މިއީ އިޓަލީގެ މަޝްހޫރު މަޖައްލާއެއް ކަމަށްވާ "ލެސްޕްރެސޯ" ގެ ބޭރުގަނޑުން ފެނުނު ފަލަސްތީނު އަންހެނެއް ކަމަށްވާ މީޢާދު އަބޫ އަލް-ރުބް، އިސްރާއީލުގެ ވަޒަންވެރިންގެ ފަރާތުން ކުރިމަތިވި ނުރައްކާތެރި ހާދިސާއާ ގުޅޭގޮތުން ދެކެވޭ ވާހަކަތަކުގެ ހަގީގަތެވެ.
އިޓަލީގެ "ލެސްޕްރެސޯ" މަޖައްލާގެ ބޭރުގަނޑުގައި ޖަހާފައިވާ ފޮޓޯއިން މުޅި ދުނިޔޭގެ ސަމާލުކަން ހޯދި މީޢާދު އަބޫ އަލް-ރުބް ބުނިގޮތުގައި، ހުޅަނގު އައްސޭރީގައި އިސްރާއީލުގެ ހަތިޔާރު އެޅި ވަޒަންވެރިން އޭނާއަށާއި އެހެން ފަލަސްތީނު މީހުންނަށް ހަމަލާދީ މަރާލަން ތިބީ ތައްޔާރަށެވެ.
މިދިޔަ އޮކްޓޯބަރު މަހު ޒައިތޫނި ބިނުމުގެ މޫސުމުގައި ހިނގި މި ހާދިސާގައި، އިސްރާއީލުގެ ސިފައިންގެ ހިމާޔަތުގައި ތިބި ވަޒަންވެރިން ވަނީ ފަލަސްތީނުގެ ދަނޑުވެރިންނަށް ބިރުދައްކައި، ހަޑިހުތުރު ބަހުން މުހާތަބުކޮށްފައެވެ. މަޖައްލާގެ ބޭރުގަނޑުން ފެންނަނީ ހަތިޔާރު އަޅައިގެން ހުރި ވަޒަންވެރިއަކު މީޢާދާ ދިމާލަށް ފޯނު ދިއްކޮށް، މަލާމާތުގެ ހިނިތުންވުމަކާއެކު އޭނާ ވީޑިއޯ ކުރަން ހުރި މަންޒަރެވެ.
މީޢާދު ކިޔައިދިން ގޮތުގައި އެ ދުވަހު އޭނާ އެ ސަރަހައްދަށް ދިޔައީ އިސްރާއީލުން ފަލަސްތީނުގެ ބިންތައް ފޭރިގަންނަމުންދާތީ އެކަމާ ދެކޮޅަށް ސުލްހަވެރިކަމާއެކު އަޑުއުފުލުމަށެވެ. ނަމަވެސް، 20 އަށްވުރެ ގިނަ ވަޒަންވެރިންނާއި 30 އެއްހާ ސިފައިން އައިސް އެމީހުން ހައްޔަރުކުރާނެ ކަމުގެ އިންޒާރުދީ، ކަރުނަގޭސް ޖަހައި ބިރުދެއްކިއެވެ.
"އަހަރެމެން އެތަނުން ދުރަށް ނުދިޔަނަމަ، އެމީހުން ތިބީ ސީދާ އަހަރެމެންގެ ގަޔަށް ބަޑިޖަހައި މަރާލަން ތައްޔާރަށް،" އުމުރުން 35 އަހަރުގެ މީޢާދު ބުންޏެވެ. އޭނާއަކީ ހަތަރު ކުދިންގެ މައެއް ކަމަށްވާއިރު، މި ފޮޓޯ އާންމުވުމުން އިސްރާއީލުގެ ސިފައިން ނުވަތަ ވަޒަންވެރިންގެ ފަރާތުން އޭނާއަށް އިތުރު ނުރައްކަލެއް ކުރިމަތިވެދާނެތީ މިހާރު ކަންބޮޑުވާ ކަމަށްވެސް އޭނާ ފާހަގަކުރިއެވެ.
މި ފޮޓޯއާ ގުޅިގެން އިސްރާއީލު ސަރުކާރުން ވަނީ ވަރަށް ބޮޑަށް ކޯފާވެ، އެއީ އާޓިފިޝަލް އިންޓެލިޖެންސް ބޭނުންކޮށްގެން އުފައްދާފައިވާ ދޮގު ފޮޓޯއެއް ކަމަށް ބުނެފައެވެ.
