ބޮލީވުޑްގައި މިހާރު ރަސްކަންކުރަމުންދާ ގައުމީ ލޯތްބާއި ކަރާމާތާ ގުޅުންހުރި ފިލްމުތަކުގެ ސިލްސިލާއަށް އިތުރު ބޮޅެއް އިތުރުކުރުމުގެ މަސައްކަތް މަޝްހޫރު ޕްރޮޑިއުސަރު އެކްތާ ކަޕޫރާއި ތަނުޖް ގަރުގް ފަށައިފިއެވެ.
"އުރީ"، "ގަދަރު 2" އަދި "އާޓިކަލް 370" ފަދަ ފިލްމުތަކަށް ލިބުނު ބޮޑު ކާމިޔާބީއަށްފަހު، އަލަށް އުފައްދާ ފިލްމު ބިނާކޮށްފައިވަނީ ހަގީގީ ހާދިސާތަކެއްގެ މައްޗަށެވެ.
ބޮލީވުޑް ހަންގާމާއިން ރިޕޯޓުކޮށްފައިވާ ގޮތުގައި އެކްތާ ކަޕޫރާއި، ތަނުޖް ގަރުގް އަދި އަތުލް ކަސްބޭކަރް ގުޅިގެން އުފައްދާ މި ފިލްމަކީ ވަރަށް ވަރުގަދަ ސިޔާސީ ތުރިއްލާއެކެވެ. މިއީ މި ތިން ފަންނާނުން އެކުގައި މަސައްކަތްކުރާ ފުރަތަމަ ފަހަރެވެ. އަދި މި ފިލްމު ޑައިރެކްޓްކުރުމަށް ހަމަޖެހިފައިވަނީ ދެކުނު އިންޑިއާގެ ކާމިޔާބު "ބްލޮކްބަސްޓަރ" ޑައިރެކްޓަރެއް ކަމަށްވެސް ރިޕޯޓްތައް ބުނެއެވެ.
މި ފިލްމުގެ މައިގަނޑު ބިނާވެފައިވަނީ 22 އެޕްރީލް 2025 ގައި ކަޝްމީރުގެ ޕަހަލްގާމްގައި ދެވުނު ނުރައްކާތެރި ޓެރަރިސްޓް ހަމަލާގެ މައްޗަށެވެ. އެ ހަމަލާގައި ހަތިޔާރު އެޅި ތިން ޓެރަރިސްޓުން ވަނީ ޕަހަލްގާމްގެ ރީތި ސަރަހައްދެއްގައި ތިބި 26 މީހަކު މަރާލާފައެވެ. މި ހާދިސާއަކީ މުޅި ދުނިޔެ ސިއްސުވާލި އަދި އިންޑިއާ އާއި ޕާކިސްތާނުގެ ގުޅުން ވަރަށް ބޮޑަށް ގޯސްވެ، ހަނގުރާމައެއްގެ ތުންފަތްމައްޗަށް ދިޔަ ހާދިސާއެކެވެ.
މިހާރު ސިނަމާތަކުގައި ދައްކަމުންދާ "ދުރަންދަރު" ފަދަ ފިލްމުތަކަށް ބެލުންތެރިންގެ ފަރާތުން ލިބެމުންދާ ބޮޑު ތަރުހީބަކީ، ހަގީގީ ހާދިސާތަކާއި ސިޔާސީ ކަންކަމުގެ މައްޗަށް ބިނާކޮށް އުފައްދާ ފިލްމުތަކަށް އޮތް ޑިމާންޑް ހާމަކޮށްދޭ ކަމެކެވެ. މި އާ ފިލްމުގެ ނަމާއި އިތުރު ތަފްސީލުތައް އަދި ރަސްމީކޮށް ހާމަކޮށްފައި ނުވި ނަމަވެސް، މިއީ ވަރަށް ބޮޑު ބަޖެޓަކުން އުފައްދާ، ބެލުންތެރިންގެ ޖަޒުބާތާ ކުޅެލާނެ ފަދަ ވަރުގަދަ އުފެއްދުމަކަށް ވާނެ ކަމަށް ބެލެވޭ ކަމަށް ރިޕޯޓުތަކުގައި ވެއެވެ.
މިކަމާ ގުޅޭގޮތުން ޕްރޮޑިއުސަރުން އަދި ވަކި އެއްޗެއް ބުނެފައެއް ނުވެއެވެ. ނަމަވެސް ބޮލީވުޑްގެ ޚަބަރުތައް ދިރާސާކުރާ ފަރާތްތަކުން ގަބޫލުކުރާ ގޮތުގައި، މި ފިލްމަކީ އިންޑިއާގެ ސިނަމާގައި ބޮޑު އިންގިލާބެއް ގެންނާނެ ފިލްމެކެވެ.
ބޮލީވުޑް ހަންގާމާއިން ރިޕޯޓުކޮށްފައިވާ ގޮތުގައި އެކްތާ ކަޕޫރާއި، ތަނުޖް ގަރުގް އަދި އަތުލް ކަސްބޭކަރް ގުޅިގެން އުފައްދާ މި ފިލްމަކީ ވަރަށް ވަރުގަދަ ސިޔާސީ ތުރިއްލާއެކެވެ. މިއީ މި ތިން ފަންނާނުން އެކުގައި މަސައްކަތްކުރާ ފުރަތަމަ ފަހަރެވެ. އަދި މި ފިލްމު ޑައިރެކްޓްކުރުމަށް ހަމަޖެހިފައިވަނީ ދެކުނު އިންޑިއާގެ ކާމިޔާބު "ބްލޮކްބަސްޓަރ" ޑައިރެކްޓަރެއް ކަމަށްވެސް ރިޕޯޓްތައް ބުނެއެވެ.
މި ފިލްމުގެ މައިގަނޑު ބިނާވެފައިވަނީ 22 އެޕްރީލް 2025 ގައި ކަޝްމީރުގެ ޕަހަލްގާމްގައި ދެވުނު ނުރައްކާތެރި ޓެރަރިސްޓް ހަމަލާގެ މައްޗަށެވެ. އެ ހަމަލާގައި ހަތިޔާރު އެޅި ތިން ޓެރަރިސްޓުން ވަނީ ޕަހަލްގާމްގެ ރީތި ސަރަހައްދެއްގައި ތިބި 26 މީހަކު މަރާލާފައެވެ. މި ހާދިސާއަކީ މުޅި ދުނިޔެ ސިއްސުވާލި އަދި އިންޑިއާ އާއި ޕާކިސްތާނުގެ ގުޅުން ވަރަށް ބޮޑަށް ގޯސްވެ، ހަނގުރާމައެއްގެ ތުންފަތްމައްޗަށް ދިޔަ ހާދިސާއެކެވެ.
މިކަމާ ގުޅޭގޮތުން ޕްރޮޑިއުސަރުން އަދި ވަކި އެއްޗެއް ބުނެފައެއް ނުވެއެވެ. ނަމަވެސް ބޮލީވުޑްގެ ޚަބަރުތައް ދިރާސާކުރާ ފަރާތްތަކުން ގަބޫލުކުރާ ގޮތުގައި، މި ފިލްމަކީ އިންޑިއާގެ ސިނަމާގައި ބޮޑު އިންގިލާބެއް ގެންނާނެ ފިލްމެކެވެ.
ކިޔުންތެރިންގެ ހިޔާލު