އިއްޔެ ހެނދުނު ކަނޑުމަތީގައި ހިނގި ނުރައްކާތެރި އެކްސިޑެންޓެއްގައި، ލޯންޗެއްގައި ޖެހުމަށްފަހު މަޑުނުކޮށް ދިޔަ ސަޕްލައި ދޯނީގެ ކެޕްޓަންގެ ލައިސަންސް ފުލުހުން މިއަދު ހިފަހައްޓައިފިއެވެ.
މި ހާދިސާ ހިނގާފައިވަނީ އިއްޔެ ހެނދުނުގެ ވަގުތެއްގައެވެ. މި އެކްސިޑެންޓު ހިނގީ ދެ މީހުންނާ އެކު ދަތުރުކުރަމުން ދިޔަ "ޓުއާ ގާޑް" ނަމަކަށް ކިޔާ ލޯންޗެއްގައެވެ. ފުލުހުން މައުލޫމާތު ދޭ ގޮތުގައި، ލޯންޗުގައި ޖެހުމަށްފަހު އެ ސަޕްލައި ދޯނި ވަނީ މަޑުނުކޮށް އެ ސަރަހައްދުން ގޮސްފައެވެ. އެހެންކަމުން، އެކްސިޑެންޓަށްފަހު މަޑުނުކޮށް ދިޔަ މައްސަލަ ފުލުހުން އަންނަނީ ވަކި މައްސަލައެއްގެ ގޮތުގައި ވަރަށް ސީރިއަސްކޮށް ތަހުގީގު ކުރަމުންނެވެ.
ފުލުހުން މިއަދު ބުނީ، އެ ދޯނި ދުއްވަން އިން ކެޕްޓަންގެ ލައިސަންސް މިހާރު ހިފަހައްޓާފައިވާ ކަމަށެވެ. އަދި މި ހާދިސާއާ ގުޅިގެން ކުރަންޖެހޭ މަދަނީ އަދި ޖިނާއީ ތަހުގީގުތައް ފުލުހުންގެ ފަރާތުން ބާރަށް ކުރިއަށް ގެންދާ ކަމަށްވެސް ހާމަކުރިއެވެ.
މި އެކްސިޑެންޓް ހިނގި ވަގުތު ލޯންޗުގައި ތިބީ ދެ ފަޅުވެރިންނެވެ. އެއީ އުމުރުން 38 އަހަރުގެ ދިވެހި ފިރިހެނަކާއި 30 އަހަރުގެ ބިދޭސީ ފިރިހެނެކެވެ. މި ދެ މީހުންނަށްވެސް އެކިވަރުގެ ބޮޑެތި އަނިޔާތަކެއް ލިބިފައިވާތީ، އައިޖީއެމްއެޗް ހޮސްޕިޓަލުގައި ދަނީ ފަރުވާ ދެމުންނެވެ.
މި ހާދިސާގައި "ޓުއާ ގާޑް" ލޯންޗަށް ވަނީ ބޮޑެތި ގެއްލުންތަކެއް ލިބިފައެވެ. ފެންނަން ހުރި މަންޒަރުތަކަށް ބަލާއިރު، ލޯންޗުގެ ކުރީކޮޅު ވަނީ އެއްކޮށް ފުނޑުފުނޑުވެފައެވެ. ނަމަވެސް، ލޯންޗުގައި ޖެހުނު ސަޕްލައި ދޯންޏަށް އެއްވެސް ވަރެއްގެ ގެއްލުމެއް ލިބިފައިވާ ކަމުގެ މައުލޫމާތެއް އަދި ލިބިފައެއް ނުވެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ފުލުހުން މިއަދު ބުނީ، އެ ދޯނި ދުއްވަން އިން ކެޕްޓަންގެ ލައިސަންސް މިހާރު ހިފަހައްޓާފައިވާ ކަމަށެވެ. އަދި މި ހާދިސާއާ ގުޅިގެން ކުރަންޖެހޭ މަދަނީ އަދި ޖިނާއީ ތަހުގީގުތައް ފުލުހުންގެ ފަރާތުން ބާރަށް ކުރިއަށް ގެންދާ ކަމަށްވެސް ހާމަކުރިއެވެ.
މި އެކްސިޑެންޓް ހިނގި ވަގުތު ލޯންޗުގައި ތިބީ ދެ ފަޅުވެރިންނެވެ. އެއީ އުމުރުން 38 އަހަރުގެ ދިވެހި ފިރިހެނަކާއި 30 އަހަރުގެ ބިދޭސީ ފިރިހެނެކެވެ. މި ދެ މީހުންނަށްވެސް އެކިވަރުގެ ބޮޑެތި އަނިޔާތަކެއް ލިބިފައިވާތީ، އައިޖީއެމްއެޗް ހޮސްޕިޓަލުގައި ދަނީ ފަރުވާ ދެމުންނެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ކިޔުންތެރިންގެ ހިޔާލު