2024 އަހަރު ނެރުނު، ބެލުންތެރިންގެ ބޮޑު މަގުބޫލުކަމެއް ހޯދި "މަޑްގާއޮން އެކްސްޕްރެސް" ގެ ދެވަނަ ބައެއް އުފައްދާނެކަން އެ ފިލްމުގެ މުހިންމު ރޯލެއް ކުޅުނު އެކްޓަރު ދިވްޔެންދޫ ކަށަވަރުކޮށްދީފިއެވެ.
މަޝްހޫރު އެކްޓަރު ކުނާލް ކޭމޫގެ ފުރަތަމަ ޑައިރެކްޝަން ކަމަށްވާ "މަޑްގާއޮން އެކްސްޕްރެސް" އަކީ ބެލުންތެރިންނަށް ވަރަށް ބޮޑު ހިތްހަމަޖެހުމަކާއި ހިނިތުންވުމެއް ގެނެސްދިން ފިލްމެކެވެ. މި ފިލްމުގެ ސީކުއެލްއާ ގުޅޭގޮތުން "ވަރައިޓީ އިންޑިއާ" އަށް ދިން އިންޓަވިއުއެއްގައި ދިވްޔެންދޫ ބުނީ، ފިލްމުގެ ދެވަނަ ބައެއް އުފެއްދުމުގެ މަސައްކަތް މިހާރު ރަސްމީކޮށް ފެށިފައިވާ ކަމަށެވެ. އަދި މިހާރު ކުނާލް ކޭމޫ ދަނީ ފިލްމުގެ ސްކްރިޕްޓް ލިޔަމުން ކަމަށާއި، މުޅި ޓީމު އޮތީ މިކަމާ ވަރަށް ބޮޑަށް ފޯރިއައިސްފައި ކަމަށް އޭނާ ބުންޏެވެ.
ފިލްމަށް ލިބުނު ތަރުހީބާ ގުޅޭގޮތުން ވާހަކަ ދައްކަމުން ދިވްޔެންދޫ ބުނީ، "މަޑްގާއޮން އެކްސްޕްރެސް" އަށް ލިބުނު އިޖާބައަކީ ވަރަށް ތަފާތު އިޖާބައެއް ކަމަށާއި، މިހާރުވެސް ގިނަ ބަޔަކު މި ފިލްމުގެ ދެވަނަ ބައެއްގެ އިންތިޒާރުގައި ތިބިކަން ފާހަގަވާ ކަމަށެވެ.
ދިވްޔެންދޫގެ އިތުރުން ޕްރަތީކް ގާންދީ، އަވިނާޝް ތިވާރީ އަދި ނޯރާ ފަތޭހީ މުހިންމު ރޯލުތަކުން ފެނިގެންދިޔަ މި ފިލްމަކީ ތިން ރަހުމަތްތެރިއަކު ގޯއާއަށް ކުރާ ދަތުރެއްގެ ތެރެއިން ދިމާވާ މަޖާ އަދި ނުރައްކާތެރި ހާދިސާތަކެއްގެ މައްޗަށް ބިނާކޮށް އުފައްދާފައިވާ ކޮމެޑީ-ޑްރާމާ އެކެވެ.
ކުނާލް ކޭމޫއަކީ އެކްޓަރެއްގެ ގޮތުގައި ކާމިޔާބު މީހެއް ނަމަވެސް، އޭނާ ޑައިރެކްޝަނަށް ނުކުތީ އަމިއްލަ ދިރިއުޅުމުގައި ކުރިމަތިވި ނަފްސާނީ ދަތިތަކާ ކުރިމަތިލުމަށް ކުރި މަސައްކަތުގެ ތެރެއިންނެވެ. އޭނާ ލިޔެ ޑައިރެކްޓްކުރި މި ފިލްމަކީ ކްރިޓިކުންގެ މެދުގައިވެސް މަގުބޫލުވި ފިލްމެކެވެ. އެގޮތުން ނިއުސް18 އިންވެސް ވަނީ މި ފިލްމަށް 4 ތަރީގެ ރޭޓިންއެއް ދީފައެވެ. އިންޑިއާގެ ބޮކްސް އޮފީހުގައި މި ފިލްމަށް ވަނީ 35 ކްރޯޑް ރުޕީސްގެ އާމްދަނީއެއް ލިބިފައެވެ.