ނަމަވެސް، ފޮޓޯ ނެގި އިޓަލީގެ ފޮޓޯގްރާފަރު ޕިއެޓްރޯ މަސްޓުރުޒޯ ވަނީ އެ ހާދިސާގެ އަސްލު ވީޑިއޯ އާންމުކޮށް، އެއީ ހަގީގީ މަންޒަރެއްކަން ސާބިތުކޮށްދީފައެވެ. މީޢާދު ބުނިގޮތުގައި އޭނާގެ ދަރިން އޭނާގެ ހިތްވަރަށް ތައުރީފުކުރުމަކީ އޭނާއަށް ލިބޭ ވަރަށް ބޮޑު ހިތްހަމަޖެހުމެކެވެ.
އަދި މި ފޮޓޯގެ ސަބަބުން ހުޅަނގު އައްސޭރީގައި ފަލަސްތީނު މީހުން އުފުލަމުންދާ ތަކްލީފުތައް މުޅި ދުނިޔެއަށް ހާމަވެގެންދިއުމަކީ އޭނާއަށް ލިބޭ އުންމީދެއް ކަމަށްވެސް އޭނާ ބުންޏެވެ.
މިދިޔަ އޮކްޓޯބަރު މަހު ޒައިތޫނި ބިނުމުގެ މޫސުމުގައި ހިނގި މި ހާދިސާގައި، އިސްރާއީލުގެ ސިފައިންގެ ހިމާޔަތުގައި ތިބި ވަޒަންވެރިން ވަނީ ފަލަސްތީނުގެ ދަނޑުވެރިންނަށް ބިރުދައްކައި، ހަޑިހުތުރު ބަހުން މުހާތަބުކޮށްފައެވެ. މަޖައްލާގެ ބޭރުގަނޑުން ފެންނަނީ ހަތިޔާރު އަޅައިގެން ހުރި ވަޒަންވެރިއަކު މީޢާދާ ދިމާލަށް ފޯނު ދިއްކޮށް، މަލާމާތުގެ ހިނިތުންވުމަކާއެކު އޭނާ ވީޑިއޯ ކުރަން ހުރި މަންޒަރެވެ.
މީޢާދު ކިޔައިދިން ގޮތުގައި އެ ދުވަހު އޭނާ އެ ސަރަހައްދަށް ދިޔައީ އިސްރާއީލުން ފަލަސްތީނުގެ ބިންތައް ފޭރިގަންނަމުންދާތީ އެކަމާ ދެކޮޅަށް ސުލްހަވެރިކަމާއެކު އަޑުއުފުލުމަށެވެ. ނަމަވެސް، 20 އަށްވުރެ ގިނަ ވަޒަންވެރިންނާއި 30 އެއްހާ ސިފައިން އައިސް އެމީހުން ހައްޔަރުކުރާނެ ކަމުގެ އިންޒާރުދީ، ކަރުނަގޭސް ޖަހައި ބިރުދެއްކިއެވެ.
"އަހަރެމެން އެތަނުން ދުރަށް ނުދިޔަނަމަ، އެމީހުން ތިބީ ސީދާ އަހަރެމެންގެ ގަޔަށް ބަޑިޖަހައި މަރާލަން ތައްޔާރަށް،" އުމުރުން 35 އަހަރުގެ މީޢާދު ބުންޏެވެ. އޭނާއަކީ ހަތަރު ކުދިންގެ މައެއް ކަމަށްވާއިރު، މި ފޮޓޯ އާންމުވުމުން އިސްރާއީލުގެ ސިފައިން ނުވަތަ ވަޒަންވެރިންގެ ފަރާތުން އޭނާއަށް އިތުރު ނުރައްކަލެއް ކުރިމަތިވެދާނެތީ މިހާރު ކަންބޮޑުވާ ކަމަށްވެސް އޭނާ ފާހަގަކުރިއެވެ.
މި ފޮޓޯއާ ގުޅިގެން އިސްރާއީލު ސަރުކާރުން ވަނީ ވަރަށް ބޮޑަށް ކޯފާވެ، އެއީ އާޓިފިޝަލް އިންޓެލިޖެންސް ބޭނުންކޮށްގެން އުފައްދާފައިވާ ދޮގު ފޮޓޯއެއް ކަމަށް ބުނެފައެވެ.
އަދި މި ފޮޓޯގެ ސަބަބުން ހުޅަނގު އައްސޭރީގައި ފަލަސްތީނު މީހުން އުފުލަމުންދާ ތަކްލީފުތައް މުޅި ދުނިޔެއަށް ހާމަވެގެންދިއުމަކީ އޭނާއަށް ލިބޭ އުންމީދެއް ކަމަށްވެސް އޭނާ ބުންޏެވެ.
ކިޔުންތެރިންގެ ހިޔާލު