ސްރީލަންކާގެ ކަނޑުގެ ސިފައިން އީރާނުގެ މަނަވަރުގެ ފަޅުވެރިން ސަލާމަތްކުރުމަށް ހިންގި ހާއްސަ އޮޕަރޭޝަނުގައި ދިވެހިރާއްޖޭގެ ގައުމީ ދިފާއީ ބާރުގެ މަނަވަރު "ހުރަވީ" ބައިވެރިވެފައި ނުވާކަން ކަށަވަރުވެއްޖެއެވެ. ހުރަވީ މިވަގުތު އޮތީ ކޮޅުބުގެ ބަދަރުގައެވެ.
މި ދަނޑިވަޅުގައި މަނަވަރު ހުރަވީ އޮތީ އިންޑިއާގެ ވިޝާކަޕަޓްނަމްގައި ބޭއްވި ބައިނަލްއަގުވާމީ ފްލީޓް ރިވިއު ނިންމާލުމަށްފަހު އެނބުރި ރާއްޖެ އައުމުގެ މަގުމަތީގައެވެ. ދަތުރުމަތީގައި ބައެއް މަރާމާތުތައް ކުރުމަށްޓަކައި މިހާރު ހުރަވީ ބަނދަރުކޮށްފައިވަނީ ސްރީލަންކާގެ ކޮލަމްބޯ ބަނދަރުގައެވެ. ލަންކާ ނޭވީން މައުލޫމާތު ދޭ ގޮތުގައި، ހުރަވީ ކޮލަމްބޯގައި އޮންނަ މުއްދަތުގައި އެ މަނަވަރުގެ ސިފައިން ލަންކާގެ ބައެއް މުހިއްމު ތަންތަނަށް ޒިޔާރަތް ކުރުމަށް ވެސް ވަނީ ހަމަޖެހިފައެވެ.
މަނަވަރު ހުރަވީ ކޮލަމްބޯގައި މަޑުކުރާނީ މި މަހުގެ 26 ވަނަ ދުވަހާ ހަމައަށެވެ. އެއަށްފަހު އެ މަނަވަރު އެނބުރި ރާއްޖެއަށް އައުމަށް ފުރާނެއެވެ. އީރާނުގެ މަނަވަރަކަށް ދެވުނު ހަމަލާއަކާ ގުޅިގެން ސަރަހައްދުގެ މަސްރަހު ހޫނުވެފައިވީ ނަމަވެސް، ހުރަވީގެ މި ދަތުރަކީ ކުރިންވެސް ރޭވިފައިވާ، ފްލީޓް ރިވިއުއާ ގުޅުންހުރި ދަތުރެއްކަން ފާހަގަކޮށްލެވެއެވެ.
މަނަވަރު ހުރަވީ ކޮލަމްބޯގައި މަޑުކުރާނީ މި މަހުގެ 26 ވަނަ ދުވަހާ ހަމައަށެވެ. އެއަށްފަހު އެ މަނަވަރު އެނބުރި ރާއްޖެއަށް އައުމަށް ފުރާނެއެވެ. އީރާނުގެ މަނަވަރަކަށް ދެވުނު ހަމަލާއަކާ ގުޅިގެން ސަރަހައްދުގެ މަސްރަހު ހޫނުވެފައިވީ ނަމަވެސް، ހުރަވީގެ މި ދަތުރަކީ ކުރިންވެސް ރޭވިފައިވާ، ފްލީޓް ރިވިއުއާ ގުޅުންހުރި ދަތުރެއްކަން ފާހަގަކޮށްލެވެއެވެ.
ކިޔުންތެރިންގެ ހިޔާލު