މާދަމާ ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަން، އިދިކޮޅު އެމްޑީޕީން ކާމިޔާބުކޮށްފިކަން މިހާރު ވެސް ކަށަވަރުވެފައިވާ ކަމަށް އެ ޕާޓީގެ ކެންޑިޑޭޓް އަބްދުﷲ ސޯދިގު (ސޯބެ) ވިދާޅުވެއްޖެއެވެ. ސޯދިގު މިހެން ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކެމްޕޭނަށް އައްޑޫ ސިޓީއަށް ވަޑައިނުގަތުމަކީ އެމްޑީޕީގެ ކާމިޔާބީގެ ހެއްކެއްގެ ގޮތުގައި ފާހަގަކުރަށްވަމުންނެވެ.
އައްޑޫ ސިޓީގެ ކުރީގެ މޭޔަރުކަން ވެސް ކުރަށްވާފައިވާ ސޯދިގު މިހެން ވިދާޅުވީ، އިންތިޚާބުގެ ކެމްޕޭނަށް ބުރާސްފަތި ދުވަހުގެ ރޭ ހިތަދޫ ސްކޫލުގައި ބޭއްވި ޚާއްސަ ޖަލްސާގައި ވާހަކަ ދައްކަވަމުންނެވެ. މި ޖަލްސާގައި އެމްޑީޕީގެ އިސްވެރިންގެ އިތުރުން ކުރީގެ ދެ ރައީސުން ކަމަށްވާ ރައީސް މުހައްމަދު ނަޝީދާއި ރައީސް އިބްރާހިމް މުހައްމަދު ސޯލިހު ވެސް ބައިވެރިވެވަޑައިގެންނެވިއެވެ.
ސަޕޯޓަރުންނާ މުޚާތަބު ކުރައްވަމުން ސޯދިގު ވިދާޅުވީ، ވާދަވެރި ކެންޑިޑޭޓާއި ސަރުކާރު ހިންގާ ޕީއެންސީގެ އަމަލުތަކަށް ބަލާއިރު، މި އިންތިޚާބު އެމްޑީޕީން ކާމިޔާބުކޮށްފިކަން ވަރަށް ސާފުކޮށް އެނގޭ ކަމަށެވެ.
"އެންމެ ބޮޑު ހެއްކަކީ، ރައީސް މުއިއްޒު މި ދާއިރާގެ ކެމްޕޭނަށް މި ރަށަށް ވަޑައިނުގަތުން. މިއީ އަޅުގަނޑުމެން މޮޅުވެއްޖެކަމުގެ އެންމެ ސާފު ކަށަވަރުވުން،" ސޯދިގު ވިދާޅުވިއެވެ.
ކެމްޕޭންގެ މަސައްކަތްތަކާ ގުޅޭގޮތުން ވާހަކަ ދައްކަވަމުން ސޯދިގު ވިދާޅުވީ، ދާއިރާގެ ގިނަ ގޭގެއަށާއި ކެފޭތަކަށް ޒިޔާރަތްކޮށް ރައްޔިތުންނާ ބައްދަލުކޮށްފައިވާ ކަމަށެވެ. އަދި މާލެއާއި ހުޅުމާލޭގައި ދިރިއުޅޭ ދާއިރާގެ ރައްޔިތުންނާ ބައްދަލުކުރުމުގެ އިތުރުން، 600 އަށްވުރެ ގިނަ މީހުންނާ ފޯނުން ސީދާ ވާހަކަދެކެވިފައިވާ ކަމަށް އޭނާ ވިދާޅުވިއެވެ. މި ބައްދަލުވުންތަކުން، ރައްޔިތުން ވޯޓުލާން ތިބީ ތައްޔާރަށްކަން ހާމަވާ ކަމަށް އޭނާ ފާހަގަކުރެއްވިއެވެ.
ހަމައެއާއެކު ސޯދިގު ވިދާޅުވީ، އައްޑޫގެ ތަރައްގީގެ މަޝްރޫއުތަކަށް މި ދުވަސްވަރު ސަމާލުކަން ލިބިފައިވަނީ އޭނާ މި އިންތިޚާބުގައި ވާދަކުރަށްވާތީ ކަމަށެވެ. އަދި ސަރުކާރަށް ތާއީދުކުރާ ބައެއް މީހުން ވެސް، ދާއިރާގެ ކަންބޮޑުވުންތަކާ މެދު މަޖިލީހުގައި އަޑުއުފުލާނެ މެންބަރަކު ބޭނުންވާކަން ގަބޫލުކުރާ ކަމަށް އޭނާ ވިދާޅުވިއެވެ.
