އެމްޑީޕީގެ ރިޔާސީ ޓިކެޓަށް ވާދަކުރައްވާ ވަކި ބޭފުޅަކަށް ރިޔާސީ ރޭސް ފަހިކޮށްދިނުމަށް މަސައްކަތްކުރާނެ ޗެއާޕާސަނަކު ޕާޓީގެ އާންމު މެންބަރުން ބޭނުންނުވާ ކަމަށް، އެ ޕާޓީގެ ޗެއާޕާސަން ކަމަށް ވާދަކުރައްވާ މީކާއީލް އަހުމަދު ނަސީމް މިއަދު ވިދާޅުވެއްޖެއެވެ.
ގަލޮޅު ދެކުނު ދާއިރާގެ މެންބަރު މީކާއީލް މިހެން ވިދާޅުވީ އޭނާ ފައްޓަވާފައިވާ 'އިތުބާރު' ކެމްޕޭނާ ގުޅޭގޮތުން ނޫސްވެރިންނަށް މައުލޫމާތު ދެއްވުމަށް ބޭއްވި ބައްދަލުވުމެއްގައެވެ. އޭނާ ވިދާޅުވީ، ކެމްޕޭން ދަތުރުތަކުގައި އަރިއަތޮޅުގެ ރަށްތަކަށް ކުރި ޒިޔާރަތުން، ޕާޓީގެ އާންމު މެންބަރުންގެ ހުރި ބޮޑެތި ކަންބޮޑުވުންތަކެއް ފާހަގަވެފައިވާ ކަމަށެވެ.
މީކާއީލް ފާހަގަކުރެއްވި ގޮތުގައި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުހައްމަދު ޞާލިޙަށް ކުރިމަތިވި ނާކާމިޔާބީގެ މައިގަނޑު ސަބަބަކީ ޕާޓީގެ ތެރޭގައި އުފެދުނު ބައިބައިވުމެވެ. އެ ދުވަސްވަރު ވެރިކަމުގެ ނިޒާމާ ގުޅޭގޮތުންނާއި ޕާޓީގެ އެތެރޭގެ ބާރުތަކާ މެދު އުފެދުނު ޚިޔާލުތަފާތުވުންތަކުގެ ސަބަބުން، ކުރީގެ ރައީސް މުހައްމަދު ނަޝީދަށް ތާއިދުކުރާ ފެކްޝަނެއް އުފެދި، ޕާޓީ ދެބައިވެގެން ދިޔަ ގޮތް އޭނާ ހަނދާންކޮށްދެއްވިއެވެ.
"މި ޕާޓީގެ މެންބަރުން ބޭނުންވަނީ ވަކި ފަރާތަކަށް ނުޖެހޭ، 'ނިއުޓްރަލް' ޗެއާޕާސަނެއް. ހުރިހާ ބޭފުޅުންނަށް ވެސް ހަމަހަމަ ފުރުސަތު އޮންނާނެ ގޮތަކަށް ޕާޓީ ބައްޓަން ކުރެވޭނީ ވަކި މީހެއްގެ ފަހަތުން ނުދާ މީހަކަށް،" މީކާއީލް ވިދާޅުވިއެވެ. އޭނާ އިތުރަށް ވިދާޅުވީ 2028 ވަނަ އަހަރުގެ އިންތިޚާބު ކާމިޔާބު ކުރެވޭނީ ޕާޓީ އެކަތިގަނޑެއްގެ ގޮތުގައި ބާއްވައިގެން ކަމަށް މެންބަރުން ގަބޫލުކުރާ ކަމަށެވެ.
މީގެ އިތުރުން، ޗެއާޕާސަން އިންތިޚާބުގެ ޓައިމްލައިން ބާތިލުކުރަން ސިވިލް ކޯޓަށް މައްސަލަ ހުށަހެޅުމަކީ އެމްޑީޕީގެ އަސްލު އުސޫލުތަކާ ޚިލާފު ކަމެއްގެ ގޮތުގައި މީކާއީލް ސިފަކުރެއްވިއެވެ. އޭނާ ވިދާޅުވީ ޕާޓީގެ އެތެރޭގެ ކަންކަން ކޯޓު މެދުވެރިކޮށް ނިންމަން އުޅުމަކީ ހިތާމަހުރި ކަމެއް ކަމަށާއި، އިންތިޚާބު ކުރިއަށްދާންވާނީ މިހާރު ކަނޑައަޅާފައިވާ ތާވަލާ އެއްގޮތަށް ކަމަށެވެ.
އަންނަ ޖޫން މަހުގެ 12 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ޗެއާޕާސަންގެ އިންތިޚާބުގައި އެންމެ ވާދަވެރިކޮށް ފެންނަނީ މީކާއީލާއި ރައީސް ނަޝީދުގެ ކެމްޕޭން ހަރަކާތްތަކެވެ. މި އިންތިހާބުގައި ދެން ވާދަކުރައްވަނީ ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓުގައި ލ. ފޮނަދޫ ކައުންސިލަށް ވާދަކުރެއްވި އިބްރާހީމް މުޙައްމަދު (ވާޑު) އެވެ.
މީކާއީލް ފާހަގަކުރެއްވި ގޮތުގައި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުހައްމަދު ޞާލިޙަށް ކުރިމަތިވި ނާކާމިޔާބީގެ މައިގަނޑު ސަބަބަކީ ޕާޓީގެ ތެރޭގައި އުފެދުނު ބައިބައިވުމެވެ. އެ ދުވަސްވަރު ވެރިކަމުގެ ނިޒާމާ ގުޅޭގޮތުންނާއި ޕާޓީގެ އެތެރޭގެ ބާރުތަކާ މެދު އުފެދުނު ޚިޔާލުތަފާތުވުންތަކުގެ ސަބަބުން، ކުރީގެ ރައީސް މުހައްމަދު ނަޝީދަށް ތާއިދުކުރާ ފެކްޝަނެއް އުފެދި، ޕާޓީ ދެބައިވެގެން ދިޔަ ގޮތް އޭނާ ހަނދާންކޮށްދެއްވިއެވެ.
"މި ޕާޓީގެ މެންބަރުން ބޭނުންވަނީ ވަކި ފަރާތަކަށް ނުޖެހޭ، 'ނިއުޓްރަލް' ޗެއާޕާސަނެއް. ހުރިހާ ބޭފުޅުންނަށް ވެސް ހަމަހަމަ ފުރުސަތު އޮންނާނެ ގޮތަކަށް ޕާޓީ ބައްޓަން ކުރެވޭނީ ވަކި މީހެއްގެ ފަހަތުން ނުދާ މީހަކަށް،" މީކާއީލް ވިދާޅުވިއެވެ. އޭނާ އިތުރަށް ވިދާޅުވީ 2028 ވަނަ އަހަރުގެ އިންތިޚާބު ކާމިޔާބު ކުރެވޭނީ ޕާޓީ އެކަތިގަނޑެއްގެ ގޮތުގައި ބާއްވައިގެން ކަމަށް މެންބަރުން ގަބޫލުކުރާ ކަމަށެވެ.
އަންނަ ޖޫން މަހުގެ 12 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ޗެއާޕާސަންގެ އިންތިޚާބުގައި އެންމެ ވާދަވެރިކޮށް ފެންނަނީ މީކާއީލާއި ރައީސް ނަޝީދުގެ ކެމްޕޭން ހަރަކާތްތަކެވެ. މި އިންތިހާބުގައި ދެން ވާދަކުރައްވަނީ ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓުގައި ލ. ފޮނަދޫ ކައުންސިލަށް ވާދަކުރެއްވި އިބްރާހީމް މުޙައްމަދު (ވާޑު) އެވެ.
ކިޔުންތެރިންގެ ހިޔާލު