފައެވެ.
ޓްރަމްޕްގެ ޕޯސްޓުގައި އިތުރަށް ވިދާޅުވީ، އެއްބަސްވުމަކަށް އާދެވިއްޖެނަމަ އީރާނުގެ ބަނދަރުތަކާއި އުޅަނދުތަކަށް އަމާޒުކޮށްގެން ހިންގާ ކަނޑުގެ ބްލޮކޭޑް އުވާލާނެ ކަމަށެވެ. މީގެ ސަބަބުން ތެލާއި ގޭސް އުފުލާ މުހިންމު ކަނޑުގެ ސަރަހައްދު އަލުން ހުޅުވިގެންދާނެއެވެ.
އެމެރިކާގެ އޮފިޝަލުން ވިދާޅުވާ ގޮތުގައި، ހުށަހެޅިފައިވާ އެއްބަސްވުމުގެ މަގުސަދަކީ ހަނގުރާމަ ހުއްޓާލާފައި އޮތް އޮތުން ދިގުދަންމާލައި، އީރާނުގެ ނިއުކްލިއަރު ޕްރޮގްރާމާ ގުޅޭގޮތުން އިތުރު މަޝްވަރާތަކަށް މަގުފަހިކުރުމެވެ.
މި އެއްބަސްވުން ފައިނަލް ވެއްޖެނަމަ، ތެލުގެ އަގު އުފުލި އަދި އެމެރިކާގެ ރައްޔިތުންގެ މެދުގައި މަގުބޫލުކަން ކުޑަވެފައިވާ މި ހަނގުރާމައިން އަރައިގަތުމަށް ޓްރަމްޕަށް ފުރުސަތެއް ލިބިގެންދާނެއެވެ. ހަމައެއާއެކު، އީރާނަށް ފްރީޒްކޮށްފައިވާ ފައިސާ އަނބުރާ ލިބުމަށާއި، ތެލުގެ ވިޔަފާރިން ބިލިއަނުން އާމްދަނީ ހޯދުމުގެ މަގު ވެސް ހުޅުވިގެންދާނެއެވެ.
އީރާނުގެ ފޮރިން މިނިސްޓްރީގެ ތަރުޖަމާނު އިސްމާއިލް ބަގާއީ ވިދާޅުވި ގޮތުގައި، މިހާރު ކުރިއަށްދާ މަޝްވަރާތަކަކީ ވަކި ދާއިރާތަކަކަށް ހަނިކުރެވިފައިވާ މަޝްވަރާތަކެކެވެ. އަދި އޭގެ ތެރޭގައި "ނިއުކްލިއަރު މައްސަލަ" ނުހިމެނޭ ކަމަށް އޭނާ ވިދާޅުވިއެވެ. ފާއިތުވި ދުވަސްތަކުގައި ދެ ފަރާތުގެ ދެމެދުގައި ހަމަލާތައް ބަދަލުކުރެވިފައިވާއިރު، ފުރިހަމަ ހަނގުރާމައަކަށް އެނބުރި ހިނގައިދާނެ ކަމުގެ އިންޒާރު ޓްރަމްޕް ވަނީ ތަކުރާރުކޮށް ދެއްވާފައެވެ.
ޓްރަމްޕްގެ ޕޯސްޓުގައި އިތުރަށް ވިދާޅުވީ، އެއްބަސްވުމަކަށް އާދެވިއްޖެނަމަ އީރާނުގެ ބަނދަރުތަކާއި އުޅަނދުތަކަށް އަމާޒުކޮށްގެން ހިންގާ ކަނޑުގެ ބްލޮކޭޑް އުވާލާނެ ކަމަށެވެ. މީގެ ސަބަބުން ތެލާއި ގޭސް އުފުލާ މުހިންމު ކަނޑުގެ ސަރަހައްދު އަލުން ހުޅުވިގެންދާނެއެވެ.
މި އެއްބަސްވުން ފައިނަލް ވެއްޖެނަމަ، ތެލުގެ އަގު އުފުލި އަދި އެމެރިކާގެ ރައްޔިތުންގެ މެދުގައި މަގުބޫލުކަން ކުޑަވެފައިވާ މި ހަނގުރާމައިން އަރައިގަތުމަށް ޓްރަމްޕަށް ފުރުސަތެއް ލިބިގެންދާނެއެވެ. ހަމައެއާއެކު، އީރާނަށް ފްރީޒްކޮށްފައިވާ ފައިސާ އަނބުރާ ލިބުމަށާއި، ތެލުގެ ވިޔަފާރިން ބިލިއަނުން އާމްދަނީ ހޯދުމުގެ މަގު ވެސް ހުޅުވިގެންދާނެއެވެ.
ކިޔުންތެރިންގެ ހިޔާލު