ބާރުގެ ބޭނުންކޮށްގެންނާއި ފައިސާ އުކައިގެން ރައްޔިތުންގެ ލޯތްބާއި ތާއީދު ނުލިބޭނެކަން މިއަދު ސާފުވެފައިވާ ކަމަށާއި، ރައްޔިތުންގެ އިތުބާރު ނެތް ވެރިކަމެއްގައި ދެން ދެމިހުންނެވުމުގެ އެއްވެސް މާނައެއް ނެތް ކަމަށް ވިދާޅުވެ، ރައީސް ޑރ. މުހައްމަދު މުއިއްޒުގެ އިސްތިއުފާއަށް މަޖިލީހުގެ ވެލިދޫ ދާއިރާގެ މެމްބަރު މުހައްމަދު އައްބާސް ގޮވާލައްވައިފިއެވެ.
އިއްޔެ ބޭއްވުނު ކައުންސިލް އިންތިޚާބުތަކާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިޚާބުގެ އިތުރުން ރެފަރަންޑަމް ވޯޓުން ސަރުކާރަށް ލިބުނު ބޮޑު ނާކާމިޔާބީއާ ގުޅިގެން އެކްސްގައި ކުރެއްވި ޕޯސްޓެއްގައި އައްބާސް ވިދާޅުވީ، ރައީސް ޑރ. މުއިއްޒަށް މިވަގުތު އެންމެ ރީތި ގޮތަކީ މަގާމުން އިސްތިއުފާ ދެއްވައި ގެއަށް ވަޑައިގަތުން ކަމަށެވެ
.
އައްބާސްގެ ޕޯސްޓުގައި ވަނީ ސަރުކާރުން އިންތިހާބަށް ނުފޫޒު ފޯރުވުމަށް ކުރި މަސައްކަތްތަކަށް ވަރަށް ބޮޑަށް ފާޑުވިދާޅުވެފައެވެ. އެގޮތުން، ދައުލަތުގެ ހުރިހާ މިނިވަން މުއައްސަސާތަކެއް "ކަސްތޮޅު އަޅުވައި"، ސަރުކާރުގެ ވަސީލަތްތަކާއި ދައުލަތުގެ މުދަލާއި ފައިސާ ނަހަމަ ގޮތުގައި ބޭނުންކޮށްގެން އިންތިޚާބަށް ނުފޫޒު ފޯރުވަން ކުރި ހުރިހާ މަސައްކަތެއް މިވަނީ ފެނަށް ވެފައި ކަމަށް އޭނާ ފާހަގަކުރެއްވިއެވެ.
މީގެ އިތުރުން، އިންތިޚާބާ ދިމާކޮށް ސަރުކާރުން އެތައް ހާސް ވަޒީފާއެއް ބަހާލައި، ރައްޔިތުންގެ ފައިސާއިން އެތައް ސަތޭކަ މިލިއަން ރުފިޔާއެއް އިސްރާފު ކުރި ނަމަވެސް، ދިވެހި ރައްޔިތުން މިއަދު އެވަނީ ސަރުކާރަށް ނޫނެކޭ ބުނެފައި ކަމަށް އައްބާސް ވިދާޅުވިއެވެ. އޭނާ ވިދާޅުވި ގޮތުގައި، ބާރުގެ ބޭނުންކޮށްގެންނާއި ފައިސާ އުކައިގެން ރައްޔިތުންގެ ލޯތްބާއި ތާއީދު ނުލިބޭނެކަން މިއަދުގެ ނަތީޖާއިން ވަރަށް ސާފުކޮށް ހާމަވެގެން ގޮސްފިއެވެ.
"ރައްޔިތުންގެ ނިންމުމަށް އިޙްތިރާމް ކުރައްވާށެވެ. ބާރުގެ ބޭނުންކޮށްގެންނާއި ފައިސާ އުކައިގެން ރައްޔިތުންގެ ލޯތްބާއި ތާއީދު ނުލިބޭނެކަން މިއަދު މިވަނީ ސާފުވެފައެވެ. ރައްޔިތުންގެ އިތުބާރު ނެތް ވެރިކަމެއްގައި ދެން ދެމިހުންނެވުމުގެ އެއްވެސް މާނައެއް ނެތެވެ. ރީތި ގޮތުގައި ރައީސް ޑރ. މުއިއްޒު އިސްތިއުފާ ދެއްވާފައި ގެއަށް ވަޑައިގަންނަވާށެވެ!" އައްބާސްގެ ޕޯސްޓް ނިންމާލަމުން ވިދާޅުވެފައިވެއެވެ.
