ރައްޔިތުންގެ މަޖިލީހުގެ ނިލަންދޫ ދާއިރާގެ މެންބަރު ފާތިމަތު ސައުދާގެ ބޭންކް އެކައުންޓަށް ވިޔަފާރިވެރިއަކު 2.4 މިލިއަން ރުފިޔާ ޖަމާކުރި މައްސަލަ ސީރިއަސް މައްސަލައެއްގެ ގޮތުގައި ބަލައި ފިޔަވަޅު އެޅުމަށް އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރު ގޮވާލައްވައިފިއެވެ.
މި މައްސަލައާ ގުޅިގެން އެކްސްގައި ކުރެއްވި ޕޯސްޓެއްގައި އަމްރު ވިދާޅުވީ، ރައްޔިތުންގެ މަޖިލީހަކީ އެއްވެސް މީހެއްގެ ނުވަތަ ބައެއްގެ ނުފޫޒު ނެތް، މިނިވަން މުއައްސަސާއަކަށް ވާންޖެހޭނެ ކަމަށެވެ. މަޖިލިސް މެންބަރަކު ވިޔަފާރިވެރިއެއްގެ އަތުން މިލިއަނުން ފައިސާ ނެގުމަށްފަހު، އެކަން ދިފާއުކުރަން މަސައްކަތް ކުރުމަކީ ސާފުކޮށް ފެންނަން އޮތް ސުލޫކީ މައްސަލައެއްކަން އަމްރު ފާހަގަކުރެއްވިއެވެ.
"މިފަދަ ކަންކަން ސީރިއަސް މައްސަލަތަކުގެ ގޮތުގައި ބަލައި، ކުރިއަށް އޮތް ތަނުގައި މިފަދަ ކަންކަން ނުހިނގާނެ ގޮތަށް ހަރުދަނާ ފިޔަވަޅުތަކެއް އަޅަންޖެހޭ،" އަމްރު ވިދާޅުވިއެވެ.
އަމްރު އިތުރަށް ވިދާޅުވީ، ރައްޔިތުންގެ މަޖިލީހަށް ރައްޔިތުންގެ އިތުބާރު ހޯދުމަށްޓަކައި އަދިވެސް ގިނަ މަސައްކަތްތަކެއް ކުރަން ޖެހިފައިވާ ކަމަށެވެ.
މި މައްސަލައާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ކޮއްކޯފުޅު، ފާތިމަތު ސައުދާ ވިދާޅުވެފައިވަނީ އެ ފައިސާއަކީ ވިޔަފާރިވެރިއެއްގެ އަތުން އޭނާ ނެންގެވި "ސްޓޫޑެންޓް ލޯނެއް" ކަމަށެވެ.
"އާދެ، ވިޔަފާރިވެރިއަކު އަތުން ނެގި ސްޓޫޑެންޓް ލޯނެއް އެއީ. ކަމާ ގުޅޭ ހުރިހާ ލިޔުމެއް ވާނީ ބޭންކަށް ހުށަހަޅާފައި،" މީޑިޔާ އަކަށް ސައުދާ ވިދާޅުވިއެވެ.
މެންބަރު ސައުދާގެ އެކައުންޓަށް މިލިއަނުން ފައިސާ ޖަމާވި މައްސަލަ ފެންމަތިވެފައިވާއިރު، ރައްޔިތުންގެ މަޖިލީހުގެ މެންބަރުންގެ މާލީ ބަޔާންތަކާއި ސުލޫކީ މިންގަނޑުތަކާ މެދު އާންމުންގެ މެދުގައި ވަނީ ބޮޑެތި ސުވާލުތަކެއް އުފެދިފައެވެ. މި މައްސަލައާ ގުޅިގެން ކަމާބެހޭ މުއައްސަސާތަކުން ރަސްމީކޮށް ވަކި އެއްޗެއް އަދި ހާމަކޮށްފައެއް ނުވެއެވެ.
"މިފަދަ ކަންކަން ސީރިއަސް މައްސަލަތަކުގެ ގޮތުގައި ބަލައި، ކުރިއަށް އޮތް ތަނުގައި މިފަދަ ކަންކަން ނުހިނގާނެ ގޮތަށް ހަރުދަނާ ފިޔަވަޅުތަކެއް އަޅަންޖެހޭ،" އަމްރު ވިދާޅުވިއެވެ.
އަމްރު އިތުރަށް ވިދާޅުވީ، ރައްޔިތުންގެ މަޖިލީހަށް ރައްޔިތުންގެ އިތުބާރު ހޯދުމަށްޓަކައި އަދިވެސް ގިނަ މަސައްކަތްތަކެއް ކުރަން ޖެހިފައިވާ ކަމަށެވެ.
މި މައްސަލައާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ކޮއްކޯފުޅު، ފާތިމަތު ސައުދާ ވިދާޅުވެފައިވަނީ އެ ފައިސާއަކީ ވިޔަފާރިވެރިއެއްގެ އަތުން އޭނާ ނެންގެވި "ސްޓޫޑެންޓް ލޯނެއް" ކަމަށެވެ.
މެންބަރު ސައުދާގެ އެކައުންޓަށް މިލިއަނުން ފައިސާ ޖަމާވި މައްސަލަ ފެންމަތިވެފައިވާއިރު، ރައްޔިތުންގެ މަޖިލީހުގެ މެންބަރުންގެ މާލީ ބަޔާންތަކާއި ސުލޫކީ މިންގަނޑުތަކާ މެދު އާންމުންގެ މެދުގައި ވަނީ ބޮޑެތި ސުވާލުތަކެއް އުފެދިފައެވެ. މި މައްސަލައާ ގުޅިގެން ކަމާބެހޭ މުއައްސަސާތަކުން ރަސްމީކޮށް ވަކި އެއްޗެއް އަދި ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު