ނިންޖަކީ އިންސާނާގެ ދިރިއުޅުމަށް އެންމެ މުހިންމު އެއް ކަމެވެ. ކޮންމެ ދުވަހަކު ވެސް ހަށިގަނޑަށް ބޭނުންވާ މިންވަރަށް ނިދި ނުލިބިއްޖެނަމަ، ހަށިގަނޑުގެ ސިއްހަތަށާއި ނަފްސާނީ ހަމަޖެހުމަށް ބޮޑެތި އަސަރުތަކެއް ކުރެއެވެ. ދިރިއުޅުމުގެ ވައްޓަފާޅިއަށް އަންނަ ބަދަލުތަކާއި، ފިކުރުބޮޑުވުމުގެ ސަބަބުން ރޭގަނޑު ނިދަން އުނދަގޫވުމަކީ ގިނަ ބަޔަކު ކުރިމަތިލާންޖެހޭ މައްސަލައެކެވެ. ނަމަވެސް، މިކަމަށް ހައްލެއް ހޯދުމަށް ކުރެވިދާނެ ގިނަ ކަންތައްތަކެއް ހުރެއެވެ.

ނިދަން އުނދަގޫވާނަމަ ނިދުމުގެ ކުރިން ހަމަޖެހޭ މާހައުލެއް ބިނާކުރުމަކީ މުހިންމު ކަމެކެވެ. އެގޮތުން ނިދުމުގެ އެއް ގަޑިއެއް ނުވަތަ ދެ ގަޑިއެއްހާ ކުރިން، ހަމަޖެހޭ ކަންކަމަށް ވަގުތު ދޭށެވެ. މިސާލަކަށް، ހޫނު ފެނުން ފެންވެރުމާއި، ފޮތެއް ކިޔުން ނުވަނަ ދުޢާ ކުރުން ފަދަ ކަންކަން ކުރެވިދާނެއެވެ. މިއީ ހަށިގަނޑާއި ހިތް ނިދުމަށް ތައްޔާރުކޮށްދޭ ކަންކަމެވެ.

ނިދުމުގެ ކުރިން ނިދާ ކޮޓަރި ރަނގަޅު ކުރުމަކީވެސް މުހިންމު ކަމެކެވެ. ނިދާ ކޮޓަރިއަކީ އަނދިރި، އަދި ފިނި ތަނަކަށް ވާން ޖެހެއެވެ. އެހެންކަމުން ކޮޓަރިއަށް އަލި ނުވަންނަ ގޮތެއް ހަދައި، ކޮޓަރީގެ ފިނިހޫނުމިން އެންމެ އެކަށީގެންވާ މިންވަރެއްގައި ބެހެއްޓުމަކީ މުހިންމު ކަމެކެވެ. އަދި ހަމައެއާއެކު ނިދާ އެނދާއި ބާލިސްތަކަކީ ހަމަޖެހޭ ފަސޭހަ ތަކެތި ކަމަށް ވާންވާނެއެވެ.

މީގެ އިތުރުން ނިދަން އުނދަގޫވާނަމަ ކެއިން ބުއިމަށް ސަމާލުކަން ދިނުމަކީވެސް މުހިންމު ކަމެކެވެ. ރޭގަނޑު ނިދުމުގެ ކުރިން ކެފެއިން ހުންނަ ބުއިންތައް ބުައިމާ ދުރުހެލިވާން ޖެހެއެވެ. މިތަކެތީގައި ހިމެނޭ މާއްދާތަކުގެ ސަބަބުން ނިދަން އުނދަގޫވެ، ނިދުމަށް ބުރޫ އަރައެވެ. އަދި ރޭގަނޑު ބަރު ކާނާ ނުވަތަ ގިނައިން ކެއުމުން ވެސް ނިދި އައުން ލަސްވެދާނެއެވެ. ނަމަވެސް ބަނޑުހައިވުމުގެ ސަބަބުން ނިދަން އުނދަގޫ ވާނަމަ، ލުއި ކެއުމެއް ކެވިދާނެއެވެ.