އިއްޔެ ބޭއްވުނު އިންތިޚާބުތަކުގެ ނަތީޖާތަކުން ދައްކާގޮތުގައި ސަރުކާރަށް ވަނީ ގިނަ ގޮނޑިތަކެއް ގެއްލި، ބޮޑު ނާކާމިޔާބީއަކާ ކުރިމަތިލާން ޖެހިފައެވެ. މިއީ ސަރުކާރުގެ ސިޔާސަތުތަކާމެދު ރައްޔިތުންގެ މެދުގައި އޮތް ނުރުހުން ހާމަވެގެންދިޔަ ކަމެއްގެ ގޮތުގައި އިދިކޮޅު ފަރާތްތަކުން ދަނީ ބުނަމުންނެވެ.
.
އައްބާސްގެ ޕޯސްޓުގައި ވަނީ ސަރުކާރުން އިންތިހާބަށް ނުފޫޒު ފޯރުވުމަށް ކުރި މަސައްކަތްތަކަށް ވަރަށް ބޮޑަށް ފާޑުވިދާޅުވެފައެވެ. އެގޮތުން، ދައުލަތުގެ ހުރިހާ މިނިވަން މުއައްސަސާތަކެއް "ކަސްތޮޅު އަޅުވައި"، ސަރުކާރުގެ ވަސީލަތްތަކާއި ދައުލަތުގެ މުދަލާއި ފައިސާ ނަހަމަ ގޮތުގައި ބޭނުންކޮށްގެން އިންތިޚާބަށް ނުފޫޒު ފޯރުވަން ކުރި ހުރިހާ މަސައްކަތެއް މިވަނީ ފެނަށް ވެފައި ކަމަށް އޭނާ ފާހަގަކުރެއްވިއެވެ.
މީގެ އިތުރުން، އިންތިޚާބާ ދިމާކޮށް ސަރުކާރުން އެތައް ހާސް ވަޒީފާއެއް ބަހާލައި، ރައްޔިތުންގެ ފައިސާއިން އެތައް ސަތޭކަ މިލިއަން ރުފިޔާއެއް އިސްރާފު ކުރި ނަމަވެސް، ދިވެހި ރައްޔިތުން މިއަދު އެވަނީ ސަރުކާރަށް ނޫނެކޭ ބުނެފައި ކަމަށް އައްބާސް ވިދާޅުވިއެވެ. އޭނާ ވިދާޅުވި ގޮތުގައި، ބާރުގެ ބޭނުންކޮށްގެންނާއި ފައިސާ އުކައިގެން ރައްޔިތުންގެ ލޯތްބާއި ތާއީދު ނުލިބޭނެކަން މިއަދުގެ ނަތީޖާއިން ވަރަށް ސާފުކޮށް ހާމަވެގެން ގޮސްފިއެވެ.
އިއްޔެ ބޭއްވުނު އިންތިޚާބުތަކުގެ ނަތީޖާތަކުން ދައްކާގޮތުގައި ސަރުކާރަށް ވަނީ ގިނަ ގޮނޑިތަކެއް ގެއްލި، ބޮޑު ނާކާމިޔާބީއަކާ ކުރިމަތިލާން ޖެހިފައެވެ. މިއީ ސަރުކާރުގެ ސިޔާސަތުތަކާމެދު ރައްޔިތުންގެ މެދުގައި އޮތް ނުރުހުން ހާމަވެގެންދިޔަ ކަމެއްގެ ގޮތުގައި އިދިކޮޅު ފަރާތްތަކުން ދަނީ ބުނަމުންނެވެ.
ކިޔުންތެރިންގެ ހިޔާލު