ސަރުކާރުގެ ކެންޑިޑޭޓަކު ހޮވައިފިނަމަ، އައްޑޫގެ މައްސަލަތަކުގައި ސަރުކާރު ޖަވާބުދާރީ ކުރުވުމަށް ހުރަސް އެޅޭނެ ކަމަށް ސޯދިގު ވިދާޅުވިއެވެ. "ތިޔަބޭފުޅުން ވޯޓު ދެއްވަންވާނީ ނަންބަރު 2 އަށް. ހަންކެޑެ ފަދަ މަޝްރޫއުތައް ނުނިމި ލަސްވާއިރު، އެކަންކަން ނުހުޅުވި ވަނީ ކީއްވެގެންތޯ ސުވާލުކުރާނެ މީހަކީ އަޅުގަނޑު." ސޯދިގު ވިދާޅުވިއެވެ.
ހިތަދޫ އުތުރު ދާއިރާގެ ގޮނޑި ހުސްވީ އެ ދާއިރާގެ ކުރީގެ މެންބަރު މުހައްމަދު ސިނާން މެންބަރުކަމުން ވަކިކުރުމާ ގުޅިގެންނެވެ. މި ދާއިރާގެ ބައި-އިލެކްޝަންގެ ވޯޓުލުން އޮންނާނީ މާދަމާއެވެ.
ސަޕޯޓަރުންނާ މުޚާތަބު ކުރައްވަމުން ސޯދިގު ވިދާޅުވީ، ވާދަވެރި ކެންޑިޑޭޓާއި ސަރުކާރު ހިންގާ ޕީއެންސީގެ އަމަލުތަކަށް ބަލާއިރު، މި އިންތިޚާބު އެމްޑީޕީން ކާމިޔާބުކޮށްފިކަން ވަރަށް ސާފުކޮށް އެނގޭ ކަމަށެވެ.
"އެންމެ ބޮޑު ހެއްކަކީ، ރައީސް މުއިއްޒު މި ދާއިރާގެ ކެމްޕޭނަށް މި ރަށަށް ވަޑައިނުގަތުން. މިއީ އަޅުގަނޑުމެން މޮޅުވެއްޖެކަމުގެ އެންމެ ސާފު ކަށަވަރުވުން،" ސޯދިގު ވިދާޅުވިއެވެ.
ކެމްޕޭންގެ މަސައްކަތްތަކާ ގުޅޭގޮތުން ވާހަކަ ދައްކަވަމުން ސޯދިގު ވިދާޅުވީ، ދާއިރާގެ ގިނަ ގޭގެއަށާއި ކެފޭތަކަށް ޒިޔާރަތްކޮށް ރައްޔިތުންނާ ބައްދަލުކޮށްފައިވާ ކަމަށެވެ. އަދި މާލެއާއި ހުޅުމާލޭގައި ދިރިއުޅޭ ދާއިރާގެ ރައްޔިތުންނާ ބައްދަލުކުރުމުގެ އިތުރުން، 600 އަށްވުރެ ގިނަ މީހުންނާ ފޯނުން ސީދާ ވާހަކަދެކެވިފައިވާ ކަމަށް އޭނާ ވިދާޅުވިއެވެ. މި ބައްދަލުވުންތަކުން، ރައްޔިތުން ވޯޓުލާން ތިބީ ތައްޔާރަށްކަން ހާމަވާ ކަމަށް އޭނާ ފާހަގަކުރެއްވިއެވެ.
ހަމައެއާއެކު ސޯދިގު ވިދާޅުވީ، އައްޑޫގެ ތަރައްގީގެ މަޝްރޫއުތަކަށް މި ދުވަސްވަރު ސަމާލުކަން ލިބިފައިވަނީ އޭނާ މި އިންތިޚާބުގައި ވާދަކުރަށްވާތީ ކަމަށެވެ. އަދި ސަރުކާރަށް ތާއީދުކުރާ ބައެއް މީހުން ވެސް، ދާއިރާގެ ކަންބޮޑުވުންތަކާ މެދު މަޖިލީހުގައި އަޑުއުފުލާނެ މެންބަރަކު ބޭނުންވާކަން ގަބޫލުކުރާ ކަމަށް އޭނާ ވިދާޅުވިއެވެ.
ހިތަދޫ އުތުރު ދާއިރާގެ ގޮނޑި ހުސްވީ އެ ދާއިރާގެ ކުރީގެ މެންބަރު މުހައްމަދު ސިނާން މެންބަރުކަމުން ވަކިކުރުމާ ގުޅިގެންނެވެ. މި ދާއިރާގެ ބައި-އިލެކްޝަންގެ ވޯޓުލުން އޮންނާނީ މާދަމާއެވެ.
ކިޔުންތެރިންގެ ހިޔާލު