ފިލްމުގެ ޕްރޮޑިއުސަރު ރިތޭޝް ސިދްވާނީ ބުނެފައިވަނީ، ކުނާލް ލިޔުނު ސްކްރިޕްޓަށް އެއްވެސް ބަދަލެއް ނުގެނެސް ފިލްމު އުފެއްދީ އޭނާގެ މަސައްކަތަށް އޮތް އިތުބާރެއްގެ ބޮޑުކަމުން ކަމަށެވެ.
ދިވްޔެންދޫގެ ކުރިއަށް ހުރި މަސައްކަތްތަކަށް ބަލާއިރު، އޭނާގެ އާ ސީރީޒް "ގްލޯރީ" މިއަހަރު މޭ މަހު ނެޓްފްލިކްސްއިން ރިލީޒްކުރުމަށް ވަނީ ހަމަޖެހިފައެވެ. މީގެ އިތުރުން ބެލުންތެރިން އެންމެ އިންތިޒާރުކުރާ "މިރްޒާޕޫރު: ދަ މޫވީ" ވެސް މިއަހަރު ސެޕްޓެމްބަރު މަހު ރިލީޒްކުރުމަށް ވަނީ ތާވަލުކުރެވިފައެވެ.
ފިލްމަށް ލިބުނު ތަރުހީބާ ގުޅޭގޮތުން ވާހަކަ ދައްކަމުން ދިވްޔެންދޫ ބުނީ، "މަޑްގާއޮން އެކްސްޕްރެސް" އަށް ލިބުނު އިޖާބައަކީ ވަރަށް ތަފާތު އިޖާބައެއް ކަމަށާއި، މިހާރުވެސް ގިނަ ބަޔަކު މި ފިލްމުގެ ދެވަނަ ބައެއްގެ އިންތިޒާރުގައި ތިބިކަން ފާހަގަވާ ކަމަށެވެ.
ދިވްޔެންދޫގެ އިތުރުން ޕްރަތީކް ގާންދީ، އަވިނާޝް ތިވާރީ އަދި ނޯރާ ފަތޭހީ މުހިންމު ރޯލުތަކުން ފެނިގެންދިޔަ މި ފިލްމަކީ ތިން ރަހުމަތްތެރިއަކު ގޯއާއަށް ކުރާ ދަތުރެއްގެ ތެރެއިން ދިމާވާ މަޖާ އަދި ނުރައްކާތެރި ހާދިސާތަކެއްގެ މައްޗަށް ބިނާކޮށް އުފައްދާފައިވާ ކޮމެޑީ-ޑްރާމާ އެކެވެ.
ކުނާލް ކޭމޫއަކީ އެކްޓަރެއްގެ ގޮތުގައި ކާމިޔާބު މީހެއް ނަމަވެސް، އޭނާ ޑައިރެކްޝަނަށް ނުކުތީ އަމިއްލަ ދިރިއުޅުމުގައި ކުރިމަތިވި ނަފްސާނީ ދަތިތަކާ ކުރިމަތިލުމަށް ކުރި މަސައްކަތުގެ ތެރެއިންނެވެ. އޭނާ ލިޔެ ޑައިރެކްޓްކުރި މި ފިލްމަކީ ކްރިޓިކުންގެ މެދުގައިވެސް މަގުބޫލުވި ފިލްމެކެވެ. އެގޮތުން ނިއުސް18 އިންވެސް ވަނީ މި ފިލްމަށް 4 ތަރީގެ ރޭޓިންއެއް ދީފައެވެ. އިންޑިއާގެ ބޮކްސް އޮފީހުގައި މި ފިލްމަށް ވަނީ 35 ކްރޯޑް ރުޕީސްގެ އާމްދަނީއެއް ލިބިފައެވެ.
ދިވްޔެންދޫގެ ކުރިއަށް ހުރި މަސައްކަތްތަކަށް ބަލާއިރު، އޭނާގެ އާ ސީރީޒް "ގްލޯރީ" މިއަހަރު މޭ މަހު ނެޓްފްލިކްސްއިން ރިލީޒްކުރުމަށް ވަނީ ހަމަޖެހިފައެވެ. މީގެ އިތުރުން ބެލުންތެރިން އެންމެ އިންތިޒާރުކުރާ "މިރްޒާޕޫރު: ދަ މޫވީ" ވެސް މިއަހަރު ސެޕްޓެމްބަރު މަހު ރިލީޒްކުރުމަށް ވަނީ ތާވަލުކުރެވިފައެވެ.
ކިޔުންތެރިންގެ ހިޔާލު